The Third Statute of the Grand Duchy of Lithuania is the law code that King Sigismund III Vasa confirmed at his coronation Diet. His privilege is dated Kraków, 28 January 1588. The same year it was printed in Vilnius «въ дому Мамоничовъ», the press of the Mamonich family. The book is set in the Ruthenian (Old Belarusian) chancery language in Cyrillic type. Its Register divides the law into fourteen chapters (розделы), which hold nearly five hundred articles (modern counts give 487 or 488). They cover the ruler, defence, the liberties of the nobility, the courts, dowries, guardianship, contracts, wills, land and boundaries, forests and hunting, violence and homicide, and theft. The code stayed in force in the former lands of the Grand Duchy until the Russian government abolished it in 1840 (ЭСБЕ, «Литовский Статут»).

The edition was prepared and paid for by the Grand Duchy’s vice-chancellor, Lew Sapieha. He added two prefaces in his own name. The first, dated Brest, 1 December 1588, dedicates the book to the king. The second is addressed «всимъ вобецъ станомъ», to all the estates of the Grand Duchy. It contains the passage that is still quoted today: it would be shameful for any nation not to know its own laws, «поготовю намъ, которые не обчымъ якымъ языкомъ, але своимъ власнымъ права списаные маемъ» («all the more for us, who have our laws written not in some foreign tongue but in our own»). Sapieha explains that he had the code printed at his own cost, because copying it by hand had kept it out of most people’s reach. The Statute itself makes the same point about language: chapter 4, article 1 orders the land-court scribe to write every writ and extract «по руску литерами и словы рускими» (the clause is the last facsimile below).

Seventy years after Francysk Skaryna’s first Prague books, this is the other great monument of printing in the Grand Duchy’s written language. Skaryna printed scripture; the Statute printed the law.

What is on this page. The title page, both of Sapieha’s prefaces and the fourteen chapter headings of the Register, in the orthography of the 1588 print as edited by I. I. Lappo (Kaunas, 1938). Every line was checked against the scan of Lappo’s edition; see the provenance note under the text. The articles themselves are not transcribed here. Read them in the full scans:

Original text (1588, after Lappo 1938)

Лаппо 1938, с. 1 (заглавный листъ)

СТАТУТЪ ВЕЛІКОГО КНЯЗТВАЛІТОВСКОГО

отъ наяснейшего господара короля его милостиЖикгимонта Третего на коронацыивъ Кракове выданый року 1588.

Смотрите што маете чинити, бо не справуете судуч[е]л[о]в[е]чего, але судъ Божий. А што-кольвекъ осу-дите, все на васъ се обвалить. Нехай будеть во васъстрахъ Господень завъжды. А справуйте все щирѣ,нетъ бо предъ Господемъ Богомъ нашимъ непра-вости ани бракованья особъ, ани пожеданья даровъ. — Книги 2 Паралип. Глава 19.

Милуйте справедливость, которые судите землю. — Мудрость Соломона. Глава 1.

Хто любить неправду, тотъ ненавидить души своее. — Псаломъ 10.

Правая судите, сынове человечестии. — Псаломъ 57.

З ласки и за привильемъ короля его милости.Въ Вилни. Друковано въ дому Мамоничовъ.

Предисловие первое: Левъ Сапега королю Жикгимонту Третему

Лаппо 1938, с. 9 · ‖ (об.)

Наяснейшому пану, пану Жикгимонъту Трете-му, Божъю милостью королю Польскому, великому князю Ли-товъскому, Рускому, Прускому, Жомоитъскому, Мазовецъко-му, Иѳлянтъскому и иныхъ, тою жъ Божъю милостью госпо-дарю и королю дедичному Шведъскому, Кготъскому, Ванъ-дальскому и великому княжати Финъляньдъскому, пану а пану,пану моему милостивому.

Были тые часы, наяснейшый милостивый господару ко-ролю, коли въ томъ згромаженью и посполитован[ь]ю люд-скомъ, которое мы речью посполитою называемъ, не правомъякимъ описанымъ або статутомъ, але только своимъ зданъемъи уподобанъемъ владность свою господары и короли того све-та надъ людми ростегали. Але, ижъ частокроть отъ при-стойное своее повинности отступовали а, на свой толко пожы-токъ речы натегаючы, о сполное доброе всихъ мало дбали, от-туль то было уросло, же люди, брыдечы се ихъ пановань-емъ и звирхност[ь]ю, и не господарми, але тыранами оныеназываючы, на самомъ только статуте и праве описаномъ всебеспеченство и доброе речы посполитое засажали. А про тоонъ, великий и зацный филозофъ Греческий Арыстотелесъ по-ведилъ, же тамъ бельлуа, а по нашому дикое звера, пануеть,где чоловекъ водлугъ уподобанья ‖ (л. V) своего владностьсвою ростегаеть, а где опятъ право, або статутъ, гору ма-

Лаппо 1938, с. 10

еть, тамъ самъ Богъ всимъ владнеть. А тая того естъпричина, же право естъ, яко его другий зацный мудрецъ вы-славилъ, онымъ правдивымъ розъсудъкомъ а мудрымъ умы-слу чоловечого баченьемъ, которымъ Панъ Богъ натуручоловечую обдарыти рачылъ, абы водлугъ того пристойногоа мудрого баченья жывотъ чоловечий такъ справовалъ, яко бысе за тымъ, што естъ почъстивого, завжды удавалъ, а штонепочъстивого, абы се того выстерегалъ. Лечъ, ижъ невсихъ такъ прироженье справило, абы большей розуму, ани-жли маетностей своихъ а бестыяльскихъ попудливостей насле-довати мели, тое удило або монъштукъ на зуѳальцы ПанъБогъ и право Его светое вложило, абы тые за неучъстивыесправы свои слушное каранье, а цнотливые пристойную запла-ту относили. И тотъ то естъ цель и конецъ всихъ правъ насвете, тымъ все панъства и королевъства стоять и въ цело-сти своей захованы бывають, где лихие помъсту, а добрыезаплату относять. Чого ижъ се завжды тые лекають, которымъсвоя воля мила, а розумъ имъ неприетелемъ, ради бы тоеудило зъ себе скинули, а права все, абы имъ не пановали, ра-ди бы внивечъ обернули, показало се то на онъ часъ въоныхъ королевичахъ и млоденъчыкахъ Рымъскихъ, которые въобъмыслеванью сенаторскомъ, абы тяжкий тежаръ панованьякоролевъского або тыраньского зъ себе зложили а правомъописанымъ абы се редили, всякимъ способомъ тому забегалимлоденъцы, абы жадного такого права надъ собою не узнава-ли, бо поведали право быти глухое и такое, которое се упро-сити не дасть — естли въ чомъ чоловекъ выкрочыть, немаеть браку межы убогимъ а богатымъ, а у пана однакъ естъместъце ласки и захованья, естъ взглядъ на особы, а такълепей подъ самою коро- ‖ (об.) левъскою звирхностью жыти,анижли ся въ такое небеспеченство вдавать, жебы на самойтолко невинъности живота и постереган[ь]ю правъ щаст[ь]есвое чоловекъ садити мелъ. Такая, поведаю, дума естъ и

Лаппо 1938, с. 11

завжды будеть людей свовольныхъ а неукрочоныхъ, кото-рымъ гроза правъ естъ не мила а вшетечное ихъ своейволи завъжды противна. Што мы все упатруючи, наяснейшиймилостивый господару, за щасливый народъ себе быти почи-таемъ, которымъ Панъ Богъ такие господары и продкивашое королевъское милости дати рачилъ, же не толко абыводлугъ воли и уподобанья своего надъ нами звирхность своюгосподаръскую ростегати мели, але и сами намъ поводомъдо того были, абысмы собе права, яко найбольшые сторожыпосполитое вольности, творыли и болшей владности звирхностигосподаръской надъ собою не попущали, одно поколь быимъ певную границу панованья ихъ надъ нами права заме-рили. За што яко славу несмерътелъную въ паметяхъ на-шихъ собе зоставяли, такъ поготовю ваша королевъская ми-лость, нашъ милостивый панъ, имя свое вельце славноемежы нами рачылесь учинити, же Статутъ новый, а на мно-гихъ местьцахъ отъ людей мудрыхъ а въ правахъ беглыхъ, знароду нашого на то обраныхъ, поправленый, на томъ пер-шомъ въступку панованья своего рачилесь намъ потвердити,а ижъ бы вжо вси суды въ томъ панъстве вашое королевъ-ское милости, славномъ Великомъ Князьстве Литовъскомъ,такъ были отправованы, з ласки своее господаръское рачилесьнамъ позволити. Тогды я, именемъ всее речи посполитое,вашой королевъской милости, своему милостивому пану, по-коръне за такъ милостивую ласку дякую. А, ижемъ тую пра-цу передъ себе взялъ, абымъ тотъ Статутъ въ друкъ подалъ,онъ же вашой к[о]р[олевской] милости оѳярую, яко найвыш-[ш]ому сторожу всихъ правъ и вольностей нашихъ, Пана‖ (л. VI) Бога просечи, абы Онъ духомъ мудрости и вшелякоюделност[ь]ю вашу королевъскую милость обдарити рачилъ, жебысь намъ ваша королевъская милость такъ щасливе а долгопановалъ, яко бы и фала Пана Бога Всемогущого черезъ вашукоролевъскую милость помножона и вся речъ посполитая въ

Лаппо 1938, с. 12

целости и въ покою была захована, а такъ святобливое надънами вашое коро[ле]въское милости панованье ту на томъсвете зъ славою несмертельною, а по смерти живота вечногозаплатою было нагорожоно. Съ тымъ нанизъшие службымои з вернымъ подъданьствомъ ласце вашое королевъскоемилости пилне залецаю. Писанъ у Берестью. Лѣта отъНароженья Сына Бож[ъ]его 1588, месеца декабра 1 дня.

Вашое королевъское милости пана, пана моего милостивого,найнизъший слуга и верный подъданыйЛѣвъ Сапега, подъканъцлерыйВеликого Князьства Литовъского.

Предисловие второе: Левъ Сапега всимъ станомъ

Лаппо 1938, с. 15

‖ (об.) Всимъ вобецъ станомъ Великого Князства Литовъ-ского Левъ Сапега, подъканъцлерый Великого Князства Ли-товъского, староста Слонимъский, Маръковъский и Мядель-ский, повольные и зычливые службы свои оферую.

Обачывали то усихъ вековъ люди мудрые, же въ кождойречы посполитой чоловеку почъстивому ничого не маеть бытидорожшого надъ вольность, а неволею такъ се маеть гыдити,же не только скарбами, але и смертью ее одъ себе отганятиесть повиненъ. А про то люди почъстивые не только ма-етности, але и горлъ своихъ противъ кождому неприятелювыносити не жалують, абы подъ ихъ окрутное опанованье неприходили, а з волности своее будучи злуплени, водлугъ волии мысли ихъ, яко невольники, не мусели жити. Але вже малобы и на томъ было, ижъ бы чоловекъ з неволи отъ посто-ронного неприятеля былъ воленъ, кгды бы домового неприя-теля надъ собою терьпети муселъ. Тогды тотъ монъштукъабо удило на погамованъе кождого зуфальцу есть вынайдено,абы, се боячы права, отъ кожъдого кгвалъту и збытку пога-мовалъ, а надъ слабшимъ и худъшимъ не паствилъ се и ути-скати его не могъ, бо для того права суть постановлены, абыможному и потужному не все было вольно чынити, яко Цы-церо поведилъ, ижъ естесмо невольниками правъ для того,абысьмы вольности уживати могли. А естли жъ чоловеку почъ-стивому ничого нетъ мильшого надъ тое, ‖ (л. VIII) кгды,въ отчызне своей безп[е]чне мешкаючы, не боить се, абыего хто на доброй славе его змазати албо на теле и на здо-ров[ъ]ю его образити, албо тежъ на власной маетности егоукрывдити могъ, тогды то ничому инъшому, одно праву при-читати маеть, за которымъ од кождого въ покою седитьа жадного усилства, обелжен[ь]я и укривжен[ь]я на собе не по-носить, бо тотъ цель и скутокъ усихъ правъ есть и маеть

Лаппо 1938, с. 16

быти на свете, абы кождый добрую славу свою, здоровъе и ма-етность въ целости мелъ, а на томъ всемъ жадного ущир-бку не терпелъ. И то естъ наша волность, которою се мымежи иншыми народы хрестиянскими хвалимъ, же пана, ижъбы водле воли своее, а не водле правъ нашихъ пановалъ,надъ собою не маемъ а, яко славы учстивое, такъ живота имаетности волно уживаемъ, бо хто бы колвекъ съ тыхътрохъ речей въ чомъ насъ укривдити и подлугъ уподо-бан[ь]я своего, а не водле правъ нашыхъ надъ нами паст-вити се мелъ, тотъ бы вжо не паномъ нашимъ, алесказителемъ правъ и волностей нашихъ былъ, а мы бы-смо неволниками его быти мусели. И слушне заправду маемъза што Пану Богу дяковати — же подъ панованьемъ коро-лей ихъ милости и великихъ князей, пановъ нашихъ, туювладзу и вольность у рукахъ своихъ маемъ а, права самисобе творачы, яко найбольшей можемъ, волности своее вовсемъ постерегаемъ, бо не толко суседъ а сполный нашъобыватель въ отчизне, але и самъ господаръ, панъ нашъ,жадное звирхности надъ нами заживати не можеть, однотолко, колко ему право допущаеть. Про то, маючи таковыйскарбъ въ рукахъ нашихъ, который жадною сумою пре-плачонъ быти не можеть, пристоить кождому почстивомуч[о]л[о]в[е]ку, абы о немъ ведалъ а, будучи добре ведомый,абы яко самъ себе и попудливости свои гамовалъ и водлугъправа писаного справовалъ се а никого не кривдилъ, такъ,если бы одъ кого былъ укривжонъ, абы ведалъ, где обороныи лекаръства въ кривъде своей искати маеть, бо яко одинъ се-наторъ Рымский другого штроѳовалъ, же права отъчизнысвоее не умелъ, такъ кожъ- ‖ (об.) дый обыватель годенъ естънаганенья, который вольностью се ѳалить и правъ своихъ уме-ти и розумети не хочеть, которымъ правомъ усю вольность

Лаппо 1938, с. 17

свою обварованую маеть. А если которому народу встыдъправъ своихъ не умети, поготовю намъ, которые не обчымъякымъ языкомъ, але своимъ власнымъ права списаные ма-емъ и кождого часу чого намъ потреба ку отпору всякое крив-ды ведати можемъ. А ижъ тая трудность передъ тымъ не по-малу до того заважала, же не кождый Статутъ могъ мети длятрудного и долъгого переписованья, тогды, и въ томъ тойпотребе кождого обывателя ѳолькгуючы и пожитку речы поспо-литое служечы, важыломъ се того, тую працу на себе подъ-няти, а кошту и накладу своего не жалуючы, абыхъ то въдрукъ подалъ а дорогу лацнейшую и снаднейшую кождомуку ведомости права показалъ, кгды жъ то вжо въ рукахъсвоихъ кождый, коли похочеть, мети можеть. Прошу, рачъ-те жъ в[аши] м[ило]с[ти] тую працу отъ мене вдячне приня-ти а, маючы вольности свои правомъ добре объварованые,того постерегати, абысте до судовъ и до трибуналовъ не толь-ко людей добрыхъ а тыхъ правъ нашихъ добре умеет-ныхъ обирали, але боящыхъ се Пана Бога и цнотливыхъ,которые бы не для пожытку своего а ку шкоде ближнего, длялакомъства своего и для подаръковъ права выкручали, але, про-стымъ трыбомъ идучы, светое правды и справедливости посте-регали а тую вольность, которою се тешимо, въ целостинамъ заховали. Съ тымъ се ласце и милости ваш[ихъ] ми-лостей братеръской поручаю.

Реестръ: четырнадцать разделовъ Статута

Лаппо 1938, с. 19–61 (Реестръ; тутъ толко заголовки разделовъ)

‖ (л. IX) Розделъ первый — о персоне нашой господарьской.

‖ (об.) Розделъ вторый — о обороне земъской.

Розделъ третий — о вольностяхъ шляхецскихъ и орозмноженью Великого Князства Литовъского.

Розделъ четверътый — о судьяхъ и о судехъ.

Розъделъ пятый — о оправе посагу и о венѣ.

Розъделъ шестый — о опекахъ.

Розъделъ семый — о записехъ и продажахъ.

‖ (л. XXVIII) Розъделъ осмый — о тестаментехъ.

Розделъ девятый — о подъкоморыхъ въ поветехъ и оправахъ земленыхъ, о границахъ и о межахъ.

Розделъ десятый — о пущу, о ловы, о древоборътное, о озѣра и сеножати.

Розделъ одиннадъцатый — о кгвалътехъ, о боехъ,о головъщизнахъ шляхетъскихъ.

Розделъ дванадъцатый — о головщинахъ и о навезкахълюдей простыхъ и о такихъ людяхъ и челяди, котораяотъ пановъ своихъ отходить, такъ же и о слугахъпрыказныхъ.

Розделъ третийнадъцать — о грабежохъ и о навезкахъ.

Розделъ четвертыйнадъцать — о злодействевсякого стану.

Source of every line above: И. И. Лаппо, Литовскій Статутъ 1588 года, т. II: Текстъ (Каунасъ, 1938), pp. 1, 9–12, 15–17, 19–61. The scan is on the Internet Archive (kpbc.umk.pl.Gromadzenie_POPC_026_40_247637), digitised by the Biblioteka Uniwersytecka w Toruniu and marked «Domena publiczna». Lappo’s base text is the Mamonich print of 1588 in the copy of the Moscow Society of History and Antiquities, collated with two other typesettings.

How it was transcribed: I started from the Internet Archive OCR. I removed Lappo’s footnote numbers, his margin line numbers and the footnotes themselves, then checked every line against the page image, word by word, and corrected it (ѣ, ѳ, ф, brackets, dropped lines). Lappo’s lineation, his end-of-line hyphenation, his punctuation and his square-bracket expansions of abbreviations are kept. ‖ (л. …) and ‖ (об.) are Lappo’s markers for the leaf breaks of the 1588 print. The scripture references on the title page stand in the margin in the print; here they follow each quotation after a dash. The red highlight on the passage about laws in one’s own language is ours, not the print’s. Large initials are shown where Lappo notes a large decorated initial in the original.

Not included: the Latin and Ruthenian privileges of Sigismund III (Lappo pp. 5–8), Andrej Rymsza’s verses on the Sapieha arms (pp. 13–14), the article titles of the Register, and the articles themselves.

Facsimiles

Title page of the 1588 Statute: red title in large Cyrillic letters above the Pahonia arms in a wreath under a ducal cap
Титульный лист с Погоней · Статут ВКЛ · Вильня, 1588
Title page of the 1588 Statute with the Pahonia arms, four scripture quotations and the Mamonich imprint
Титульный лист, другой набор · Статут ВКЛ · Вильня, 1588
Woodcut portrait of King Sigismund III in armour beside a page of Cyrillic text
Портрет Сигизмунда III и начало привилея · Статут ВКЛ · Вильня, 1588
Woodcut of the Sapieha coat of arms in an oval frame with a heading and two lines of verse
Герб Льва Сапеги и эпиграмма Рымши · Статут ВКЛ · Вильня, 1588
Printed page headed by a line of large ornamental Cyrillic capitals, followed by numbered article titles
Реестр: начало первого раздела · Статут ВКЛ · Вильня, 1588
Last page of the Register: article titles above two small crowned ornaments and a knotwork tailpiece
Последняя страница Реестра · Статут ВКЛ · Вильня, 1588
Page with an ornamental capital headline and the text of article 1
Раздел 1, артикул 1 · Статут ВКЛ · Вильня, 1588 · с. 1
Page 123 with the end of the judges' oath and the heading of article 2
Раздел 4, конец присяги судьи · Статут ВКЛ · Вильня, 1588 · с. 123
Four lines of Cyrillic print cut from a page
Раздел 4: писарь пишет «по руску» · Статут ВКЛ · Вильня, 1588

Sources & rights

  • The 1588 print is in the public domain.
  • The text above is transcribed from I. I. Lappo’s edition (Kaunas: «Spindulio», 1938). Lappo died in 1944, so the edition is in the public domain in the EU and Lithuania (life + 70 years). The Toruń University Library, which digitised it, marks it «Domena publiczna». The words are Sapieha’s and the Statute’s (1588). Lappo’s share is the collation, the square-bracket expansions and the punctuation. Caveat: a 1938 foreign publication may still be protected in the United States until 2034 (URAA), and some countries grant a short related right in critical editions. We rely on EU public-domain status.
  • Not used: the transcriptions on Belarusian and Ukrainian Wikisource, pravo.by, the 1989 Minsk jubilee edition and O. Lickevich’s 2002 edition. They are modern editions whose rights status we could not establish. We also found no open scan of the 1854 edition in «Временник Императорского Московского общества истории и древностей российских», кн. 19, which would have been the preferred source.
  • Images are faithful photographs of 16th-century prints and are in the public domain. The source, holding library and licence are listed under «Изображения: источники и права» below; each links to its Wikimedia Commons page.
  • The introduction is original writing for skaryna.ai. The short Ruthenian quotations in it come from the transcription above.

Изображения: источники и права. Подписи под иллюстрациями короткие; откуда взята каждая страница и на каких условиях — здесь, со ссылкой на файл.