Library · 4 · Nesvizh, 10 June 1562
Forty-five years after Francysk Skaryna’s Prague Psalter, a small Protestant press at Nesvizh, the Radziwiłł seat in the Grand Duchy of Lithuania, printed a book of questions and answers in the Ruthenian written language. It is usually called Катихисис (Katichisis), “the Catechism”, and it is the first book known to have been printed in Cyrillic on the territory of present-day Belarus.[1]
The colophon names three men who paid for it: Maciej Kawieczyński (Matsei Kavečynski), the Radziwiłł steward (намѣстникъ) of Nesvizh; the Calvinist minister Symon Budny; and Wawrzyniec Krzyszkowski (Laŭryn Kryškoŭski). It dates the printing to 10 June 1562.[2] The dedication that follows the title is dated two days later, 12 June. It is addressed to the two leading Radziwiłłs, Mikołaj “the Black” (Voivode of Vilnius, Chancellor) and Mikołaj “the Red” (Voivode of Trakai, Grand Hetman), and to the Black’s eldest son, the young Mikołaj. In it the publishers ask the princes to love “the long-famous Slavonic language” as well as the foreign tongues they had learned. The preface, signed only as “the least of the servants of the holy Church”, is dated at Kletsk.[2]
The book is an octavo of 6 + 3 + 251 leaves. It is set in type that Batiushkov in 1874 called “Prague type of various sorts”, which puts it in the typographic line that runs back to Skaryna.[2] The catechism proper has four parts: the Law (the Ten Commandments), the faith (the Apostles’ and Nicene Creeds), the Lord’s Prayer, and the sacraments. In the last part the answer to “how many sacraments do Christians have?” is “two only, holy baptism and the Lord’s Supper”, the Reformed position.[2] According to Łastoŭski (1926), the book was reprinted in Stockholm in 1628.[5]
What is on this page. Below you will find the original text in the spelling of the printed witnesses: the whole dedication as Batiushkov printed it in 1874; the opening of the preface as Pičeta quoted it in 1926; and a question-and-answer sample (the first questions, the Commandments, both Creeds, the Lord’s Prayer and the opening of the sacraments part) as Batiushkov excerpted it. The title page and colophon are shown as facsimiles only. Batiushkov reset them in imitation early-Cyrillic type, which cannot be re-keyed glyph by glyph without guessing, so there is no open transcription of them here. After the text comes a facsimile gallery. The sources & rights section lists every source with its licence.
Read the whole book. A complete 523-page microfilm scan (PDF, 64 MB) is on Wikimedia Commons (direct PDF). It is credited to the National Library of Belarus. Another copy, from Moscow University Library, is in Brill’s subscription database Slavonic Bibles Online.
The original text
Dedication to the Radziwiłł princes
1874 ed., pp. 153–155
„Освецоныхъ княжатъ и пановъ Миколаевъ Радивиловъ, Княжати на Олыце и Несвижу, Воеводы Виленьского, навышъшего Маршалъка и канъцлера великого Князьтва Литовъского и далей: А Княжати на Дубинкахъ и Бержахъ, Воеводы Троцъкого, Великого Гетъмана князьтва Литовъского, и далей.Сыномъ перъворожонымъ ихъ милостямъ, Княжатомъ молодымъ, паномъ Миколаемъ Миколаевичомъ Радивиломъ, отъ бога отца черезъ Христа единого сына его въ духу святомъ утешителю, Ласки, покою, и вечного благославенья веръного Христового збору братья, а слуги ихъ Княжацъкихъ милости веръне жедаютъ.
„Богъ всемогучый, освѣцоные а милостивые Княжата, потому ся всегды напротивъ грѣшному человѣку заховалъ, ижь хотяжь самъ отъ него отходилъ предся его дивънымъ обычаемъ отъ блуда и отъ грѣховъ вырывалъ.Тако ся наперъвей ко онымъ перъшимъ родителемъ нашимъ показалъ.Сихъ бо по о (sic) ономъ ихъ тяжкомъ упадку, а по утраченью оного образа и подобеньства божіего, на который были сътворени къ оной перъвой невинъности, святости, справедливости, и у правде:Зъ особливого милосеръдья своего, въ гнѣве своимъ не рачилъ зоставити, але ужаливъшися надъ ихъ упадкомъ рачилъ имъ заразомъ и всему потомству ихъ, предивъный ратунокъ урадить, а таковое племя обецать черезъ которое мѣла быть стерта голова проклятому противнику сатанѣ, и оный упадокъ зънову мѣлъ быть направълен (sic), и оная первая невинъность и справедливость приверънена.Которое то обетъници о сосланю того светого насенья, ухвативъшися вѣрою перъвые родители наши, оною ся ажь до смерьти тѣшили, и оною жь приверъненого благословеного живота доступили.Такъ же сыновъ и потомства ихъ, колько кроть коли хвала панская нарушена бывала, николи пропоминать не рачилъ.А потомужь по ономъ грозномъ всее плоти черезъ потопъ зъглаженю Ноя, а потомъ Авраама, Исаака, Якова.Патриарховъ святыхъ и всихъ дванадцати поколени Изъраильскихъ, которые вывелъ зъ Египту тотъ же отъ вековъ милосеръдный Богъ занехати не рачилъ, але имъ опять оную свою обѣтъницу о насенью благославеномъ, якобы зънову отновилъ, въ которомъ мѣли быти благославены вси народы людьские, А тое насенье. водлугъ выкладу Апостолского называется Христосъ.А такъ явне ся и зъ старого и зъ нового закону оказуеть ижь панъ богъ всякого чловѣка упалого опущати не рачилъ. а опять ни черезъ жадного инъшого збавити не хочеть, одно черезъ Христа пана, оное вечьное а благословеное сѣмя с початъку в раю обецаное. а водлугъ выполъненя часовъ, с пречистое дѣвицы нароженое.Такъжеть и теперь освѣцоные а милостивые Княжата намъ остатнему потомству отцовъ нашихъ, и предъ остатнымъ днемъ содравшы слепоту отъ сердцъ и очъю нашихъ, черезъ духа святого и светлость Евангелия сына своего, отецъ оный всего милоседья (sic) учинити рачилъ, же намъ оную выполъненую вечьную обетъницу Христа пана, которую намъ былъ сатанъ въ пропасти Римъского и Греческого Вавилона затъмилъ слово его святое нарушилъ, и таины поскерънилъ (sic), зънову праве объясните, а яко пальцомъ оказати, а насъ с тое Содомы АнтиХристовой выръвавъшы, опять зънову ку истинъному збавителю притегнути, рачилъ,Которого тутъ въ тыхъ малыхъ новое кузни книгахъ, онымъ славнымъ здавъна далеко росъширенымъ словеньскимъ языкомъ суть накоротъце пописаны праваА вашимъ Кнежацскимъ милостямъ, яко тыхъ двухъ въ той речи посполитой славъныхъ одного коренья филяровъ, сыномъ, Не инъшимъ жаднымъ умысломъ, одно яко и оного часу, (абы нихто иначей не судилъ) и святый Лука Еванъгелистъ побожьному а зацъному Ѳеофилу двое книгъ своихъ приписалъ для много слушъныхъ причинъ поданы и приписаны, а звлаща для, заразъ зъ млодости въ сердцахъ ихъ зачатья и занятья милости ку слову Божіему.Къ тому тѣжь и для того, абы ся ваши княжацъские милости не только въ чужоземскихъ языцѣхъ кохали, але бы ся тежь ваши Княжацъские милости и того здавъна славъного языка словенъского розмиловати и онымъ ся бавати рачили.Слушъная бо речь естъ, абы ваши Княжацъские милости того народу языкъ миловати рачили, въ которомъ давъные предъки и ихъ Княжацъские милости пановѣ отци вашихъ Княжецъскихъ милости славъне преднейшие преложеньства несуть.
„А такъ онъ, который самъ всего початъкомъ, и единымъ отъ вековъ збавенья поводомъ естъ панъ богъ всемогучый, и ваши Княжацъские милости, еще в молоденъстве и знайти рачилъ:Рачьтежь прото его доброти святое въдячными быти. а такого гостя з отвороными сердъцы приняти, якобы есте были с такого навеженья вдячьными сыны узнаны,Ботьсе вашимъ Княжацъскимъ милостямъ, яко се вышей доложило. тотъ перъвородный в томъ языку :плодъ: только для самого того офяровалъ.абысте ваши Княжецъские милости зацъного стану Княжата, а передънейшыхъ вожовъ сынове, всимъ инъшимъ съ себе добрый взоръ а прикладъ давать рачили, ижь бы ся много инъшихъ прикладами вашихъ Княжацскихъ милости будовати могли, А тая отъчизна и речъ посполитая, зъ вашихъ Княжацъскихъ милости, благославеное надеи ожидать могла.Яко есте тогды ваши Княжацъские милости с одного коренья леторосли, рачтежь ся зачать и въ томъ одномъ правъдивомъ веръномъ сполъку множить и рость, абы есте ваши Княжецъские милости были не только с повинъности одное крови, але и зъ единости одного гасла единого Гетъмана Христа рыцерями и братьею а сынъми единого навышъшего бога.Въ чомъ ваши Княжецъские милости рачъ помножить и ублагословить Богъ отецъ черезъ Христа единого сына своего, въ духу святомь утешителю нашимъ: Того мы вашымъ Княжацъскимъ милостямъ отъ нѣгожь самого серъдечне жичимо.А то што ся на тотъ часъ хотя не с таковое годъности, яковое бы святые таблици Божие достоины были, але зъ якогожь колвекъ даного таланъту, вѣръне, отъ вѣръного Христового зъбору, братьи, а слугъ вашихъ Княжацскихъ милости, на томъ новомъ початъку, накоротъце выдать могло, просимо рачъте ваши Княжацские милости дотуль з ласкою за вдячне пріимовати покуль Панъ Богъ до чого большого допомочи будеть рачилъ.
„Данъ зъ Города Несвижьского, отъ въплощенья Христова, Въ року тисячъномъ пятьсотномъ шестдесятомъ и второмъ. Мѣсяца Іюня дванацадтого дня.Вашихъ Княжацскихъ милости повольные слуги Матѳей Кавечиньскій. Симонъ Будный. Лаврентей Кришковскій“.
Preface «to all the faithful Christians of the Ruthenian tongue»
Pičeta 1926, p. 241
„Ко всѣмъ благовѣрнымъ христіаномъ языка руского предъсловие в Катихисію.Катихізисъ есть слово греческого языка, сказуетъ же ся на словенскую рѣчь оглашение или гласомъ ученіе.Вѣдомо бо маеть быти иж Апостоли и ихъ ученници не тако скоро и не так латвѣ от эллинъ или жидовъ к вѣре Христовой приступуючих тайнами святыми служили.И окрестилъ убо Петр иншіи Апостоли на день съшестия Святого Духа от людей Израилевых три тисячи але умилившиися сердцем и любезно приемшихъ слово окрестилъ Филипп, иже от седми діаконъ царицы Муринскае каженика“.
1874 ed., p. 155: the preface as Batiushkov quotes it
„Къ всѣмъ благовѣрнымъ христіаномъ языка руского предъсловіе къ Катихисію“„азъ недостоинъ, отъ святыя церъкви служителей наменъший“„опричную книжку“ („о святомъ крещеніи и о вечери сына божіего“)
The catechism: questions and answers
1874 ed., p. 155 · 1562 l. 1
„Катихисісъ для детокъ христианьскихъ языка Руского, коротъко выложена“„пытанье: што есь ты; отказъ: человѣкъ есмь сътворенье божие розумъное, богомъ по образу его сътворенъное“
„Которое вѣры еси ты?Хрістіаньское вѣры.Што виненъ умѣти Хрістіанинъ?Чотыри речи умети, и водле того жити маеть.Первая законъ або заповѣди.Другая, вызнанье вѣры.Третая, молитва господня, Четверътая Тайны Хрістовы“.
The Commandments
„Я есмъ господь богъ твой, который тебе вывелъ изъ земли Египетъские изъ дому неволи.Не будешь мѣти боговъ чужіихъ передо мъною.—Не учинишь собѣ образа, ни всякого уподобія которое на небесѣхъ высоко. ани которое на земли низъко, ани которое въ водахъ подъ землею.Не поклонишься имъ, ани имъ послужишь.Я бо есмь господь богъ твой, силенъ, ревнивъ, который отдаю грѣхы отець на дети до третѣго и четвертого роду, которыи ненавидятъ мѣне, а чиню милость надъ тисечми, которыи мѣне любять и заповеди моихъ стерегуть.—Не возмешь имѣни господа бога твоего вътъще.Бо не пустить господь оного безъ каранья который бы взялъ имя его напрасъно.—Помъни день суботный святити, шесть дни дѣлати будешь, и всякие дѣла твоя учинишь, а седъмого дня субота естъ господа бога твоего.Не учинишь ни какова дѣла, ни ты, ни сынъ твой, ни дочька твоя, ни паробокъ твой, ни неволница твоя, ни скотъ твой, ни пришлецъ который межи воротъ твоихъ.Бо въ шести дний сътворилъ богъ небо и землю, морѣ, и вся што въ нихъ, и отъпочинулъ Богъ въ седмый день.Сѣго дѣля господь день суботный благословилъ и посвятилъ его.—Чти отца твоего и матку твою, абы есь долго жилъ на земли, которую господь богъ твой дасть тебѣ.—Не убий.—Не чужоложи.—Не кради.—Не посведъчишь на ближного твоего, свѣдества лживого.—Не похочешь дому ближного твоего, Не похочешь жены ближного твоего, ни паробка его, ни осла его, ани чого колвѣ што естъ ближного твоего“.
Part two: the faith (the Creeds)
1562 l. 106 · 1874 ed., pp. 155–156
„починается вторая часть катихисі о вѣре.Говори сложеніе вѣры Апостольское:Вѣрую въ бога отца вседеръжителя, творца небу и земли.И во Іисуса Христа сына его единого господа нашего.Который ся почалъ духомъ святымъ, Народился отъ дѣвы Маріи, Пострадалъ придъ (sic) Понътѣистемъ Пилате, Роспятъ, умерь и погребенъ, Зышолъ въ адъ, Третиего дня повъсталъ изъ мертвыхъ, Взишолъ на небеса, седить по правици бога отца всѣдержителя.Оттуль прідеть судити живыхъ и мертвыхъ.Вѣрую и въ духа святого, святую церъковь съборъную, святыхъ общованье, грѣхомъ оставленіе, тѣлу изъ мертвыхъ повъстаніе и животъ вѣчный, аминь.Говори вызнанье вѣры събора Никейскаго:Вѣрую въ единого бога отца вседержителя, творца небу и земли, видимымъ же всѣмъ и невидимымъ.И въ единаго господа Іисуса Христа, сына божіа единороднаго, иже отъ отца роженаго преже всѣхъ вѣкъ, свѣтъ отъ свѣта бога истинъна отъ бога истинъна, роженъна а не сътворенъна, единосущна отцю, имъже вся бышя, Насъ ради человѣкъ, и спасеніа нашего ради съшедшаго съ небесъ, и въплотивъшагося отъ духа свята и Марія дѣвы въчеловѣчьшася, распята же за ны при Поньтеистемъ Пилате, и страдавше, и погребена и въскресша въ третій день по писаніихъ, и въшедша на небеса, и седяща одесную отца, и пакы грядущаго съ славою судити живымъ и мертвымъ его же царствію нѣсть конъца.И въ духа святого истинънаго и животворящаго, иже отъ отца исходящаго, иже съ отцемь и сыномъ спокланяема и славима, глаголавшаго пророкы.И едину, святую, съборъную и апостольскую церъковъ, Исповѣдую едино крещеніе въ оставленіе грѣхомъ, Чаю въскресенія мертвымъ, и жизнь будущаго вѣка, аминь.“
Part three: the Lord’s Prayer
1562 l. 165v · 1874 ed., p. 156
„Отче нашъ, иже еси на небесѣхъ.Да святится имя твое.Да пріидеть царствіе твое.Да будеть воля твоя, яко на небеси и на земли.Хлѣбъ нашъ насущъный даждь намъ днесь.И остави намъ долъгы наша якожь и мы оставляемъ должникомъ нашимъ.И не въведи насъ въ :напасть: но избави насъ отъ лукаваго.Яко твое естъ царъствіе и сила и слава въ вѣкы, аминь.“
Part four: the sacraments
1562, unnumbered leaf between ll. 209 and 210 · 1874 ed., p. 156
„о тайнѣхъ.Колько естъ таинъ у христіанъ?Двѣ только, святое крещеніе и вечера господня.“
Colophon
How this text was made. Nothing here was typed from memory or produced by a model. Each line was copied from a public-domain printed witness, and each witness was checked against its own page scan:
- Dedication, preface quotations, questions and answers: Batiushkov (ed.), Памятники русской старины в западных губерниях, vol. 6 (St Petersburg 1874), pp. 153–156. The 1874 editor states that he expanded the abbreviation marks (titla) and otherwise kept the spelling and punctuation exactly. Words in colons, such as :плодъ: and :напасть:, mark words that carry a marginal gloss in the 1562 print (овоцъ, искушеніе). “(sic)” is Batiushkov’s.
- Preface opening: U. Pičeta, Друк на Беларусі ў XVI і XVII сталецьцях (Minsk 1926), p. 241. Pičeta’s spelling is partly normalised.
- Line numbers and line breaks are ours (one sentence or clause per line). They are not the line breaks of 1562 or 1874. Folio references to 1562 are Batiushkov’s.
- Keying method: hand-keyed from high-resolution renders, cross-checked word by word against the 1874 PDF’s OCR layer, and every ъ/ь and every residual difference re-read at 420–500 dpi. The tools and logs are kept with the source files in the series corpus (
corpus/works/04-budny-catechism/).
Facsimile gallery
Sources & rights
The Catechism itself (Nesvizh, 1562) is in the public domain. Every text and image on this page comes from a public-domain source, listed below with its licence. Modern scholarship is linked for further reading only. None of its text is reproduced here.
Texts used for the original
- [2] П. Н. Батюшков (ed.), Памятники русской старины в западных губерниях, вып. 6 (Вильна). St Petersburg, 1874, pp. 152–156. Scan on Wikimedia Commons (Google-digitised). Public domain (published 1874).
- [3] Уладзімер Пічэта, Друк на Беларусі ў XVI і XVII сталецьцях. Minsk, 1926, p. 241. Scan on Wikimedia Commons. Public domain (published 1926; the author died in 1947).
Facsimiles
- Complete scan of the 1562 book, 523 pp.: Катэхізіс Сымона Буднага (1562).pdf, credited to the National Library of Belarus. The microfilm target frame carries a Lenin State Library stamp. Public domain (a faithful reproduction of a work of 1562). The pages shown here were rendered from it as greyscale JPEGs (1600 px on the long side).
- Clean reproductions of the title page and of the first page of the dedication: File:Catechism 1562.png, and the dedication page from M. V. Nikalaeŭ, Historyja biełaruskaj knihi 1 (Minsk 2009), via Wikimedia Commons. Public domain (PD-old, faithful two-dimensional reproductions).
Background and further reading (cited, not copied)
- [1] “Catechism of Symon Budny”, Wikipedia; “Nyasvizh printing house (16th century)”, Wikipedia.
- [4] Мікалай Янчук, Нарысы па гісторыі беларускае літаратуры (Minsk 1922), ch. III, pp. 22–28: a 1922 description of the book with quotations. Scan, public domain. It is not used for the original text here, because its readings could not be checked reliably against the blurred scan.
- [5] Вацлаў Ластоўскі, Гісторыя беларускай (крыўскай) кнігі (Kaunas 1926), with dictionary citations from the Catechism: be.wikisource. Public domain. (The Commons scan of this book is missing printed pp. 384–469, where the Catechism extracts stand.)
- Maria Ivanova, “Non-compliant Reading and Annotating in the Ruthenian Reformation: Cyril of Jerusalem’s Mystagogical Catechisms from Szymon Budny’s Library”, East/West: Journal of Ukrainian Studies 8/2 (2021), 89–121, doi:10.21226/ewjus558 (Érudit). CC BY-NC-ND 4.0: linked only, not adapted. It is about Budny’s reading, not about the 1562 book.
- Slavonic Bibles Online (Brill), which contains the Katichisis of 1562 from Moscow University Library: brillonline.com. Commercial database, not used as a source here.
Изображения: источники и права. Подписи под иллюстрациями короткие; откуда взята каждая страница и на каких условиях — здесь, со ссылкой на файл.
- Nesvizh press, 1562. Microfilm of a copy with a Lenin State Library (now Russian State Library) target frame; PDF credited to the National Library of Belarus, via Wikimedia Commons. Лицензия: общественное достояние (printed 1562; faithful reproduction of a two-dimensional public-domain work). Иллюстрации: Титульный лист с чёрной заставкой, Конец посвящения и три подписи, Предисловие «Ко всѣмъ благовѣрнымъ…», Второй титул и первый вопрос «Што есь ты?», Вопросы и ответы: какая вера, Заповеди, Начало второй части, «о вѣре», Начало третьей части, о молитве Господней, Начало четвёртой части, о таинствах, Послесловие с датой 10 июня 1562, Посвящение, первая страница, Посвящение, продолжение, Посвящение, последняя страница, Конец первой части (о Законе).
- Wikimedia Commons, File:Catechism 1562.png (PNG converted to JPEG q80). Лицензия: общественное достояние (PD-old; work of 1562). Иллюстрации: Титульный лист, ретушированное факсимиле.
- Памятники русской старины в западных губерниях, вып. 6 (СПб., 1874), p. 153; Google-digitised copy via Wikimedia Commons. Лицензия: общественное достояние (published 1874). Иллюстрации: Титул и послесловие в перенаборе.
- Reproduced in M. V. Nikalaeŭ, Historyja biełaruskaj knihi, t. 1 (Minsk 2009), via Wikimedia Commons (PNG converted to JPEG q80). Лицензия: общественное достояние (PD-old; work of 1562; faithful reproduction). Иллюстрации: Начало посвящения Радзивиллам.
