The Little Traveller’s Book (Vilnius, c. 1522)

Оглавление и заглавия частейSkaryna's table of contents and the titles of the parts

Всей малой подорожной книжце порѧду кратце положены сутьheading of the table of contents

Всей книжце писана сутьits running head

ѱалтырь зуполнаѧ, часословецъ, Акаѳисты и Каноны, Шестоденецъ краткии, Светъци краткие и поскалиѧ на много лѣтаthe parts

Часословецъ имеꙗ нощънꙋю и дневнꙋ слꙋжъбꙋ поꙋставꙋ Ерусалимское церкви ипрочихъ восточънихъ обителейtitle of the Hours

живоносномꙋ гробꙋ господню, архан’гелꙋ михаилꙋ ивсемъ небеснымъ чиномъ, іоанꙋ предтечи, прт҃ѣи богородици, верховнымъ апостоломъ петру и павлу ивсемъ дванадесети, великомꙋ чꙋдотворцꙋ николе архиерею миръликиискꙋ, честному иживотворѧщемꙋ крестꙋ господню, пресладкомꙋ імени гд҃а нашего іс҃а хт҃а со стихерыthe akathists "for the whole week"

Шестодневецъ кратъкии навсꙋ неделю почевши ѿсуботы, пообычаю всехъ восточнихъ церквииtitle of the Shestodnev

Последование церковнаго собраниꙗ въселетънаго ѿмесеца септевриꙗ домесеца августа повъставу ерусалимъское церквиtitle of the calendar

ПослесловияColophons

оувелико.славном мѣсте виленскомъHours, end (fragment)

выложеныи изгрѣческого нарꙋски ꙗзыкъ докторомъ францискомъ сполоцькаCanon to the Mother of God (fragment)

Доконан естъ акаѳїстъ чесному кресту гсдьню, працею и пилностию доктора франциска скорины сполоцка градаAkathist to the Cross

Из акафистов и каноновFrom the akathists and canons

Радуисѧ крилатыи всадниче естеством радуисѧ птичю скорыи летаниемъAkathist to St Nicholas, ikos 6

Іс҃а родила еси дево богомати, того ꙋмоли спасти всѧ православныѧ иноки имирскиѧ, и геоны избавити молитвами твоими, развеи ꙋбо тебе предстателници иное крѣпки незнаемъCanon to Jesus, leaf 6

Последование и пасхалияCalendar and Paschalia

вресень, листопадъ, грудень, прасинецъ, стыченъ, люты, марецъ, кветень, месецъ маі потомꙋже маі, чирвецъ, липецъ, серпеньthe months, from September

Месецъ септевриі зовемы вресень. Імать дни л҃ день вначале его имат годин ві҃ адроб нд҃, нощ ді҃ дроб г҃ знаменаж бегу солнъцева, дева, ивага: Паметь ст҃го ѿца сѵмеона столъпника начало индиктуSeptember

Того дни солнъце входит вознамѧ небесное вага, ибыва равен день сноцию14 September

Нощъ имать годин г҃і адень аі҃26 September

великдень или пасха Воступление нанебеса гд҃ьне. Сошетие ст҃го духа. и подлуг того менитсѧ мѧсопутъ, и перов нотъ, изачинание двꙋ треодеи, адлѧ тых, празников сложена ест паскалиѧ, абы есмо вѣдали въкоторые дни книжных месецеи и празновати имамы: Благовещениеже и георгие, и м҃ мученикъ и алексие имають свои особливые дни непременныPaschalia, opening article

Страсти Господни по Иоанну (из акафиста кресту)The Passion according to John, from the Akathist to the Cross, leaves 11v–16

Vladimirov prints this reading in his appendix (pp. 346–350) and marks in the margin where each leaf of the 1522 print begins; those marks appear here in red. His footnotes of variant readings are left out.

Страсти гд҃а нашего іс҃а хт҃а еже пописалъ свт҃ый Іоан’ъ ев’ан’гелис’тъ:

Изыйде іс҃ъ совченики своими наонꙋ с’трану потока кедрон’ игдежебѣ оградъ воньже внийде самъ ивченици его ведѧшеже и иꙋда предаѧй его место, ꙗко множицею збирашесѧ тꙋ іс҃ъ совченики своими.

иꙋдаже приемъ пол’къ, иѿархиерей, и ѿ фарисей слуги, прийде тамо сосветилы исвещами иоружий.

іс҃ъ же ведый всѧ грѧдущаѧ нань, изшедъ рече имъ, кого ищете.

ѿвещаша ему іс҃а назореина, гл҃а книмъ іс҃ъ азъ есмъ.

стоаше пакъ и иꙋда онже предаѧше его сними.

тогда ꙗкоже рече имъ азъ есмъ, поступиша вос‖ л. 12пать, ипадоша наземли.

пакиже вос’проси ихъ іс҃ъ кого ищете.

ониже реша іс҃а назореина.

ѿвеща книмъ іс҃ъ, рехъ вамъ ꙗко азъ есмъ ащебо мене ищете оставтеж’ сихъ ѿити.

дазбудетсѧ слово еже рече, ихже далъ еси мне непогубихъ ѿнихъ никогоже.

тогда симонъ пет’ръ имеѧ нож’ из’влече его, ивдарилъ раба архиереова, и вреза ему ꙋхо десное, бѣже имѧ рабу мал’хосъ.

речеже іс҃ъ петрови вложи ножъ твой вножнице, чашꙋ юже дасть мнѣ отецъ неймам’ли пити еѧ.

тогда пол’къ, и тысец’ник’, ислуги иꙋдейские ѧли іс҃а исвезали его, ипривели и коан’не пер’вее.

былъ ꙋбо тесть каїафе, онжебѣ архиерей того лѣта.

бѣже каїафа давый совѣтъ иꙋдеом’, ꙗко потреба е^ст единому человекꙋ ꙋмрет’ залюди.

идѧшеже заіс҃ом’ симон’ пет’ръ идругий в’ченикъ, тойже в’ченикъ ‖ л. 12 об.знаемъ былъ архиереови, ивниде соіс҃ом’ водвор’ архиереовъ.

пет’ръже стоаше при дверехъ вне.

иизыйде в’ченикъ той ижебѣ знаемъ архиереови, и рече двер’ници ивоведе петра.

гл҃аже раба двер’ница петрови еда иты в’ченикъ еси человѣка сего.

рече онъ несмъ.

стоахуже раби ислузи огнь рознетивше, ꙗко зима бѣ иогревахусѧ.

был’же сними и пет’ръ стоѧ игреасѧ.

тог’да архиерей вос’проси іс҃а овченицехъ его иовчений его.

ѿвеща ему іс҃ъ азъ ꙗвне гл҃ахъ мирꙋ, азъ всегда ꙋчахъ насон’мищи ивъцер’кви идеже вси иꙋдей снимаютсѧ, итайне негл҃ахъ ничегоже, ч’то мѧ вос’прошаеши, вос’проси послушав’ших’мѧ ч’то глаголах’ имъ, сѣ сие ведѧть еже рекох’ азъ.

сиѧ рекшꙋ ему единъ ѿпред’стоащий слуг’ в’дари полицꙋ іс҃а гл҃ѧ, таколи ѿповѣдаеши архиереови.

ѿвеща ему іс҃ъ аще злѣ ‖ л. 13гл҃ахъ сведетел’ствꙋй озломъ, ащелиже добре поч’томѧ биеши.

потом’ послал’ его ан’на свѧзана кокаїафе архиерееви.

бѣже симонъ пет’ръ стоѧ игреасѧ, рекошаже ему, еда иты ѿꙋченик’ его еси.

онже ѿвер’жесѧ ирече несмъ.

и гл҃а ему единъ ѿрабъ архиерейшихъ приетель его, емуже пет’ръ ꙋреза ꙋхо, неазлитѧ видехъ воог’раде сним’.

пакиже ꙋбо пет’ръ ѿвер’жесѧ и абие петелъ воз’гласи.

ведошаже іс҃а ѿ каїафы водворъ судищ’ный.

бѣже изꙋтра итий невнийдоша водворъ судищ’ный да неос’квер’нѧтсѧ, но даедѧть пасхꙋ.

сего ради изыйде книмъ пилат’ вонъ ирече кою жалобꙋ приносите начеловека сего

ѿвѣщашаже иреша кнему, ащебы небыл’ сей злодей небыхомъ предали его тобѣ.

речеже имъ пилат’, воз’мите его вы ипозаконꙋ вашему судите ему.

рекошаже кнему иꙋдей ‖ л. 13 об.нам’ недостоить ꙋбити никогоже, дaслово іс҃ово збꙋдетсѧ еже рече, назнаменуѧ коею смер’тию хотѧше ꙋмрети.

внийдеже паки пилат’ вдом’ судищ’ный, ивозва іс҃а ирече ему, тыли еси царь иꙋдей’ский.

ѿвеща емꙋ іс҃ъ, ѿсебели ты сее гл҃еши, или иний тобѣ рекоша омне.

рече пилатъ еда азъ иꙋдеанинъ есмъ родъ твой иархиерей предашатѧ мнѣ ч’то вчинилъ еси.

ѿвеща іс҃ъ цр҃тво мое несть ѿмира сего, аще ѿмира сего былобы цр҃тво мое, слуги моѧ ꙋбо подвизалисѧ бѣша, данепредан’ бых’ был’ иꙋдеомъ, нынѣже цр҃тво мое несть ѿсꙋду.

и рече емꙋ пилатъ, ибо царь еси ты ѿвѣща іс҃ъ тыгл҃еши ꙗко царь есмь азъ, азъ насе родихсѧ, инасе приидохъ в’миръ дасвидѣтел’ствꙋю истин’нꙋ ивсѧк’ иже е^ст ѿ истин’ны послушаеть гласа моего.

гл҃а емꙋ пилат’ ч’то есть истин’на, исее рекъ ‖ л. 14паки изыде коиꙋдеомъ игл҃а имъ азъ ниединоѧ вины обретаю внем’, естъже обычай вамъ даединаго ѿпущу напасху.

хощетели ꙋбо даѿпущу вамъ царѧ иꙋдейска, возопишаже вси гл҃юще, несего, но варав’вꙋ, бѣже варав’ва разбойник’.

тогда ꙋбо пилатъ поꙗвъ іс҃а ибие его ивойни соплет’ше венецъ ѿтер’нѧ возложиша наглаву ему иризу багрѧну облекоша его и гл҃ахꙋ, радуйсѧ царю иꙋдейски, и биꙗхꙋ его поланитам’.

изыдеже паки вонъ пилатъ игл҃а имъ се извожꙋ его вамъ вон’, даразумѣете ꙗко внем’ ниединоѧ вины обретаю

изыдеже вон’ іс҃ъ носѧ тер’новъ венецъ ибагранꙋ рызу, и гл҃а имъ, се человекъ.

егда же видеша его архиерей ислугы возъпиша гл҃юще, рас’пни, рас’пни его.

гл҃а имъ пилат’, воз’мите его вы ирас’пните, азъ бо не обретаю внем’ вины, ѿвещаша ему иꙋдей ‖ л. 14 об.мы законъ имамы, ипозаконꙋ нашемꙋ дол’жен’ естъ ꙋмрети, ꙗко себе сына божиѧ сотворилъ.

егдаже слыша пилатъ сѣ слово паче ꙋбоꙗсѧ, ивниде вопреторъ паки и гл҃а коіс҃ови, ѿкꙋду еси ты, іс҃ъже ѿвета недалъ емꙋ, гл҃аже кнемꙋ пилатъ, комне неглаголеши, невесили ꙗко власть имам’ роспѧтитѧ ивласть имамъ пꙋстититѧ,

ѿвеща іс҃ъ неймаши власти ниединоѧ намне аще небыти дано свыше, сего ради предаайма тобе болий грехъ имать.

ѿ сего искаше пилатъ пустити его.

иꙋдеиже вопиꙗху гл҃юще аще сего пустиши неси друг’ кесарев’, всѧкъбо иже царѧ себе чинит’ противитсѧ кесарꙋ.

пилат’же слышавъ слово изведе вонъ іс҃а исаде насудищи наместе гл҃емом’ лиѳостротонъ евреискиже гаваѳа, бѣже паток’ пасце, часъже ꙗко шестый, игл҃а иꙋдеомъ, се царъ вашъ, о‖ л. 15ниже вопиꙗхꙋ, возми возми распниего, гл҃а имъ пилатъ, царѧли вашего рас’пнꙋ, ѿвѣщаша архиерей неймамы царѧ токмо кесарѧ.

тогдаже предалъ его имъ, даираспнꙋть и, поем’шеже іс҃а иведоша, иносѧ крестъ свой изыде вогл҃емое лобное мѣсто, еже гл҃етсѧ еврейский голъгаѳа идеже пропѧша его, ис’ним’ ина два злодеѧ сюдꙋ исюдꙋ, посредиже іс҃а.

написаже итытлонъ пилатъ иположи накресте, бѣже написано, іс҃ъ назаранинъ царъ иꙋдей’ски, сейже написъ мнози ч’тоша ѿ иꙋдей ꙗко близъ бѣ место града идеже пропѧша іс҃а, ибе написано евреский греческий ирим’ский.

глаголахуже пилатꙋ архиерее иꙋдейстий, непиши царъ иꙋдейский, но ꙗко самъ рече царь есмъ иꙋдейский, ѿвеща пилатъ, еже писахъ писахъ.

войниже егда пропѧша іс҃а приꙗша ризи его исотво‖ л. 15 об.риша четыри час’ти кож’дому войнꙋ часть ирызу, бѣже рыза нес’шивана носвыше сот’кана всѧ, решаже ксобѣ непредеремъ еꙗ нометнемъ жребиѧ оней комꙋ будешь, дазбудетсѧ писание глаголющее.

разделиша ризи моꙗ собѣ иодѣжи моей меташа жребиѧ, войниже ꙋбо сиѧ ꙋчиниша.

стоꙗхуже прикресте іс҃овѣ мати его исес’тра матери его, мариѧ клеопова имариѧ маг’далена.

іс҃ъже видевъ матерь ивченика стоꙗща егоже люб’лѧше, гл҃а матери жено сѣ сынъ твой, потом’ рече ꙋченикꙋ сѣ мати твоꙗ.

и ѿ того часу поꙗтъ ю ꙋченикъ восвоꙗси.

посемъ веды іс҃ъ ꙗко всѧ ꙋже съвер’шишесѧ, дазбудетсѧ писание гл҃а жаж’ду.

сосуд’же стоаше полон’ ѿцьта.

ониже испол’нив’ше губꙋ ѿцьта ина трос’ть вознес’ше придеша коꙋстомъ его иегда приꙗтъ оцетъ іс҃ъ рече совѣр’шише‖ л. 16сѧ, ипреклонивъ главꙋ предалъ духъ.

иꙋдей пакъ понѣже патокъ бѣ, данеостанутсѧ накресте телеса в’суботꙋ, бѣбо великъ день тое суботы, молиша пилата дапребиють голени ихъ ивозмут’.

придошаже войни, ипер’вому пребиша голени и другому распѧтому снимъ.

коіс҃уже придоша ꙗко видеша его вже ꙋмер’ша непребиша ему голеней, но единъ ѿ войнъ копиемъ ребра его прободе, иабие изыде кров’ ивода, ивидевый сведетел҃твова, и истин’но естъ сведетел’ство его, итой весть ꙗко истин’ну гл҃етъ, давы веру имете

бышабо сиѧ дазбꙋдетсѧ писание, кос’ть не сокрушитсѧ ѿ него, ипаки другое писание гл҃етъ, возрѧть нань егоже прободоша:

Конецъ с’трастей гд҃а нашего іс҃а христа: сына божиѧ.