L0 · Joshua · Книги Иисуса Навина — Skaryna full text

Chapter 1

ПОЧИНАЕТЬСЯ КНИГА ИСУСА, СЫНА НАВИНА, еже назывется от Евреи Егошуа бинъ-Нунъ (той воведе сыны Израилевы в землю обетованую), а имать главъ 24.

О утвержении Божиемъ Исуса, сына Навина, словы Своими. И повелелъ ему наготовити стравы и ити черес Іордан. И людие слюбують послушание.^aБысть по смерти Моисеове, раба Божия, рече Господь ко Исусу, сыну Навину, отроку Моисеову, глаголя:«Моисей, рабъ Мой, умре. Ты же въстани и иди чересъ Іорданъ сей, и вси людие Ізраилевы да идутъ с тобою до земли, юже обещалъ есми дати имъ.Всяко место, по немже будуть ступати ноги ваше, дамъ е вам, якоже глаголахъ Моисею, рабу Моему.От пустыни и от Ливана и даже до реки великое Ефратъ всю землю Етейскую дамъ вамъ, даже до моря Великаго противу западу солнца будуть пределы ваше.^bНиктоже вамъ не возможеть одолети по вся дни живота твоего, и яко былъ есми с Моисеомъ, тако буду и с тобою,^c не завергу тебе и не оставлю тя.^d Буди силенъ.Сего ради укрепися и ты бо воистинну розделиши по жребиехъ землю сию сыномъ Ізраилевымъ, юже обещалъ есмъ отцемъ ихъ дати ю имъ.^e Протожъ укрепися и буди велми мужный, абы еси сохранил и наполнилъ весь законъ, еже далъ естъ тобе Моисей, рабъ Мой. Да не уклонишися от него ни налево, ни направо, да поразумееши всимъ речемъ, еже чиниши,и да не выходить законъ Господа, Бога твоего, изъ устъ твоихъ, но повчатися и мыслити будеши в немъ во дни и в ночи, абы еси хранилъ и полнилъ вси речи, еже написалъ естъ Моисий, рабъ Мой. И тако поразумееши добре пути твоя, егда сохраниши и соблюдеши, и наполниши законъ Мой.Сего ради приказываю тобе: укрепися жъ и буди мужъ сылный, не бойся и не страшися, с тобою убо есмъ Азъ, Господь, Богъ твой, во всехъ путехъ твоихъ, на неже аще где обратишися или пойдеши».Тогда заповедалъ естъ Исусъ, сынъ Навинъ, всемъ княземъ людей Ізраилевыхъ, глаголя:«Идите посреди становъ людскихъ и прикажите сыномъ Ізраилевымъ, глаголюще: Наготуйте собе стравы, понеже по трехъ днехъ пойдете чересъ Іорданъ и вниидете в землю, юже да вамъ Господь, Богъ вашъ, абы есте владели ею».Поколению же Рувинову и Гадову и половине племеня Манасиина рече Исусъ Навинъ:«Паметайте на слова, еже вамъ приказалъ естъ Моисей, рабъ Божий, глаголя: ^f “Господь, Богъ вашъ, далъ естъ вамъ отпочинение и землю ко пребыванию”.Жены ваши и дети ваши, и скот вашъ да остануть в земли вашей, юже далъ естъ вам Моисей, рабъ Божий, предъ Іорданомъ. Вы пакъ сами идите предъ братиею вашею, сынми Израилевыми, вси мужи силныи, во зброи и воюйте пред ними,дондеже дасть Господь Богъ отпочинение братии вашей, якоже и вамъ прежде далъ естъ. И владети будут землею, юже Господь, Богъ вашъ, дасть имъ. И тако потомъ навратитеся до земли достоания своего и будете жити в ней, юже вамъ далъ естъ Моисей, рабъ Господень, предъ Іорданомъ на выходъ солнца».И отвещаша Исусу, и рекоша:^g «Вси речи, еже повелелъ еси намъ, учинимо, и игдеже когда пошлеши насъ, пойдемо.Якожъ есмо во всихъ речахъ послухали Моисея, тако и тебе слухати будемъ, толико да будеть Господь Богъ с тобою, якоже былъ естъ с Моисеомъ.Всякъ мужъ, онже бы спротивился тобе или не послушалъ словъ твоихъ, еже ты повелиши, смертию да умреть. Толико ты укрепися и буди мужный».

1. a (1, heading) Erratum: 23.
2. b (1:4) Другі Закон, 11[:24].
3. c (1:5) Ad marginem: Нижей, 3[:7].
4. d (1:5) Да Габрэяў, 13[:24] (зачын 333).
5. e (1:7) 3 Царстваў, 2[:7].
6. f (1:13) Лічбы, 32[:20-30].
7. g (1:16) 1 Макавейская, 2[:19-21].

Chapter 15

Земля, которая ся достала поколению Іюдину. Калефъ поразил враги своя. О дщерах Калефовыхъ. И о иныхъ многихъ градехъ сыновъ Іюдиныхъ.Часть же земли сыновъ Іюдиныхъ по племенохъ своихъ сия была естъ: от пределовъ Едомлихъ даже до пустыни Синъ противъ полудни и даже до останочное страны полудня.Початок же ея от верховя моря Пресланаго и от затоки его, еже зрить к полуднюи идеть противъ горе Скоропиеве и проходить до Сина, и вступуеть до Кадис-Варни, и приходить до Есрома, и восходить к Дарану, и окружаеть Кариафайи оттоле проходит до Асемона и идеть к потоку Египетскому, и ту будет рубежъ его море Великое, а тамъ естъ конець полуденное страны.От востоку же солнца будеть початокъ море Пресланое даже до кончинъ Іордана; и тоеже зрить к полунощи, от затоки моря даже до тое жъ реки Іорданское.И потом вступует рубежъ до Ват-Егля и идеть от полунощи до Веф-Арава, входящи к каменю Боемъ сыновъ Рувиновыхъ,и хилится даже к межамъ Дебера з долины Ахоръ, противъ полунощи зряй в Галгалы, еже ест против ухожения до Адомина от полуденное страны потока, и идеть к водам, еже словуть Кладезь Солнца.^aИ будуть выходы его ко кладезю Роель, и вступуеть по долине сына Енон з боку Евузея к полудню, то естъ Ерусалиму, и оттоле ся поздвигаеть к верху горы, еже естъ противъ Егеннонъ, к западу солнца, на верху долины Рафаим противъ полунощи,и идеть от верху горы Ефронъ даже до кладезя воды Нептоа, и приходить даже к селам горы Ефронъ, и хилится до Валя, еже ест Кариат-Арим, сие ест «градъ лесный»,и обыходить з Валя противъ западу солнца даже к горе Сеиръ, и идеть подле боку горы Яримъ ку полунощи до Хеслона, и ступуеть до Веф-Замеса^b, и идеть до Тамны,и приходить противъ полунощи ко Акарону збоку, и хилится до Сехрона, и идеть на гору Ваалю, и приходить до Евнеиля и моря Великого, против западу солнца концем ся завирает.Сии суть рубежи сыновъ Іюдиныхъ, еже беша около во племенохъ их.Калефови же, сыну Ефониину, далъ естъ Исусъ часть посреди сыновъ Іюдиныхъ, якоже ему завещал былъ Господь Богъ: Кариаф-Арбе, градъ отца Енахова, той естъ Хевронъ.И погубилъ естъ в немъ Калефъ три сыны Енаховы — Сесая и Гаймана и Тольмая з роду Енахим,и оттоле въступилъ и иде ко живущимъ в Давире, еже первей слыло Кариат-Сеферъ, то естъ «градъ писомъ».^cИ рече Калефъ: «Кто бы побилъ Кариатсеферянъ и добылъ града, дамъ ему Аксу, дщеру мою, за жену».И добылъ естъ его Отонииль, сынъ Ценезеов, брата младшего Калефова. И далъ естъ ему Аксу, дщеру свою, за жену.Она же, егда посполу шла съ отцемъ своимъ, научилъ ея мужъ, абы просила во отца своего поля. И воздохнула ест, седящи на осле. К ней же Калефъ рече: «Что ти ест?»И она отвеща: «Дай ми благославение. Землю полуденную и сухую далъ еси мне, придай и мокрое. И такъ придалъ естъ ей Калефъ земли мокрое з горы и з долу».Сие естъ достоание поколения сыновъ Іюдиныхъ по племеномъ их.И были суть грады от последних стран сынов Іюдиныхъ, подле пределовъ Едомлих от полудня: Капсиль и Едеръ, и Ягуръ,и Циниа, и Димона, и Адада,и Цедесъ, и Асор, и Етан,Зиф, и Телен,^d и Валот,и [А]сор нова^e, и Кариот, Есромъ, то естъ Асор,Оман, Саме и Мелода,и Асер-Гада, и Асемотъ, и Вет-Фелех,и Асер-Суаль, и Версавиа, и Вазиофиа,и Аваля, и Гум, Есен,и Вельтоляд, и Ексуль, и Сарма,и Сицелех, и Медемена, и Сенсана,и Леваот, и Селимъ, и Аген-Ремон — вси грады двадесет и деветь, и села их.В полях же беша грады: Ешкаол, и Сараа, и Асена,и Азона, и Ен-Гаминъ, и Тафуа, и Енаимъ,и Еримотъ, и Адулям, Сохотъ и Азеха,и Саримъ, и Адытаимъ, и Гедера, и Едеротаимъ — градовъ четыренадесеть, и села ихъ.Сананъ и Адеса, и Магдал-Гад,и Делеанъ, и Месфа, и Ехтель,и Ляхисъ, и Вашат, и Еглонъ,и Теввонъ, и Леемасъ, и Цефысъ,и Ідерофъ, і Вет-Дагонъ, и Намай, и Мацеда — градовъ шестьнадесеть, и села их.Лавана, и Етиръ, и Асанъ,и Ептай, и Еснай, и Несив,и Цеиля, и Ахзивъ, и Мареса — градов деветь, и села их.Акарон с посады и с селы своими.От Акарона пакъ даже до моря вси речи, иже ся хилять ко Азоту, и села их;Азотъ теже с посады и селы своими, Газа ис селы своими даже до потока Египетскаго, и море Великое предел его.И на горе Санире: Ехеръ и Сохот,и Еденна, и Кариат-Сенна,^* то естъ Давиръ,и Навъ а Истемонъ, и Анимъ,и Гозонъ, и Олонъ, и Гило — градовъ одиннадесяти и села их.Аравъ, и Ромаи, и Есаанъ,и Ямина, Бетафа^f, и Афека,и Амата, и Кариат-Арбе, то ест Хевронъ, и Сеоръ — градъ деветь, и села их.Маонъ и Хермель, и Зифъ, и Лотай,и Езраиль, и Никадам, и Азаноимъ,и Аккаимъ, и Гаваа, и Тамъна — градовъ десеть, и села ихъ.Алюль и Бет-Суръ, и Едоръ,и Маретъ, и ВетАнохъ, и Гельтецемъ — градовъ шесть, и села ихъ.Кариа[т]-Ваиль, то естъ Кариат-Аримъ, «градъ лесный», и Аревва — грады два, и села ихъ.В пустыни же: Веф-Арава, Мединъ и Сахай,и Нептай, и градъ сольный,^g и Енгады — градовъ шесть, и села ихъ.Евузея пакъ, живущего въ Ерусалиме, не могли суть сынове Іюдины погубити, и живяше Евузей съ сынми Іюдиными въ Ерусалиме даже до днешнего дня.

1. a (15:7) кладезь Солнца — Эн-Шамеш [Вульгата: fontem Rogel, ‘крыніцай Рагель’; ЦСБ: источникъ Рогиль].
2. b (15:10) Веф-Самеса.
3. c (15:15) Суддзяў, 1[:24].
4. d (15:24) Erratum: Зиф, и Телен → Зиф, Етелен (Вульгата: Ziph et Telem; ЦСБ: и Іфнакзіфъ, и Телемъ).
5. e (15:25) Erratum: [А]сор нова → Сорнова (Вульгата: Asor nova; ЦСБ: Асоръ новый).
6. * (15:49) Erratum: Кариастенна.
7. f (15:53) Erratum: и Ямина, Бетафа → Яминавет и Бетафа (Вульгата: et Janum et Beththaphua; ЦСБ: и Іанумъ, и Вефъ-Фапфуе).
8. g (15:62) градъ сольный — Ір-Хамелях (Вульгата: civitas salis, ‘саляны горад’; ЦСБ: градъ соли).

Chapter 18

Isolated verses only: this chapter page was not archived; the verses come from archived verse-comparison pages of the same site.

Гаваонъ и Рама, и Берот,