L0 · Esther · Книга Эсфирь — Skaryna full text

Chapter 1

ПОЧИНАЕТЬСЯ КНИГА ЕСЪФЕРЪ, ЦАРИЦИ, онаже выбавила естъ сыны Ізраилевы от руки Амановы, иже былъ выпросилъ ихъ у царя Асъвера. А имать главъ 16.^a

О пировании царя Асвера, егоже царица Вастъха не хотела ити къ царю на пиръ, и протожъ отогнал ее и установил, абы жены послухали мужей своих.Во днехъ Асвера-царя, онже царствовал естъ от Инъдии даже до Ефиопии над стомъ и двадцетми и седми странами —егда сяде на престоле царства своего, Зуза-град было естъ початокъ царства его, —третиего пакъ лета царства своего учинилъ ест пиръ великий всемъ княземъ своимъ, и воиномъ пресилнымъ Перскымъ и Медскимъ, и всем славным урядником странъ своихъ,^bабы указалъ имъ богатество славы царства своего и великость и хвалу силы своея, за долгий часъ, то естъ за сто и за осмъдесятъ дней.И егда наполнишеся дневе пирования, созвалъ потомъ всехъ людей, иже беша во граде его Зузе, от мала и до велика и повелелъ имъ за седмъ дней пиръ чинити в сеняхъ винограда и саду своего, ониже царскимъ накладом и окрасою уделаны были.И повешены были со всихъ странъ опоны и ковры небесное фарбы, то ест голубое, со златом промешиваное, и лазуровое з ыными фарбами, и розтягнены были вервями шолъковыми, со златомъ делаными, по кольцехъ костей слоновыхъ, и ко столпомъ мраморовымъ были привязаны.Кресла теже были златые и сребреные на уднении, стены пакъ были от каменя шмарагда и мрамора з разноличными взоры украшены.И пили суть, иже позваны были, из златыхъ кубковъ, и на иныхъ всегда мисахъ потравы носили; вино теже найлепшее, яко слушало естъ на многоможность царьскую, давали суть. И не нутилъ никто ко питию не хотящихъ пити, но такъ учинилъ царь: поставилъ князей своихъ предъ единымъ кажным столомъ, абы елъ и пилъ кажный, еже ему любо ест.Царица теже Вастъха уделала была пиръ женам в полате, в нейже царь Асверъ имелъ обычай бывати.Тогда дня седмаго, егда царь былъ веселъ и по великомъ питии, внегда розожгло его вино, повелелъ Науманови, и Вазатови, и Арвонови, и Вагатови, и Аббафови, и Зарахови, и Хархасови — седми постелникомъ своимъ, ониже служаху пред лицем его, —абы привели Вастху-царицу, возложивши на главу ея коруну, предъ царя, да бы указалъ красу ее всемъ людемъ и княземъ своим, была бо естъ красна вельми.Она же погорде ими и царева повеления, еже усказалъ к ней слугами своими, не захоте послушати.Протожъ розгневался естъ яростию великою царь и радился естъ з мудръцами, ониже по обычаю царьскомъ всегда при немъ быша, и по совету ихъ чиняше вси речи, они бо суть умели и знали права и обычае предков своихъ(и были суть первые и найблизшии царя сие: Карсенъ, и Зафаръ, и Адмафъ, и Харсасъ, и Маресъ, и Марсенъ, и Манухъ, седмъ воеводъ перскихъ и медскихъ; сии видели всегда лице царево и первыи по цари обычай имели седати),глаголя, которую бы вину заслужила Вастха-царица, онаже приказания царева, еже был к ней постелниками своими усказал, не хотела послушати.Отвеща же Манухъ слышащему царю и воеводам и рече: «Не толико провинила естъ самому царю Вастха-царица, но и княземъ, и всемъ людемъ, иже суть по всехъ странах царя Асвера;изыйдеть бо речь царици ко всемъ женамъ, и погордять мужми своими и рекуть: “Царь Асверъ казалъ, абы царица Вастха пришла к нему, и не учинила того”.И тако, услышавши сее, вси жены князей Перскихъ и Медъскихъ не будуть слухати мужевъ своихъ. А протожъ, царю, справедливо естъ розгневание твое.И любить ли ся тобе, да выйдеть заповедь из устъ твоихъ подле правъ Перскихъ и Медскихъ, ихже преступити нихто не можеть, да бы николи Вастха не ходила къ царю; царство же ее иная, еже будеть лепшая, да приимет.И сия заповедь да будеть розглашена по всехъ странахъ царства твоего преширокого, абы вси жены великихъ и малыхъ сохранили честь и послушание мужемъ своимъ».И полюбилася естъ речь его царю и всемъ князем; и учинилъ естъ по совету Манухову,и розослал листы по всехъ странахъ царства своего, тако иже всякие людие слышети и чести могли розличными языки и писмы, абы знали то, иже мужи суть князи и старейшины в домех своих, а то по всех народехъ да будеть ведомо.

1. a (1, heading) Увесь твор перакладзены Францыскам Скарынам паводле Вульгаты.
2. b (1:3) Данііла, 5[:1].

Chapter 2

Isolated verses only: this chapter page was not archived; the verses come from archived verse-comparison pages of the same site.

Сия же Есъферъ любилася ему и знашла ест ласку пред очима его, и скоро добыл ей чистого и красного убрания, и украсилъ ю, и далъ ей часть ея, и приставил к ней седмъ девиць прекрасныхъ здому царева, и тако саму и служебници ея велми украсилъ.

Chapter 8

Isolated verses only: this chapter page was not archived; the verses come from archived verse-comparison pages of the same site.

Мардохей пакъ егда выхожаше от царя с полаты царевы, блищашеся ризою царскою синего цвету и белого, неся венець златый на главе своей, одеаный во плащь шолковый, тканый со златомъ. И весь градъ возвеселися и возрадовася.

Chapter 9

Isolated verses only: this chapter page was not archived; the verses come from archived verse-comparison pages of the same site.

И для того названи суть дневе тые Фуримъ, то ест «дневе жребиевъ», прото иже фуръ, иже исказуется «жребей», воверженъ естъ до сосуда. И вси речи, еже быша в ты часы, пописаны суть во книгахъ сихъ, и что суть терпели Іудеи, и что изменено ест.