L0 · Apostol · Апостол — Skaryna full text

Chapter 1

Апостолъская книги деания святыхъ Апостолъ, еже пописалъ святый Лука Евванъгелистъ Господень ко Феофілу, к немуже перъвее и Христово Евангелие писалъ • А замыкають в собе глав 28 • Зачаловъ же 51 •

Повелеваеть Христосъ Апостоломъ не отхожати от Ерусалима • О воступленіи на небеса Господьнем, о собраніи единнадесяти Апостолъ, и о выбраніи Матфея на место Июдино •Пръвое убо слово сотворих о всех, о Феофіле, о нихъже начат Ісусъ творити же и вчитидо него же дне заповеда Апостоломъ Духом Святым, ихъже изъбра, вознесеся •Пред німи ж и постави Себе жива по страданіи Своемъ, во мнозехъ истинных знамениих, деньми четырдесятми, являяся имъ, и глаголя о Царствии Божіи,и с ними ядый, повелеваше имъ от Ерусалима не отлучатися, но ждати обетования Отчего, еже слышасте от Менеяко Иоаннъ убо крестилъ ест водою, вы же имате креститися Духом Святым • Не по мнозехъ сих днехъ •Они же убо сошедшеся вопрашаху Его, глаголюще: Господи аще в лето се устраяеши Царство Ізраилево?Рече к нимъ: несть ваше разумети времена и лета яже Отець положи во области Своей •Но пріимете силу нашедшу Святому Духу на вы, и будете Ми сведетели во Ерусалиме же и во всей Іудеи и Самаріи, даже и до последнихъ земли •И сия рекъ зрящимъ имъ възятся • И облакъ подъятъ Его от очию их •И яко возирающе бяху на небо идущу Ему • И се мужа два стаста пред ними во одежи беле,яже и рекоста: мужие Галилейстіи, что стоите, зряще на небо? Сей Ісусъ вознесыйся от васъ на небо такожде приидеть, имъже образом видесте Его идуща на небо •Тогда возъвратишеся во Ерусалим, от горы нарицаемыя Елионъ яже ест близ Ерусалима • Суботен имущи путь •И егда внидоша, возыйдоша на горницу идеже бяху пребывающе • Петръ, и Іаковъ, Андрей • Філиппъ, и Фома • Варфоломей, и Матфей • Яковъ Алфеевъ, и Симонъ Зілотъ • И Іуда Яковлевъ •Сие вси беху единодушно тръпяще молитвою и молениемъ, со женами и съ Мариею матерью Ісусовою, и съ братиею Его •Во дни тые воставъ Петръ посреди ученикъ рече •Бе же народъ имены вкупе, яко сто и двадесеть: мужи братия подобаше сконъчатися Писанию сему, еже предрече Духъ Святый усты Давыдовы • О Іуде бывъшемъ вожди емъшимъ Ісуса •Яко причтен былъ с нами, и дошелъ бе ему рядъ службы сея •И сей убо стежа поле от мьзды неправедныя • И повесивъся розсядеся посредъ, излияся вся утроба его •И разумно бысть всем живущим во Ерусалиме, яко нарещися полю тому их языкомъ Акелдама, еже ест поле крови •Писано бо естъ во книгахъ Псаломских: да будеть дворъ его пустъ, и да не будеть живяи в немъ, и епископство его пріимет инъ •Подобаеть убо живущимъ с нами мужемъ по вся времена в неже въниде, и изыде в насъ Господь Ісусъ •Наченши от крещения Іоаннова, до Него ж дне вознесеся на небо от насъ • Сведетелю восъкресению Его быти с нами единому от сих •И поставиша два, Іосифа нарицаемаго Варсаву, онже называшеся праведный • И Матфея •И помолившися рекоша: Ты Господи Серцевидче всехъ, яви егоже изъбра от сею обою единого,прияти причет служения сего и Апостолства, з него же испаде Іуда ити во место свое •И даша жребие има, и паде жребій на Матфею • И причтен быс ко единомунадесят Апостолу •

Chapter 4

Isolated verses only: this chapter page was not archived; the verses come from archived verse-comparison pages of the same site.

Сей естъ камень укореный от васъ зижущих бывый во главу углу, и несть о ином ни о единомъ спасения,

Chapter 6

Isolated verses only: this chapter page was not archived; the verses come from archived verse-comparison pages of the same site.

И слово Божие растяше, и множашеся число ученикъ во Ерусалиме велми • Многъ теже народъ свещенник послухаша веры •

Chapter 7

Isolated verses only: this chapter page was not archived; the verses come from archived verse-comparison pages of the same site.

Глагола к нему сице Богъ, яко будеть семя его пришелци въ земли чуждей, и поработають ими, и озлобять е летъ четыреста,

Chapter 9

Isolated verses only: this chapter page was not archived; the verses come from archived verse-comparison pages of the same site.

І бысть внегда Петръ прейде посещая всехъ, сниде ко святымъ живущим въ Лидде •

Chapter 13

О позвании Павлове на Апостолство • О илъжи пророце Варнісу • О проповеданіи Павлове въ Кипре, и во Антиохіи • И яко на Павла завистивые Іудеи восташа •Были пакъ неціи во Антиохійской церкви, пророци, и учителе, и Варнава, и Симон нарицаемый Чорный, и Лукиусъ Киринеанинъ, и Манаінъ Ірода Четверовласнаго другъ, и Савлъ •Служащим же имъ Господеви, и постящимся, рече Духъ Святый: отделите Ми Варнаву, и Савла на дело на неже изъбрахъ их •Тогда постившеся, и помолившеся, и возложивши руце на ня отпустиша их •Сіи же послани бывше от Духа Свята, идоша в Селевкию • Оттуду ж отплыша въ Кипръ •И пришедше во Саламин, возвещаху слово Божие на сонмищех Іудейских • Имеаху же Іоанна слугу •И внегда прошли весь островъ, даже до Пафу • Знайдоша некоего мужа, чародейника, лже пророка, Іудеанина, емуже бе имя Вариісус •Онже былъ съ намесникомъ Сергие Павломъ, мужемъ разумънымъ • Сей призвав Варнаву, и Савла, жадалъ от них слышати слово Божие •Противляшеся же имъ, Елимас, чародейникъ той • Тако бо сказуется имя его • Хотяй отвратити намесника от веры •Тогда Савулъ, онже словет Павелъ, исполнен сый Духа Свята, возревъ наньрече: о исполнене всякия ильсти, и всякия злости сыне диаволовъ, враже всякия правды, не престаеши развращати путіи Господьня правыя •И ныне се рука Господня на тя, и будеши слепъ, не видя солца до времени • И скоро нападе нань мракъ и тма, и осязая искаше вожда •Тогда видевъ намесникъ бывшее верова, дивуяся учению Господню •Вънегда же везлися от Пафа, Павелъ, и еже с ним быша, пріидоша во Пергію Памфиліискую • Іоаннъ же отлучився от нихъ, навратился во Ерусалим •Они пак прошедше Пергию, пріидоша во Антиохию Писидийскую • И вошедъше во сонмище въ день суботъный седоша •По чтении же закона и пророковъ, послаша к нимъ начальници сонмища глаголюще: мужие братия, естъ ли же слово в васъ утешенія к людем, поведите •Востав же Павелъ и помахав рукою, рече: мужие Ізраильсти и боящеися Бога услышите •Богъ людей сихъ выбралъ ест отцевъ нашихъ, и люди вознесе, егда быша пришелци во земли Египестей • И мышцею высокою изведе их из нея,и до четыредесять летъ препита е во пустыни •И погубивъ народовъ седмъ в земли Ханаанстей, жребиемъ розделилъ имъ земли их •А потомъ четыреста и пятдесятъ летъ далъ имъ судие, даже до Самуила пророка •Затымъ просиша царя, и далъ имъ Богъ Саула сына Кисова, мужа от колена Вениаминова, летъ четырдесятъ •И преставив его, воздвиже имъ Давыда царя • Емуже сведетелствуя рече: знаідохъ Давыда сына Іосеева мужа по серцу Моему, онже чинить вся хотения Моя •От сего семене Богъ по обетованию воздвиже Ізраилю •Проповедавшу Іоанну пред лицемъ внития Его, крещение покаяния всем людем Ізраилевым •Якоже скончал Іоаннъ течение свое и рече: кого мя мните быти несмъ азъ но се грядеть по мне, Емуже несмъ достоинъ раздрешити ремень сапогу Его •Мужи братия, сынове рода Авраамля • И иже в васъ боящиеся Бога, вамъ слово спасения сего послася •Живущіе бо во Ерусалиме и князи их сего не разумевше, и глас пророческих, иже по вся суботы чтомых, судивше скончаша •И ни едины вины смертны обретше нань, просиша у Пилата убити Его •Якож скончаша вся яже о Нем писана быша, снемша со древа положиша и во гробе •Бог же воскреси Его от мертвыхОнъже явися на дни многы, съшедшимъ с Ним от Галилея во Ерусалимъ, иже ныне суть сведетели к людемъ •И мы жъ вамъ благовестуемъ, еже ко отцемъ обетование бывшее, яко сие сконча Богъ нам чадомъ их воздвигъ Ісуса •Якоже во псалме второмъ пишеть: Сынъ Мой еси Ты, Азъ днесь родих Тя •А еже воскреси Его от мертвых, да не к тому возвратит и во истьление, сице рече: яко дамъ вам преподобна Давыдова верна •Темже и во другомъ глаголеть: не даси Преподобному Твоему видети исътления •Давыдъ убо своему роду послуживъ, Божіимъ советомъ успе и приложися ко отцемъ своимъ, и виде исътлени •А Егоже Богъ воздвиже, не виде исътления •Ведомо убо да будеть всем мужие братия, яко Сего ради вамъ оставление грехомъ проповедается •И от всех от них же не могосте в законе Моисеове оправдатися, о Нем всякъ веруя оправдается •Блюдитеся ж да не придеть на васъ реченое во пророцех:Видьте нерадивіи и чудитеся, и исчезньте • Понеже дело соделаю Азъ во днехъ ваших, емуже не имаете веровати, аще кто повесть вамъ •Исходящим же имъ из сонмища Іудейска моляхуся народи, дабы во другую суботу молвили ко нимъ слова тые •Разшедшу же ся собору, последовали мнози Іудеи и богобойніи пришелци, Павла, и Варнаву, ониже напоминали их абы пребывали в милости Божией •Въ другую пакъ суботу мало не весь градъ собрался послушати слова Божия •Видевши же Іудеи народы исполнишеся зависти • И вопреки глаголаху глаголемымъ от Павла • Противящеся и хуляще их •Тогда с смелостью Павелъ, и Варнава рекоста: вамъ было годно первее глаголати слово Божие, а понеж отвергосте е, и негодни сами себе чините вечному жівоту • Се обращаемся ку языкомъ,тако убо заповеда нам Господь: положих тя во свет языкомъ, и да будеши во спасение даже до последнихъ земли •Слышавше же сия языци радовахуся, и славяху слово Господьне, и вероваша, елици презрени быша в живот вечный,и проношашеся слово Господьне по всей стране той •Іудеи же наустиша жены учьтивыя, и благообразныя, и мещаны старейшия • И воздвигоша гонение великое на Павла, и на Варнаву, и изъгнаша их от предел своих,они же оттрясши прах с ног своих на не, придоша во Иконіюученици же исполняхуся радости и Духа Свята •

Chapter 16

Isolated verses only: this chapter page was not archived; the verses come from archived verse-comparison pages of the same site.

И видение в нощи явися Павлу, якобы неякій мужъ Макидонянинъ стоялъ, и моли его, глаголя: пришедъ во Макидонию помози намъ •

Chapter 19

Isolated verses only: this chapter page was not archived; the verses come from archived verse-comparison pages of the same site.

Внегда же книжникъ укротил народъ, рече: мужие Ефестіи, и кто ест человекъ той онже бы не ведалъ, иже градъ Ефескій чьтить великую Артемиду, Діова роду?

Chapter 20

Isolated verses only: this chapter page was not archived; the verses come from archived verse-comparison pages of the same site.

От Милита пакъ послалъ во Ефесъ, призвати старейшины церковныя •Того для бдите поминающе, яко за три лета нощъ, и день не престаахъ уча, со слезами единого каждого з васъ •

Chapter 27

Isolated verses only: this chapter page was not archived; the verses come from archived verse-comparison pages of the same site.

Тогда въшедше в корабль Адрамитскій, восхотевше плыти во места Асійская отпустихомся сущу с нами Аристаръху Макидонянину от Селуня •Ныне же упоминаю васъ будте доброе мысли, понеже не будеть гыбели ни единои души от вас, разве корябля •

Chapter 1

Іаковлево соборъное послание еже • Писалъ ко двеманадесяте поколениемъ, Іудейскимъ веровавшим во Христа Ісуса, ониже ся были розбегли по странахъ, часу убиения Стефанова • А има в собе глав 5 •

Навчаеть насъ Апостолъ во искушениих быти терпливым • От Бога просити мудрости, от Негоже все доброе дается • А не толико послухати слова Божія, но и полнит е •Иаковъ Богу, и Господу Ісусу Христу рабъ обеманадесяте коленома иже в розсеаніи радоватися •Всяку радость имейте братия моя, егъда во искушения впадаете различная,ведуще яко искушение вашея веры, соделоваеть терпение •А терпние же дело совершено да имать • Да будете совершени, и цели, ни во едином лишени суще •Естъ ли же кто от васъ потребуеть мудрости, да просить ея от дающего Бога, Онже даеть всемъ просто и не поношая • И дасться ему,но да просить верою, ничтоже сумняся • Сумняй бо ся, уподобится волнению морскому от ветръ возметаему, и развевающуся •Да не мнить человекъ той, яко пріиметь что от Господа •Мужъ двоедушъный неустроенъ ест во всехъ путехъ своих •Да хвалить же себе братъ смиреный во высоте своей,а богатый во смиреніи своем зане же яко цветъ травный мимоидеть,восия бо солце со зноемъ, и исъше трава, и цветъ ея отпаде, и красота лица ея погыбе • Тако и богатый во хоженіи своемъ уведаеть •Блаженъ мужъ иже претерпить искушение, яко искушен бывъ пріимет венець живота, еже обеща Господь любящимъ Его •Никто жъ искушаемъ да глаголеть, яко от Бога искушаемъ есмъ • Богъ бо несть искуситель злымъ, и не искушаеть никогоже •Но каждый искушается от своея похоти влеком, и прелщаемъ •Тажде похоть заченши плодить грехъ, грех же скончався ражаеть смерть •Не льститеся же братия моя возлюбленная,всяко даяние благо, и всякъ даръ свершенъ, свыше ест сходя от Отца светом • В Негоже несть измененія, или преложению осенения •Восхотев бо породи нас словом истинны яко быти нам началу от созданий Его •Темже братия моя возлюбленная, да будеть всякъ человекъ, скоръ къ послушанию, и ленъ ко глаголанию, и медленъ ко гневу •Гневъ бо мужа правды Божией не соделаваеть •Прото ж отлошивше всяку скверну, и збытокъ злобы • Во кростости приймайте истое слово, могущее спасти душе ваше •Будте ж творци слову, а не толико послушници, прелщающе сами себе •Кто убо ест послухачь слову а не творец таковый уподобится мужу, сматряющу лица нарожения своего во зерцале •Усмотревъ бо себе, и отшолъ, и скоро забылъ яковъ бе •Возревый же въ законъ совершеный, иже ест свободы • И пребудеть в немъ сый непослушник забытливъ, но творец делу, сей блажен въ деле своемъ будеть •Естъ ли пак кто мнится верен быти в васъ не обуздовая языка своего, но ильстя серце свое, сего суетна ест вера •Вера ж чиста, и нескверна въ Бога Отца сия ест, посещати сироты, и вдовице во скорби их • И нескверна себе блюсти от мира сего •

Chapter 1

Послание соборъное Петрово первое, еже писалъ ко живущимъ, во Понту, во Галатіи, въ Каппадокіи, во Асіи, и в Вифініи, веровавшим во Христа • А имать главъ 5 •

Петръ Апостолъ благодарить Бога, яко породи насъ крещениемъ святымъ во спасение и приводить насъ ко чистому житию •Петръ Апостолъ Ісусъ Христовъ, пришельцем разсеанымъ живущим въ Понту, и Галатіи, Каппадокіи, Асіи и Вифініи •Изъбранным по прозърению Бога Отца, ко освещинию Святого Духа во послушание и окропление Крови Ісусъ Христовы • Благодать вамъ и миръ да умножится •Благославенъ Богъ и Отець Господа нашего Ісуса Христа, Онъже по мнозей своей милости, породилъ насъ во упование живо, воскресениемъ Ісусъ Христовымъ от мертвых •В наследие нетленно, и нескверно, и невъведаемо, соблюдено на небесехъ вамъ •Иже силою Божиею храними в вере, во спасение еже готово ест явитися во время последнее •О немъже радуйтеся, мало ныне прискорбни бывше аще потреба ест в различных напастехъ •Да искушение вашея веры, много честнейшее злата гыбнуща огнемъ искушена • Знайдется во похвалу, и честь, и славу во откровеніи Ісусъ Христове,Егоже не видавши любите, и в Негож не зряще верите, и верующе радоватися будете радостию неизглаголанною,приемлюще конъчину веры вашее спасение душамъ •О семъ спасеніи взыскаша, и спыташа пророци • Иже о вашей пріидущей благодати прорекоша •Испытающе въ каково, или въ кое время будеть, еже являаше в них Духъ Святый, прежде сведетелствуя о Христовыхъ страстехъ, и о пріидущей славеимъ же открися яко не сами собе, но вамъ служаху сими • Еже ныне возвещаются вамъ, теми иже благовестиша Еивангелие Духомъ Святым посланымъ с небеси, на Негож жадають ангели возирати •Сего ради препоясавше чресла помышления вашего, трезвящеся досконале уповайте, на приносимую вамъ благодат откровениемъ Ісусъ Христовымъ,яко чада послушания, не преобразующеся первыми неведения вашего похотями •Но позвавшему вы Святому и сами святи во всемъ животе будте • Понеж писано ест:Святи будете, яко Азъ святъ есмъ •И аще Отца призываите нелицемерна, судяща каждому по деломъ его • Во страсе ж пришествия вашего время поживите •Ведуще яко не тленнымъ сребромъ, или златомъ избавистеся от суетнаго вашего жития, отци преданаго •Но честною Кровию, яко Агньца непорочна, и нескверна, Христа •Проразумеваема убо прежде сложения мира, явльшего же ся во последняя лета вас деля,иже Его ради веруете въ Бога, воздвигащего и изъ мертвыхъ, и славу Ему давша • Яко да вера ваша, и упование будеть на Бога •Душе ваше очистивше во послушаніи истинне духомъ • Во братолюбии нелицемерне, от чиста серца, друг друга любите прилежно,порожени не от семени исътленна, но неизътленна • Словомъ живаго Бога, и пребывающего во веки •Зане же всяка плоть яко трава, и всяка слава человеча яко цветъ травный, и сосше трава, и цветъ ея отпаде •Слово же Господьне пребываеть во веки, и сее ест слово благовествованное въ васъ •

Chapter 3

Isolated verses only: this chapter page was not archived; the verses come from archived verse-comparison pages of the same site.

Егда узрят со страхомъ случено чистое житие ваше •

Chapter 1

Петрово 2. Послание соборъное еже писалъ ко всемъ хрестианомъ • Поведая яко о вере Христове мудрици сего света сут мертви • И невинность жития нашего иже у Бога приятно естъ • А имат главы 3 •

Навчаеть Апостолъ верующихъ дабы ся правые веры Христовы держали а не прелщалися яко Той естъ воистинну Сынъ Божій •Симонъ Петръ рабъ, и посланникъ Ісусъ Христовъ • Случившимся в равночесную веру с нами, во правде Бога нашего, и Спасителя Ісуса Христа •Благодать вамъ и миръ да умножится, во познание Божие, и Ісуса Господа нашего •Яко вся намъ от божественныя сылы Его, яже к животу, и ко благочестию подана сут разумомъ призвавшего насъ, славою и добродетелию Своею •Имъ же честная нам и великая обетования даровашеся • Да сих ради будемъ Божественаго естства причастници, отбегающе иже в мире похотное тли •Самое же тщание все приложше, подадите в вере вашей добродетель • Во добродетели же разумъ •В разуме ж воздеръжание • Во воздержаніи пакъ терпение, во терпении же благочестие •Во благочестии братолюбие • И во братолюбіи любовь •Сим бо сущимъ въ васъ, и множащимся • Не празны, ни безплодни поставлени будете во познаніи Господа нашего Ісуса Христа •А емуже несть сихъ, слепъ ест, и рукою путя щупаеть • Забывъ приемъ очищение от древнихъ своих грехъ •Темже братия моя более потщитеся да звание, и изъбрание ваше твердо створите • Сия бо чиняще не согрешите никогдаже •И тако обилно подасться вам входъ во вечное Царство Господа нашего и Спаса Ісуса Христа •Сего ради не обленюся вам всегда воспоминати о сих, яко ведущим и утверженымъ, в настоящей истинне •И праведно мню дондеже есмъ во семъ телеси, воставляти вас воспоминаниемъвемъ убо иже воскоре ест отложение телеси моего • Яко и Господь нашъ Ісусъ Христосъ сказа мне •И буду всегда пилен, дабы и вы по моемъ исходе, о сих часто паметь чинили,не умудреным бо баснемъ последовавше сказахом вамъ Господа нашего Ісуса Христа силу и пришествие • Но самовидци бывши Оного величествию •Приял бо от Бога Отца честь и славу, гласу пришедшу к Нему таковому от велелепныя славы • Сей естъ Сын Мой возлюбленный о Немже Азъ благоизволихъ •И сий гласъ мы слышахомъ с небеси съшедшъ, внегда быхомъ с Нимъ на горе святе •И имамы известъные пророческие слова, ихъже послухающе добре чините, яко светилнику сияющу во темне месте, дондеже день озарить • И денница восияеть во серцехъ вашихъ •Сия прежде верующе яко всякое пророчество книжное, не бываеть по розуму людскому,не волею бо человеческою сказано бысть когда пророчество • Но от Духа Свята водими глаголаша светіи Божіи человеци •

Chapter 3

Isolated verses only: this chapter page was not archived; the verses come from archived verse-comparison pages of the same site.

Вы убо возлюбленніи прежде ведуще сия хранитеся, да не нечистыми лестьми сведени бывше отпадете своего утвержения,

Chapter 1

Послание Іоаново перъвое сборъное о вътеленіи Слова Божия, иже Богъ любов ест, и кто Господу Ісусу Христу противится той ест антихристъ • А имаеть в собе главъ 5 •

Кажет Іоаннъ иже грешници не прилучаются къ Богу • Теже и люди не могуть греховъ изъбыти,ест ли не исповедаются их •Иже бе исперва, еже слышахомъ, еже видехомъ очима нашима, еже прозрехом, и руки наше осязаша • О Словеси животнемъ,и животъ явися, и видехомъ, и сведетельствуемъ, и возвещаемъ вамъ животъ вечный • Иже бе у Отца, и явися намъ •Еже видехомъ и слышахомъ поведаемъ вамъ да и вы приобщение имате с нами • Объщение же наше да будеть, со Отцемъ, и Сыномъ Его Ісусъ Христомъ, и Святым Духомъ •И сие пишемъ вамъ, да радость ваша будеть исполнена •То естъ обетование еже слышахомъ, и поведаемъ вамъ • Яко Богъ светъ ест, и тмы в Немъ несть ни единое,аще речем приобщение имамы с Ним и во тме ходимъ, илъжемъ и не творимъ истинны •Аще ли же во свете ходимъ, яко и Сам во свете ест • Приобщение имамы въкупе с Ним, и Кровь Ісуса Христа Сына Его очистить нас от всякого греха •Возлюбленіи аще речем греха не имамы, себе ильстимъ, и истинны несть в нас •Аще исповедуемъ грехы наша веренъ ест, и праведенъ • Да отпустить нам грехи, и очистить насъ от всякия неправды •Аще речемъ: яко не согрешихомъ лжай творимъ, и слова Его несть в насъ •

Chapter 1

Cие Богословъ пишеть ко некоей жене вдовици и сыномъ ея • Хвалячи ихъ, и навчаючи дабы во любви пребывали, от илъжи учителей ся выстерегали, и тех в домы своя не пріимали, и на конци вымолвяется иже вократце написал ест •Старець • Избранной господыни и чадомъ ея • Ихъже азъ люблю воистинне • И не азъ толико самъ, но и вси познавшие истинну,для истінны сущее в насъ, и с нами пребудеть во веки •Да будеть с вами благодать, милость, и миръ, от Бога Отца • И от Господа нашего Ісуса Христа Сына Отча, во истинней любви •Возрадовахся зело, яко знайдох от чадъ твоих ходящих во истинне • Яко заповедь приахомъ от Отца,и ныне молю тя госпоже, не яко заповед нову пишу ти, но еже имехом исперва, да любимъ друг друга •И сия ест любовъ да ходим по заповедехъ Его • И то ест заповедь якоже слышасте и сперва, да в ней ходите •Яко мнози лестъци внидоша въ миръ, ониже не исповедують Ісуса Христа пришедша во плоти • Сей ест ильстец и анътихристъ •Блюдете себе да не погубимъ яже делахомъ добрая, но да мзду совершену пріимемъ •Всякъ преступая и не пребывая во вченіи Христове, Бога не имать • Пребывая же во ученіи Христове, сей Отца, и Сына имат •Ест ли же кто пріходит к вамъ, а сего учения не приносить не приимайте его в дом, и радоватися ему не глаголите •Глаголяй бо ему радоватися, причащается деломъ его злымъ •Много имехъ вамъ писати, но не восхотехъ хартию и черниломъ • Понеже надеюся сам пріити к вам, и усты ко устом глаголати, да радость ваша будет исполнена •Целуют тебе чада сестры твоея избанныя амин •

Chapter 1

Пишеть Гаіеви, хвалечи его, иже приемлеть приходящую братию • Диотрефа же для злости его караеть • И Димитрею доброе сведетелство из братиею выдает •Старець • Гаіеви возлюбленному, егоже азъ люблю воистинну •Возлюбленне, паче всехъ молюся о тобе спеяти и здравъствовати, якоже и проспеваеть душа твоя •Радовахся велми пришедшім братиамъ, и сведетельствующимъ твою истинну, якоже ты во истинне ходиши •Болши сея не имамъ радости да слышу моя чада во истинне ходящи •Возлюбленне, верно твориши, еже аще делаеши во братию, и во приходящих •Они бо сведетелствоваша твою любовь пред Церъковию • Ихъже добре чиниши преды посылая достойны Богу,о имени бо Его изыдоша ничтоже приемлюще от язык •Мы убо должни есмо пріимати таковыя, да посъпешници будемъ истинне •Писал бых церкви, но любяй старшинство в них Диотреф не приемлет нас •Сего ради аще прийду, воспомяну ему дела яже творит, словесы лукавыми укаряя насъ • И недоволенъ бывая о сихъ, не толико иже самъ не приемълеть братіи, но и хотящим приімати возбраняеть, и от церкви и гонит •Возлюбленне не уподобися злому, но доброму • Добро чиняй от Бога ест, и зло творяй не видит Бога •Димитрееви сведетелство доброе дается от всехъ, и от самоя истинны • Но и мы сведетельствуемъ, и веси яко сведетельство наше истинно ест •Много имехъ писати тобе, но не хотех пером и черниломъ,уповаю бо воскоре видети тя, и усты ко устом глаголати,миръ тобе • Поздравуют тя друзи, и ты поздравляй другы, еднаго каждого именем моимъ амин •

Chapter 1

Іуда Фаддей, сынъ Алфеевъ, брат Іаковлев, Апостолъ Ісусъ Христовъ • Пишеть ко всем верующим во Христа, укрепляя нас у вере, и повелевая выстерегатися от прелести еретыческое, сведетелствуя от Писма, и от речей прироженых о погибли их • На конци верныя в добром житіи наставляет •Иуда Христа Ісуса рабъ, брат же Іаковов, о Бозе Отци сущимъ осъвещенымъ, Ісусъ Христомъ соблюденым и званым:милость вам и миръ и любовь да умножится •Возлюбленнии великое тщание имехъ писати к вамъ, о общемъ спасеніи вашем, потреба убо бе дабых писалъ вамъ, моляй вас подвизатися о вере преданой единова святымъ •Вонійдоша бо в васъ неціи человеци невчстивіи, ониже давно суть пронаписани к тяжкому суду • Иже Бога нашего благодать прелагають у скверну, и единаго Владыку Бога, и Господа нашего Ісуса Христа отметаются •Сего ради хощу напомянути вамъ, ведущимъ единою сия • Яко Господь людей от работы Египетския спасе • Потом тыхже неверовавшихъ погуби •И ангелы не соблюдшие своего началства, но оставлше свое жилище, на суд великаго дня узами нерешимыми под мраком соблюде •Яко Содома, и Гомора и околичныя грады их, подобным имъ образом соблудивше, и отшедше вослед плоти иноя • Ныне предлежат во показание огня вечного муку подъемше •Також и сие сония видяще прелщаются плоть убо сквернять, господьствия же оменяются, и славе ругаются •Се Михаілъ Архангелъ, егда со дияволом разсуждая глаголаше о телеси Моисеове, не смел навесті нань слова хулна • Но рече: да запретит тобе Господь •Сии же чего не ведять, хулять и что пак от прирорженія ведят яко немая говяда, сими сквернятся •Горе имъ яко во путь Каиновъ внидоша • И во лесть Валаамовы мзды пролияшеся • И во пререканіи Корееве погибоша •Сия суть скверны во любвехъ ваших гостящеся без боязни, и сами ся пасуще • Яко облаци безводни, от ветръ преносими • И древа есенна бесплодна, двойцею умерша, и искорененна •Яко влъны возъметающегося моря, распеняюще студы своя • И яко звезды блудящие имъ же буря темности соблюдена ест во веки •Пророчествова же о сих седмый от Адама Енохъ глаголя: се придет Господь во тмах святых Ангел Своихъ,сотворити судъ на всехъ, и изъобличить вся нечестивыя, о всехъ делех нечестия их, яже неучьтиве делаша • И о въсехъ словесехъ жестокихъ, ихъже глаголаше Нань грешници неучтивии •Сии суть ропотници сварливіи, по похотехъ своих ходяще нечестиемъ и законопреступлениемъ и уста их глаголют прегордая, чудящеся лицамъ и похлебующе пожитку деля •Вы же возлюблении поминайте глаголы прежде реченныя от Апостолъ Господа нашего Ісуса Христа,еже глаголаху вамъ • Яко во последние времена пріидуть ругатели, по своих нечестивых похотяхъ ходяще •Сии суть отделяюще себе от едъности веры, и суть телесни Духа Святого не имуще •Вы же возлюбленнии святою вашею верою совершайтеся, в Духу Святомъ молящеся,сами себе любовию Божиею соблюдите, чающе милости Господа нашего Ісуса Христа в жизнь вечную •Оных убо милуйте разсужающи,ових же страхом спасайте от огня восхищающе • Обличайте же со боязнию, ненавидяще яже от плоти оскверненую ризу •Могущему сохраниті васъ без греха, и безъ скверны • И поставити пред славою Своею непорочны, в радостьЕдиному Премудрому Богу • И Спасу нашему Ісусу Христу • Ему ж слава, и величие и держава, и область • Ныне и во вся веки • Аминь •

Chapter 1

К Римляномъ • Починаеться епистола верховнаго Апостола Христова Павла • Юже послал от Коринфа • Фивиею служительницею Кехрейское церкви, еяже и залецаеть Римляном во посланіи • Имат глав 16 •

Являеть Апостолъ любовь свою, юже имеаше к Римляном • Потомъ караеть тыхъ ониж за похотями своими злыми ходят •Павелъ рабъ Ісусъ Христов, званъ Апостол, и избран во благовестие Божие,еже прежде обеща пророки Своими во Писаниих святыхо Сыне Своемъ • Бывшемъ от семени Давыда по плоти,нареченномъ Сыне Божіи въ силе, по духу святыни • Воскресшемъ изъ мертвых Ісусъ Христе Господу нашем •Имъже прияхом благодат и послание, дабы послушали веры вси языци о имени Его •Межи немижъ то и вы возвани Ісусъ Христу,всемъ иже в Риме есте возлюбленнымъ Божіимъ званымъ святым: милость вамъ и миръ от Бога Отца нашего, и Господа Ісуса Христа •Первее убо благодарю Бога моего Ісусъ Христомъ о всехъ васъ, яко вера ваша возвещается по всемъ свете •Сведетель бо ми ест Богъ Емуже служу духомъ моимъ, во благовествованіи Сына Его • Яко непрестанно о васъ всегда паметь чиню,въ молитвахъ моих моляся • Дабых когда поспешенъ былъ волею Божиею пріити к вамъ,жадаю бо видети васъ, да некое подам дарование вамъ духовно ко утвержению вашему •То естъ, абыхом посполу утешилися общею верою вашею же и моею •Не хощу в васъ не ведети того братия, яко множицею помышляхъ пріити к вамъ, но возбраненъ бехъ доселе • Да некый плодъ имелъ бых во васъ, якоже и во иных языцехъ •И Еллином бо, и варваромъ • Мудрымъ и немудрымъ, долженъ есмъ •Такожъ по моему усердию, и вамъ сущимъ в Риме благовестити готовъ есмъ •Не стыжу бо ся Евангелиемъ Христовымъ • Сила убо Божия ест ко спасению всякому верующему, Іудеови прежде, таже и Еллинови •Правда Божия открывается в нем от веры в веру • Якоже пишеть: праведникъ от веры живъ будеть •Явить бо ся гневъ Божій с небеси, на всяко нечестие и неправду, тымъ человеком, ониже правду Божию в неправде задержають •Понеже что ест разумно о Бозе, явлено естъ в них • Богъ же имъ яви •Невидимая бо Его, от создания миру тварми помышляема видятся, також и присносущная Его сила, и Божство • А въ томъ вымовитися пред Нимъ не могуть •Занеже разумевше Бога, не яко Бога просълавиша, или благодариша • Но осуетишеся мышленьми своими • И омрачися неразумное серце их •Глаголюще о собе быти мудри, обуродеша •И измениша славу нетленнаго Бога во подобие образа тленнаго человека, и птиц, и четвероногъ, и гадъ •Сего деля и предалъ ест е Богъ во похоти серць их в нечистоту, дабы привели стыдъ сами на тела своя,иже премениша истинну Божию во лжу • И почтоша и послужиша твари паче Творца • Онъже ест благославенъ во веки аминь •Для того поддалъ ест их въ жадости неучьтивыя • Яко жены ихъ измениша естьственую подобу свою во презъестственую •Такожъ и мужи оставивше естественую подобу женскаго поглавия, разждегошеся похотию своею друг на друга, муже на мужи студъ содевающе • И возмездие еже подобааше прельсти их въ себе приемлюще •І якоже не искусиша Бога имети в разуме • Тако и предалъ ест их Богъ в неискусен умъ, чинити неподобная •Исполнены всякия неправды, любодеания, лукавства, лихоимания, полны зависти, убійства, свару, рвения, льсти, злонравия •Насмеватели, клеветники, Богу мерскы, досадителе, величавы, горды, вымыслители злому • Родителемъ непокориви,неразумніи, не ветохранителе, не друголюбителе, не смолвудержителе, немилостиві •Они же познавше оправдания Божия, и таковая чинять, достойни смерьти суть • И не толико иже таковая чинять но и тіи иже волю деють чинящимъ •

Chapter 3

Isolated verses only: this chapter page was not archived; the verses come from archived verse-comparison pages of the same site.

во удержаніи Божиемъ, ко явлению истинны Его во нынешнее время в Том, дабы Онъ былъ праведенъ, и оправдалъ тыхъ иже суть от веры Ісусовы •

Chapter 8

Isolated verses only: this chapter page was not archived; the verses come from archived verse-comparison pages of the same site.

яко и сама твар свободиться от работы истления, во свободу славы чадъ Божіихъ •И кто жаловати будеть на изъбранныя Божія? Еда ли Богъ оправдая е •

Chapter 1

Коринфомъ 1 • Починаеться епистола верховнаго Апостола Господьня Павла, юже писалъ во Филиппусе граде • И послалъ Стефаномъ, и Фортунатомъ, и Ахаикомъ, и Тимофеемъ • А имаеть в собе главъ 16 •

Похваляеть Апостолъ Коринфянъ, и ку згоде их приводить ониже от разъных крещены кажут ся быти • И иже мудрость сего мира во безумие обратилъ естъ Господь Богъ •Павел званъ посланникъ Ісусъ Христовъ волею Божею, и Состен брат •Церкви Божией сущей во Коринфе освещенным о Христе Ісусе, званым святым, со всеми призывающими имя Господа нашего Ісуса Христа на всякомъ месте • Темже, и вамъ братия •Благодать и миръ от Бога Отца нашего, и Господа Ісуса Христа •Прославляю Бога моего всегда о васъ, о благодати Божией даной вамъ во Христе Ісусе •Яко во всемъ обогатистеся о Немъ • Во всяцемъ слове, и во всякомъ разуме •И тако сведетелство Христово известися в васъ •Якоже вамъ не лишитися ни единого дарования • Чающим явления Господа нашего Ісуса Христа •Онъже утвердить васъ дажъ до конца, во день Господа нашего Ісуса Христа •Веренъ Богъ, Имъже звани бысте во общение Сына Его Ісуса Христа Господа нашего •Молю же васъ братия именем Господа нашего Ісуса Христа • Да тожде говорите вси • И да небудет межи вами розделения, но будте совершени во единостайной мысли и въ том же нраве •Поведено бо ми ест о васъ братия моя от приставникъ, яко сварове суть межи вами •А се глаголю для того иже кажды в васъ говорит: азъ убо есмъ Павлов • Азъ же Аполосов • И азъ Кифин, азъ пакъ Христовъ •Еда ли разделися Христосъ? Еда Павелъ распятся за васъ, или во имя Павле крестистеся?Благодарю Бога, яко ни единого от васъ крестихъ, толико Криспа, и Гаія •Да некто речеть, яко во имя мое крестихъ и •Крестих же и Стефановъ домъ, более не вемъ ест ли же кого иного крестихъ •Не посла убо мя Христосъ крестити, но благовестити • Не во мудрости словъ, да не изъпразнится Крестъ Христовъ •Слово же крестное, погыбающимъ убо юродьство ест, спасающим же ся нам сила Божия •Писано бо естъ: погублю премудрость премудрых, и отвергу разумность разумных •Где премудръ? Где книжникъ? И где совопросникъ века сего? Не обезуми ли Богъ премудрость мира сего?Понеже егда во премудрости Божией не разуме миръ премудростию Бога • Изълюбилося Богу буйствомъ проповедания, спасти верующих •Іудеи убо знамения просять • И Еллини премудрости ищуть •Мы же проповедаемъ Христа распята • Іудеомъ бо соблазнъ, Еллином безумие •Самем же званным Іудеомъ, и Еллиномъ: Христа Божую силу, и Божию премудрость •Занеже буие Божие премудрее человекъ ест • И немощное Божие крепчайше человекъ ест •Видите убо звание ваше братия, яко не мнози премудри по плоти, не мнози силни, не мнози доброродни •Но спросная сего мира изъбра Богъ, да посрамит премудрая • И еже беша несилная в мире изъбра Богъ, да посрамить крепкая •И недоброродная, и заверженая изъбра Богъ, и не сущая, да сущая выпразнить •Яко да не похвалится всяка плоть пред Богом •Из Негоже вы есте о Христе Ісусе • И Той бысть намъ премудрость от Бога, и правда, и освещение, и избавление •Да якоже пишеть: хваляйся о Господи да хвалится •

Chapter 3

Isolated verses only: this chapter page was not archived; the verses come from archived verse-comparison pages of the same site.

млеком васъ напоих, а не брашномъ • Не вже бо можасте • Но еще и ныне не можете,

Chapter 4

Isolated verses only: this chapter page was not archived; the verses come from archived verse-comparison pages of the same site.

Тако насъ да мнить человекъ, яко слугы Христовы • И строители тайнамъ Божиимъ •

Chapter 7

Isolated verses only: this chapter page was not archived; the verses come from archived verse-comparison pages of the same site.

Обрезание ничто ест • И необрезание ничтоже ест, но соблюдение заповедей Божиих •

Chapter 10

Isolated verses only: this chapter page was not archived; the verses come from archived verse-comparison pages of the same site.

Совесть же глаголю не твою, но другаго • Прочто пакъ свобода моя судится от иноя совести?Аще убо ясте или пиете или что иного чините, все во славу Божию чиньте •

Chapter 15

Isolated verses only: this chapter page was not archived; the verses come from archived verse-comparison pages of the same site.

И то что сееши, не ест тело, иже имать родитися, но голое зерно • Буди пшеница, или что ино от семен •

Chapter 16

Пишеть Апостолъ Коринфомъ дабы крепци были во вере Христове • И о сложеніи милостыни еже сылаху во Ерусалимъ братіи • А на конци, поздравления имъ въсказуеть •А о томъ сложеніи милостыни еже ко святымъ • Яко убо разрядихъ во церквахъ Галатійских, тако и вы вчините •Во каждую суботу всякій з васъ сам у себе да полагаеть сохраняя еже полюбится ему • Да не тогда сложения будуть, внегда пріиду к вамъ •И яко буду у васъ ихъже годных узърите послати, тых пошлю дабы несли милостыню вашу во Ерусалим •Аще ли же будеть годно и мне ити, то пойдуть со мною •Пріиду же к вам внегда Макидонию проиду • В Макидонию бо прежде хощу ити •У васъ пакъ аще прилучится пребуду, или и озимею с вами, да вы мене проводите игдеже аще пойду •Не хощу бо васъ во мимохоженіи видети • Но надеюся время некое в васъ пребыти, аще Господь повелить •Ныне же пребуду во Ефесе до дня пятдесятого •Дверь бо ми ся отверзе великая, и поспешная, и супротівници мнози •Придет ли к вам Тимофей блюдите его да безъ страху пребудеть у васъ • Дело бо Господьне съделаваеть яко и азъ,да никтоже его укорит • Но проводите его с миромъ, да пріидеть ко мне, жду бо его со братиею •О Аполосе же брате поведаю вамъ, много молихъ его ижебы шолъ к вамъ со братиею • И никако не была воля его дабы ныне шолъ, но придет егда упразнится •Чуйте о собе, и стойте в вере • Мужайтеся и утвержайтеся •Вся ваша во любви да бывють •Молю же васъ братия знайте домъ Стефанов, яко ест начаток во Ахаіи иже во служение святым повинили себе,да и вы повинуетеся таковымъ • И всякому помагающему вамъ, и тружающемуся с вами •Радуюся пакъ о пришествіи Стефанове, и Фортунатове, и Ахаикове • Чего бо в васъ не было, сіи исъполниша •А тако мой духъ и вашъ упокоиша, познайте ж таковая •Поздравуеть васъ все собрание церкви Асійское • Поздравуеть васъ о Господи много, Акила и Прискила, съ домашнею челедию своею •Позъдравують васъ братия вся • Целуйтеся другъ друга, целовениемъ святымъ •Целование моею рукою, Павлею,иже аще кто не любит Господа нашего Ісуса Христа • Да будет проклятъ, во день пришествия Господьня •адсутнічаеА любов моя со всеми вами о Христе Ісусе аминь •

Chapter 1

Коринфомъ 2 • Починаеться епистола вторая святого верховнаго Апостола Христова Павла, юже посылает от Філиппуса Титом, и Лукою евангелистом • А имать глав 13 •

Поведаеть Апостолъ Коринфяном о скорби своей • Приводяй их ко пилному поразумению для чего не наполнил слюбу своего •Павелъ посланникъ Ісусъ Христовъ, волею Божиею • И Тімофей братъ церкви Божией, сущимъ во Коринфе, со всеми святыми живущими во всей Ахаіи •Благодать вамъ, и миръ от Бога Отца нашего • И Господа Ісуса Христа •Благославенъ Богъ и Отець Господа нашего Ісуса Христа, Отець щедротъ, и Богъ всякия утехи •Утешая насъ во всякой скорби нашей • Да и мы возможем утешити сущих во всякой скорби • Утешениемъ имже сами утешаемся от Бога •Зане яко избывають страдания Христова в насъ, тако Христомъ избывает и утешение наше •Аще бо скорбимъ о вашемъ напоминаніи, и спасеніи, действующуся в васъ терпению техъ страданией имиже и мы страждемъ •Аще ли утешаемся, о вашемъ утешеніи и спасеніи • Упование наше известно ест о васъ • Вемы бо зане якоже обещници есте страданию тако обещници будете и утешению •Не хощу убо васъ не разумети братия о скорби нашей, бывшей намъ во Асіи • Понеже по премногу отягочени быхомъ, паче силы • Яко не надеахомся к тому жити,но сами в собе осужение смерти имехомъ • Да не надеющеся будем на ся, но на Бога, воставляющего мертвыя •Онже от толиковы смерти избавилъ насъ и избавляеть на Негоже уповаемъ • Яко и еще избавить,егда вы насъ воспоможете молитвою своею • Дабы от многыхъ лиць были благодарения о насъ Богови, давшему намъ дарования Своя •Похваление бо наше се ест, сведетельство совести нашея • Яко во простоте, и чистоте Божіи • А не во мудрости плотстей • Но милостию Божиею, жихомъ в мире семъ, наболей же у васъ •Не о ином пишу к вам, но еже чтете и разумеваете, уповаю же яко и до конца поразумеете •Якоже отчасти и разуместе, иже похваление вамъ есмы, якоже и вы намъ, во день Господа нашего Ісуса Христа •И сим упованиемъ хотехъ к вамъ пріити прежде, да вторую некую благодать имате •И черезъ васъ пойти во Макидонию • И опять от Макидоніи пріити к вам • И вами проводитися во Іудею •Сия же внегда розмышляю в собе, еда ли в чемъ легкость вчинихъ? Или еже совещаваю, по плоти ль совещаваю, дабы было от мене, еже ест, естъ • А еже ни, ни?Веренъ пакъ Богъ, яко слово наше, еже к вамъ не бысть ей, и ни •Ибо Сынъ Божій Ісусъ Христосъ, иже в васъ нами проповеданный • Мною, и Силуаномъ, и Тімофеемъ, не было в Немъ, ей, и ни • Но было в Немъ ест,елика бо быша обетования Божия, в Немъ наполнени суть • И в Немъ аминь глаголемъ Богу ко славе нами •Утвержая же насъ ис вами во Христа, и помазавый насъ естъ Богъ,Онъже и знаменалъ насъ • И далъ обручение Духа во серца наша •Азъ же сведетеля Бога нарицаю на душу мою • Яко щадяй вас не пріидохъ паки во Коринфъ •Не яко обладаемъ вере вашей, но яко поспешници есмы радости вашея • Верою бо вы стоите •

Chapter 4

Isolated verses only: this chapter page was not archived; the verses come from archived verse-comparison pages of the same site.

В нихже богъ века сего, ослепи разумы неверныхъ • Не въсияти имъ свету благовествования славы Христовы • Онже естъ образъ Божий •

Chapter 6

Isolated verses only: this chapter page was not archived; the verses come from archived verse-comparison pages of the same site.

но во всемъ составляимы себе яко Божія слугы • Во терпеніи мнозе, во скорбех, во смуткохъ, во бедахъ, во теснотахъ,

Chapter 1

К Галатомъ послание святого Апостола Павла, еже написалъ самъ своею рукою велми чудно, и посылаеть к нимъ от Рима • А замыкаеть в собе главъ шесть •

Караеть Апостолъ Галатянъ иже суть скоро отступили от веры Христовы • Еяже не приалъ естъ от человека, но от Самого Христа •Павел посланый, не от человек, ни человеком но Ісусъ Христомъ • И Богомъ Отцемъ, воскресившимъ Его изъ мертвых •И еже со мною вся братия церквамъ Галатским •Благодать вамъ и миръ от Бога Отца, и Господа нашего Ісуса Христа,давшего Себе за грехи наша, да избавить насъ от настоящего века лукавого • По воли Бога и Отца нашего,Емуже слава въ веки аминь •Дивлюся тому, иже такъ скоро прелагаетеся от звавшего васъ, благодатию Христовою во иное Евангелие,еже несть ино • Токмо неціи суть смущающе вами • И хотяще превратити благовестование Христово •Но аще мы, или Ангелъ с небесе благовестить вамъ, паче еже благовестихомъ вамъ, проклятъ да будеть •Якоже прежде рекохом, и ныне паки глаголю: аще кто вамъ благовестить, кроме еже приясте, проклят да будеть •Ныне бо человекы ль препираю чили Бога? Или ищу человекомъ угождати? Аще бо единаче человекомъ угождалъ быхъ, Христу рабъ не былъ быхъ •Сказую же вамъ братия Благовестование проповеданое от мене, яко несть по человеку •Ни бо азъ от человека приахъ е, ни научихся, но явлениемъ Ісусъ Христовымъ •Слышасте бо мое житие иногда во жидовьстве • Яко по премногу гоняхъ Церковь Божию, и разрушахъ ю •И проспевахъ в Жидовьстве надъ многы товарише мое, в роде моемъ • Избытній ревнитель сый отеческыхъ преданией •Егда же благоволи Богъ избравый мя от чрева матери моея, и призвавъ милостию Своею,явити Сына Своего во мне, да благовещу и во языцехъ • И скоро не поволихъ телу и крови •Ни возыдохъ во Ерусалим • Но идохъ во Аравию, и паки возвратихся в Дамаскъ,потом же по трех летехъ възыдохъ во Ерусалимъ • Согледати Петра, и пребых у него дней пятнадесеть •Иного же от Апостолъ не видехъ токъмо Якова брата Господьня •А еже пишу вам се предъ Богом, яко не лжу •Потом же пріидохъ во краины Сиръскія, и Киликійския •И бехъ незнаемъ в лице церквамъ еже от Іудеи ко вере Христове навращенымъ •Точию же слышаще бяху о мне, яко сей ест онже гоняше насъ прежде • А ныне благовестуеть веру, юже иногда разрушаше,и славяху о мне Бога •

Chapter 3

Isolated verses only: this chapter page was not archived; the verses come from archived verse-comparison pages of the same site.

Законъ убо естъ ли же противенъ обетованиемъ Божіимъ? Да не будеть • Аще бо данъ бысь законъ могый оживити • Воистинну от закона бы была правда •

Chapter 6

Isolated verses only: this chapter page was not archived; the verses come from archived verse-comparison pages of the same site.

Не ильститеся жъ: Богъ подражаемъ не бываеть • Еже бо аще сееть человекъ, то и пожнеть:

Chapter 1

Ко Ефесиемъ послание веръховънаго Апостола Павла, еже посылаеть от Рима возлюбленнымъ братомъ, и вернымъ служителемъ Тихиком • А имать главъ шесть •

Кажеть Апостолъ о прозреных Божиих, и о великомъ добродеаніи Его ко всемъ людем • О славе высокой Господа нашего Ісуса Христа •Павелъ посланникъ Ісусъ Христовъ, волею Божиею • Святымъ всемъ еже суть во Ефесе, и вернымъ о Христе Ісусе •Благодать вамъ и миръ от Бога Отца нашего, и Господа Ісуса Христа •Благославенъ Богъ и Отець Господа нашего Ісуса Христа • Благославивый насъ всяким благославениемъ духовным во небесных о Христе •Якоже и избралъ ест насъ в Немъ, прежде сложения мира • Да будемъ святи, и непорочни пред Ним во любви •Онъ убо прежде и нарек насъ за сыны Собе Ісусъ Христомъ, ко приатию наследия Его, по воли хотения Своего •Да похвалена будет слава благодати Его • В нейже облагодари насъ, о Возлюбленнемъ Сыне Своемъ •О Немже имамы избавление Кровию Его, и оставление прегрешениемъ • По богатеству благодати Его,юже умножилъ в насъ, во всякой премудрости и разуме •Сказуя намъ тайну воли Своея, по доброй любости Своей, юже прежде положи в Немъ •Во осмотрение исполнения временемъ • Да ко первому чину направит всячьская о Христе, яже на небеси, и яже на земли •О Нем же и мы наследовници быхомъ, прежде наречени бывше • По прозрению Божию, вся действующему, по совету воли Своея •Быти намъ во похваление славы Его, проуповавшимъ во Христа •О Нем же и вы слышавше слово истинны благовествование спасения вашего • В Онже и веровавше знаменастеся, Духомъ обетования Святым •Иже ест обручение наследию нашему, ко избавлению и соблюдению, и похвалению славы Его •Сего ради и азъ слышавъ веру вашу еже во Господа Ісуса, и любовь яже ко всем святым •Не престаю благодаря Бога о васъ, поминание вамъ чиняй в молитвахъ моих,да Богъ Господа нашего Ісуса Христа, Отець славы • Дасть вамъ Духъ премудрости, и откровения ко познанию Его •И просветить очи серца вашего, да уведите что ест упование звания Его • И что богатество славы достоания Его во святыхъ •И что преисъпеющее величество силы Его в насъ верующих • По действу державы крепости Его,еже содея во Христе, воскресив Его изъ мертвыхъ, и посадивъ и одесную Себе на небесныхъ •Превыше всякия власти, и владычства, и силы, и господьства • И всякого имени именующася • Не точию въ веце семъ, но и во грядущемъ •Вся покори под нозе Его, Того далъ главу прежде всего Церъкви,иже ест тело Его • И исполънение Его исполняеть вси речи во всехъ •

Chapter 1

Послание къ Філипписиемъ святого славного Апостола Павла • Еже посылаеть от Рима Епафродитом • А имать главъ 4 •

Благодарить Апостолъ Бога, за добродеания, еже вчинил естъ Філипписиемъ, и являеть имъ о своей любви юже имаеть к ним, и о поиманіи своемъ пред ними кажеть •Павел, и Тимофей раби Ісусъ Христовы всем святым о Христе Ісусе, сущим во Філипписеохъ • Со епископы и диаконы •Благодать вам и мир от Бога Отца нашего, и Господа Ісуса Христа •Благодарю Бога моего о всей памети вашей,всегда во всехъ молитвах моихъ • О всехъ васъ с радостию прозбу чиню •Дабы есте пребывали во Евангеліи Христове от перваго дня даже и доныне •Надею имаю о томъ, яко заченый в васъ дело доброе, той и соверъшить, ажъ до дня Христа Ісуса •И яко ест праведно мне сее смышляти о всехъ васъ • Понеже имею васъ всегда во серци, и во узахъ моихъ, и во ответе, и во известованіи Евангелия Христова • Да будете вси сообъщеникы благодати даное ми •Сведетель убо мне ест Богъ, яко жадаю всехъ васъ быти во утробе Ісусъ Христове,и о томъ молюся да любовь ваша болей и болей размножится, в разуме, и во всяком познаніи,искушати вамъ лучшая • Да будете светли чистотою, и непорочьни во день Христовъ •И исполнени плодов правды Ісусъ Христомъ, во славу и похвалу Божию •Разумети же вамъ хощу братие, что ся со мною дееть, иже къ болшему проспеху пришло ест благовестование Божие,яко узы мое еже для Христа, явлены суть во всемъ судищи, и на иных всехъ местехъ •Тако иже мнози братия уповающе на Господа видевши узы мое, болшую смелость имають, без страху слово Божие глаголати •Неціи пакъ для зависти, и ръвения • А иніи з доброю волею, Христа проповедують •Они убо для свару Христа возвещающе не чисто • Мнять за то, ижебы мне придавали болести во оковахъ моих •Ови же от любви, ведуще яко для проповедания Евангелия Христова всажденъ есмъ •Что жъ пакъ о томъ? Всякимъ образомъ • Буди не от правды, или от истины Христосъ проповедаемъ ест • О всемъ томъ радуюся, и радоватися буду •Вем бо яко все тое събудется мне во спасение, вашею молитвою • И подаяниемъ Духа Ісусъ Христова •По ожиданию, и надежи моей •Мой убо животъ, естъ Христосъ • А смерть, приобретение •И еже жити ми во теле, сее пожиток ест толико къ заслужению • И что собе изволю, не вем •Тяжко ми ест обдержатися от обою: желаніе имею разрешитися и со Христом быти, многымъ, и велико лепши естъ •А еже пребыти ми во теле, потребнейши ест васъ ради •И о семъ надею имея вемъ яко пребуду живъ со всеми вами, ко вашему проспеху, и к радости веры •Да хвала ваша изъбыточствуеть о Христе Ісусе во мне, моимъ пришествиемъ опять к вам •Толико достойно Евангелию Христову живите, еда аще прииду к вамъ да вижу вас • Или кроме сый да услышу о вас яко стоите во единомъ дусе, и во единой мысли страждуще с верою Благовестования •Не плошающися ни в чем от противных своих • Понеже убо темъ естъ явление погыбели, а вамъ спасения, и се от Бога •Яко вамъ даровася о Христе, не точию в Онь веровати, но для Него и пострадати •Той же подвигъ имейте, еже видесте во мне, и еже ныне слышите о мне •

Chapter 4

Isolated verses only: this chapter page was not archived; the verses come from archived verse-comparison pages of the same site.

Яко и во Селунъ одинова, и двожды требования мне посыласте •

Chapter 1

Къ Коласаемъ послание светого Павла Апостола • Еже посылаеть от Рима, Тихиком диакономъ • А имать в собе главъ 4 •

Кажеть о любви своей Апостолъ Коласаем, и о славе Сына Божия, и о силе Еивангелия, егоже вси имают послушни быти •Павел посланник Ісусъ Христовъ, волею Божиею • И Тимофей братъ •Сущимъ в Коласаих, святымъ и верънымъ братиамъ о Христе Ісусе •Благолат вамъ и миръ от Бога Отца нашего, и Господа Ісуса Христа • Благодаримъ Бога и Отца Господа нашего Ісусъ Христа, всегда о васъ молящеся •Понеже слышахом веру вашу, юже имате во Христа Ісуса • И любовь еже ко всем святым •Для упования положеного вамъ на небесехъ • О немже первее слышасте во слове истинны Евангелия Христова,еже пришло к вамъ • Якоже естъ и по всемъ свете плодится, и ростеть • По тому же и у васъ от того дня вонже слышасте, и разуместе благодать Божию во правде •Якоже и навчистеся от Епафры возлюбленаго сослужителя нашего • Онже естъ веренъ за васъ служитель Христовъ •Той и возвестил намъ вашу любовь юже имате в Духу Святомъ •Сего для и мы от того дня, якоже слышахомъ от него • Не престаемъ молящеся и просяще • Да исполнитеся познания воли Божіи • Всякою премудростию, и разумомъ духовнымъ •Ходити вамъ достойно предъ Господемъ угождающе Ему • И во всякомъ деле добромъ плодъ приносяще • И возрастающе во познание Божие •Всякою силою крепящеся, по державе славы Его • Во всяцемъ терпеніи, и кротости с радостию •Благодаряще Бога и Отца призвавшего насъ во часть наследия святыхъ во свете •Онже избавилъ насъ от власти темностей, и престави во Царство любви Сына Своего •О Немже имамы избавление, Кровию Его оставление грехомъ •Иже ест образъ Бога невидимаго • Пръвнець всей твари •Яко о Немъ создана быша всячьская, яже на небесехъ, и яже на земли • Видимая, и невидимая • Аще престоли, аще господьствия, аще начала, аще власти вся ж Темъ, и в Него сотворена суть •И Той естъ прежде всехъ, и вси речи о Нем состоятся •И Той естъ глава телу Церкви • Иже ест зачало, и перворожденый из мертвых, да будеть во всехъ Той первеньчство имея,яко в Немъ изволи все исполнение вселити •Да Темъ приведет к Собе всячьская, смирение вчинивъ Кровию распятия Его с Собою, будь еже на земли суть, или на небесехъ •И вы иже бесте иногда отдалены, и врагы помышленьми, во делехъ злыхъ •Ныне вже смирилъ васъ во плоти смертию Его • Да представить вы святы, и непорочны, и неповинны предъ Собою •А то естъ ли же пребудете в вере основані, и тверди, и неотступни от упования Евангелия Христова, еже слышасте • И еже проповедано ест всей твари поднебесней • Емуже бых азъ Павел служитель •Ныне же радуюся во теръпеніи моемъ для вас • И исполняя лишения скорбей Христовыхъ во плоти моей, о телеси Его еже ест Церкви •Еяже азъ быхъ служитель по смотрению Божию, даному мне в васъ, исполнити слово Его,и тайну, сокровенную от векъ, и от родовъ • Ныне бо явлено бысть святым Его •Имъже восхоте Богъ сказати, богатество славы тайны сея, иже ест Христосъ в васъ, упование славы •Егоже мы возвещаемъ • Наказующе всякого человека, и учаще каждого человека • Во всякой премудрости • Да представим каждого человека совершена о Христе Ісусе •В оньже тружаюся подвизаяся, по действу Его, действующемуся во мне силою •

Chapter 1

Послание ко Селуняномъ перъвое святого Апостола Павла • Еже посылаеть от Афінъ Тихикомъ, а Онисимомъ • А замыкаеть в собе главъ пять •

Благодарит Апостолъ Господа Бога, о Селунянех, ониже приявши веру Христову, крепци пребыша в ней, и с радостию вся терпеша •Павелъ • И Силуанъ • И Тімофей • Церкви Селунстей • О Бозе Отци и Господи Ісусъ Христе • Благодат вамъ и миръ, от Бога Отца нашего и Господа Ісуса Христа •Благодарим Бога всегда, о всех васъ • Воспоминание вамъ чиняще во молитвахъ своих непрестанно •Поминающе ваше дело, и веру, и трудъ любве, и терпение • И яко пребысте во упованіи на Господа нашего Ісуса Христа • Предъ Богомъ, и Отцемъ нашимъ •Ведуще братия возлюбленная, от Бога избрание ваше •Яко благовестование наше, бысть у васъ • Не словом толико, но и силою, и Духом Святымъ, и извещениемъ многымъ • Якоже весте какови быхомъ в васъ •І вы подобни намъ бысте, Господьне приемъши слово во скорби мнозе, с радостию Духа Святого •И тако вчинистеся объразъ всемъ верующимъ, во Макидоніи, и Ахаіи •От васъ бо прослуся слово Господьне, не точию во во Макидоніи, и во Ахаіи • Но и во всякомъ месте, вера ваша иже ко Богу рознеслася ест • Яко не потреба намъ вже что глаголати •Тіи бо о васъ извещевають каков входъ имехом к вам • И како обратистеся къ Господу от идолъ, работати Богу живому, и истинному •И ждати Сына Того с небеси • Егоже воскреси от мертвых Ісуса избавляющего насъ от гнева грядущего •

Chapter 1

К Селуняномъ послание второе святаго Апостола Павла • Еже посылаеть от Рима Тіхикомъ • А замыкает в собе главъ тры •

Благодарить Апостолъ Бога о размноженіи во вере, и во любви, и во терпеніи Селунянъ, поведая обидящим их скорое отмщение •Павелъ • И Силуанъ • И Тимофей, церкви Селунстей • О Бозе Отци нашемъ • И Господе Ісусъ Христе •Благодат вамъ и миръ, от Бога Отца нашего, и Господа Ісусъ Христа •Дяковати Богу должни есмо всегда о васъ братие, яко достойно ест • Понеже превозрастаеть вера ваша • И множится любовь единаго кажъдого вокупе •Тако иже мы сами похваляемся вами, во церквахъ Божіихъ • О терпеніи вашемъ и вере, во всехъ гонениахъ и скорбехъ яже приемлете,къ показанию праведнаго суда Божия • Дабы есте сподобилися Царствию Христову, для негоже и терпите •Яко убо праведно ест от Бога воздати оскорбляющимъ васъ, скорбь •Тако и вамъ оскорбляемым отпочиненіе с нами • Во откровеніи Господа Ісуса с небеси, со Ангелы, и силою Его •Во пламени огня дающему отмьщение не ведущимъ Бога • И не послушающимъ Евангелия Господа нашего Ісус Христа •Ониже судъ пріимуть всегибельный вечный • От лица Господьня, и от славы крепости Его •Внегда пріидеть прославитися во святыхъ Своих • И дивен быти во всех веровавших в Него •Сего для и молимся всегда за васъ • Да сподобить вы званию своему Богъ нашъ • И исполнить всяко благоволение доброты Своея • И дело веры в силе •Яко да прославиться имя Господа нашего Ісуса Христа о васъ, и вы о Немъ • По благодати Бога нашего, и Господа Ісуса Христа •

Chapter 1

Ко Тимофею 1 послание святого Павла Апостола • Еже посылаеть от Лаодікии Тихикомъ диакономъ • А имать главъ 6 •

Навчаеть Апостолъ Тимофея дабы претил христианомъ слухати басенъ, и родовъ Ветхаго Закону • И благодарить Бога призвавшего и во апостолъство со Тімофеемъ •Павелъ посланникъ Ісусъ Христовъ, по повелению Бога Спаса нашего, и Господа Ісуса Христа упования нашего •Тімофею родному чаду в вере • Благодать, милосердие, и миръ, от Бога Отца нашего • И Христа Ісуса Господа нашего •Якоже умолихъ тебе, пребыти во Ефесе, внегда идохъ во Макидонию • Да запретиши некоимъ инако не вчити •А ни послухаши басней их, и ни вычитания родовъ неискончаемых, еже стязание более чинят, нежели сооружение во вере Божией •Конець убо всемъ заповедемъ, естъ любовъ от чиста серца, и совести доброе, и веры нелицемерное •От неяже неціи поблудивше, уклонишеся во празнословие •Хотяще быти законоучителие • Не разумеюще что глаголють, или о чемъ утвержаются •Вемы убо иже добръ естъ законъ, аще кто имъ законне дееть •Ведый сее, яко праведному законъ несть наложенъ • Но несправедливымъ, и непокоривымъ • Немилостивым, и грешникомъ • Неучьтивымъ, и скверным • Отце досадителемъ, и матери досадителемъ • Убійцам,блудникомъ • Мужеложникомъ, скотоложникомъ • Илъгаремъ, кривоприсяжцемъ • Татемъ, клятвупреступникомъ • И аще ест что ино таково, иже здравому учению противляется •Еже ест по Евангелию благословенаго Бога • Емуже веренъ бых азъ •И благодать имамъ укрепльшему мя Ісусъ Христу Господу нашему • Яко верна мя суди, поставивъ во службу свою •Иже первее бывша хульника, и гонителя, и мучителя • Но помилованъ быхъ, яко неведый чиних тое во неверствіи •Преумножися же благодать Господа нашего • С верою и любовию еже во Христе Ісусе •Верно слово, и всякому ко приатию достойно • Яко Христосъ Ісусъ пріиде в миръ грешники спасти • От нихже первый есмъ азъ •Но сего ради помилованъ быхъ • Да на мне первее покажеть Ісус Христосъ всяко долготерпение ко образу хотящим веровати в Онь, в животъ вечный •Цареви же вековъ несмертелному, невидимому, единому премудрому Богу • Честь и слава, во веки аминь •Сию заповедь предаю тобе чадо Тимофею • По прежде бывших в тобе пророчствахъ • Да воюеши в них доброе воинъство •Имея веру, и добрую совесть • Еяже неціи отринувше, поблудиша в вере •От нихъ ест Іменей, и Александръ • Еже предахом сатане, да накажутся не хуліти •

Chapter 1

Ко Тимофею послание второе Павла Апостола еже посылаеть от Рима, седяй во оковахъ • А замыкает в собе главъ четыри •

Повелеваеть Апостолъ Тімофееви проповедати слово Божие, яко и онъ сам чиняше, занеж на презвитеры тое слушит •Павелъ Апостолъ Ісусъ Христовъ, волею Божиею, по обетованию жизни, иже ест во Христе Ісусе •Тімофею возълюбленному чаду • Благодать, милость, и миръ от Бога Отца, и Христа Ісуса Господа нашего •Благодарю Бога моего Емуже служу от прародитель своих, чистою совестию, яко всегда имамъ твое воспоминание в молитвахъ моих, день и нощь •Жедая видети тя • Поминая твое слезы, да радостию исполнюся,паметование приемля твоея нелицемерныя веры • Еже пребыла первее во бабе твоей Лоіде • И въ матери твоей Евникіи • Известно ми же ест, яко и в тобе пребываеть •Еяже для вины воспоминаю ти возгревати даръ Божій, иже естъ в тобе, возложениемъ руку моею •Не далъ бо естъ намъ Богъ духа страху, но силы, и любве, и целомудрия •Не постыдися убо сведетелством Господа нашего Ісуса Христа • А ни мною связнемъ Его • Но постражи со благовестованиемъ, по силе Богаспасшего насъ • И звавшего званиемъ святым • Не по деломъ нашимъ • Но по Своему прозрению, и по благодати даней намъ • О Христе Ісусе прежде лет вечныхъ •Но явльшейся ныне просвещениемъ Спасителя нашего Ісуса Христа • Разрушившего смерть и просветившего животъ, и нетление Евангелиемъ Своимъ •В немже поставленъ быхъ азъ проповедникъ, и Апостолъ, и вчитель языкомъ •Еяже вины для и сия стражу, а не стыжуся • Вемъ бо в Негоже верую, и уповаю яко силенъ ест мъзду мою сохранити, даже до дня оного •Образъ имей здравым словесемъ, еже слышалъ есь от мене в вере, и в любви яже о Христе Ісусе •Доброе предание соблюди, Духомъ Святымъ живущимъ в насъ •Веси ль сее яко отвратишеся от мене вси, иже суть во Асіи • От нихже ест Фігель, и Ермогенъ •Да дасть милость Господь Онсифорову дому, яко многажды мя упокои • И ретезей моих железных не постыдеся •Но в Римъ пришедъ, пилне возыска мя и знайде •Дай же ему Господь да знайдеть милосеръдие от Бога во день онъ • И яко многымъ послужилъ естъ во Ефесе, ты добре веси •

Chapter 3

Isolated verses only: this chapter page was not archived; the verses come from archived verse-comparison pages of the same site.

Ты же пребывай в тыхъ, в нихже научился еси • И еже уверена суть тобе, ведый от кого принялъ есь •

Chapter 4

Isolated verses only: this chapter page was not archived; the verses come from archived verse-comparison pages of the same site.

Тіхика же послалъ есми во Ефесъ •

Chapter 1

Послание святого Павла Апостола • К Титу ученику своему, еже пишет от Никополя • А имат в собе глав 3 •

Велить Апостолъ Тіту поставити попы по всемъ градомъ • И яковы имають быти епископы, и яко злыхъ имать карати •Павелъ рабъ Божій, посланникъ же Ісусъ Христовъ, по вере изъбранныхъ Божіихъ, и по познанию истинны, еже естъ по благочестию,во упованіи жизни вечныя • Юже обетова неложный Богъ, прежде летъ вечныхъ •Яви же временьми своими слово Свое • Проповеданиемъ еже предано бысть мне • По повелению Спаса нашего Бога •Тіту любимому сыну, во общей вере • Благодать, милость и миръ • От Бога Отца, и Господа Ісуса Христа, Спаса нашего •Сего ради оставих тя во Крите, да несовершеная исправиши •Аще кто естъ без вины, единой жене мужъ, чада имея верна • Необжалована блудомъ, или непокорениемъ •Подобает же епископу бес порока быти, яко Божию стоителю • Ненапрасливу, негневливу • Не пианици, не бійци, не злесобирателю •Но приветливу, добротливу • Целомудрену, праведну • Милосердну, воздержливу •Пособствующу от учения по верномъ словеси • Да силенъ будеть утешати во здравомъ навченіи, и противящихся обличати •Суть бо мнози непокориви, и празнословъци, и ума лестьци • Найболей тыи, еже суть от обрезания •Ихже подобаеть воздержати • Ониже вся домы претваряють, учащ яже не подобают, сквернаго прибытка деля •Рече некій от нихъ, власный их пророкъ: Критяне всегда лъживи, злые зверие, утробы праздны •Сведетелство сее ест истинно • Еяже ради вины обличай техъ грозне, да здрави будуть в вере,не слухающе Іудейских басен • И заповедей человеческых, отвращающих от истинны •Вся бо суть чиста чистым, оскверненым пакъ, и невернымъ ничтоже чисто • Но осквернися имъ умъ и совесть •Бога исповедують ведети, делы же Его отметаются • Мерзъци суть и непокориви, и на всяко дело добро неискусни •

Chapter 1

Павелъ связень Ісусъ Христовъ, и Тімофей братъ • Філимонови возлюбленному и споспешнику нашему •И Апіи сестре возлюбленней • И Архиппу сущему воину с нами • И домашнему твоему собранию •Благодат вам и миръ от Бога Отца нашего • И Господа Ісуса Христа •Благодарю Бога моего всегда воспомінание творяй о тобе в молитвахъ моих •Слыша твою любовь, и веру • Юже имаши къ Господу Ісусу, и ко всемъ святымъ •И да общение веры твоея содеанно будеть въ разуме всякого добра, еже о Христе Ісусе •Радость же имамъ многу, и утешение о любви твоей, зануж утробы святыхъ почіша тобою брате •Прото ачьколве имаю дерзновение о Христе повелевати тобе, еже ест достойно •Но любве для радней молю, таковъ сый яко Павелъ старець, и молитвеникъ, ныне же и узникъ Христовъ •Прошу тя о моемъ сыне, егоже породихъ во узахъ моихъ, Онисима •Онъ бо былъ ест иногда ти непотребны • Ныне же и мне и тобе велми потребенъ • Сего отпустихъ к тобе,ты же пріими его яко власную утробу мою •Хотел убо былъ азъ радъ его у себе держати, дабы вместо тебе послужилъ мне во узахъ моихъ, еже терплю для благовестования Христова •Но безъ твоея воли не изволих того учинити • Да не будеть твое доброе яко по нужди, но по воли •Могъ бо на часъ от тебе отлучитися • Да вечно его пріимеши,не к тому яко раба • Но вышей раба, и яко брата возлюбленна • Вельми мне милого, колико болей тобе, и плотию, и о Господи •Аще имаши мене обещника, пріими ж и сего яко и мене •Пак ли что будеть проступил пред тобою, или чимъ долженъ ест тобе • Сия мне вмени •Азъ убо Павелъ написахъ своею рукою, азъ и искуплуся • Да не реку тобе, яко и ты самъ собою мне еси долъженъ •Тако брате воздай ми о Господи • И потеши серце мое о Христе •Надеяся бо на послушание твое писах ти • Ведый яко и более нежели глаголю тобе учиниши •К тому зготуй ми у себе обитель • Уповаю бо яко молитвами вашими, дарован буду вамъ •Целует тя Епафрасъ сопленникъ мой о Христе Ісусе •Марко • Аристархъ • Дімасъ • Лука, споспешници мои •Благодать Господа нашего Ісуса Христа с духом вашимъ аминь •

Chapter 1

Ко Евреомъ послание святого Павла, Апостола Христова • Еже написаль естъ к нимъ евреіскимъ языком • Потом пак святый Лука евангелистъ, выложилъ е на греческий. А замыкаеть въ собе главъ 13 •

Поведаеть о превышеніи Господа нашего Ісуса Христа, Онже намъ Новый Законъ далъ, а ест ровен Богу Отцу, и вышшій всехъ Ангелъ •Различне и многообразне прежде глаголав Богъ отцемъ пророки •Напоследокъ дней сихъ, глагола намъ Сыномъ • Егоже постави наследника всемъ • Имъже и векы сотвори •Онже сый сиание славы, и образъ состава Его • Носяй всячьская гласомъ силы Своея • Собою очищеніе вчинив грехомъ нашимъ • Седе одесную величествия на высоких •Толико лучше бывъ Ангелъ, елико различнее от нихъ наследовалъ ест имя •Кому бо рече когда от Ангелъ: Сынъ Мой еси Ты, Азъ днесъ родих Тя? И паки: Азъ буду Ему во Отца, и Той будеть Мне в Сына?Егда же уводить Первенца во вселенъную, опять глаголеть: да поклонятся Ему вси Анъгели Божіи •А ко Ангеломъ рече: творя Ангелы Своя духи, и слугы Своя огнь палящъ •Ко Сынови же рече: престолъ Твой Боже во веки вековъ, жезлъ правости жезлъ Царствия Твоего •Возлюбилъ еси правду, и возненавиделъ безаконие • Сего ради помаза Тя Боже, Богъ Твой елеомъ радости паче причасник Твоих •И: Ты в начатцехъ Господи землю основал, и дела руку Твоею суть небеса,та погыбнуть, Ты же пребываеши • И вся яко риза обетшають,и яко одежду свиеши я, и изменятся • Ты жъ тойжде еси, и лета Твоя не оскудеють •Къ кому пакъ от Ангелъ рекъ когда: седи одесную Мене • Дондеже положу врагы Твоя подъножие ногама Твоима?Не въси ли суть служения дуси, шлемыи во служение для хотящихъ наследовати спасение?

Chapter 2

Isolated verses only: this chapter page was not archived; the verses come from archived verse-comparison pages of the same site.

И паки: Азъ буду надеяся Нань • И опять: се Азъ и дети яже Ми далъ Богъ •

Chapter 12

Навчаеть Апостолъ да терпение во скорбех имамы, и от грехов ся выстерегаймы • И о высокости Новаго Закону над Старый •Темже убо и мы толикъ имуще облежащъ насъ облакъ сведетелей • Гордость всякую отложивъше, и удобь обретаемый грехъ • Терпениемъ течемъ, на предлежащій намъ подъвигъ •Возирающе на Началника вере, и Совершителя Ісуса • Онже вместо предлежащее Собе радости, претерпе распятие • И о студе не брегъ, седе одесную престола Божия •Помышляйте убо иже Сей таковое претерпе от грешникъ • И в собе прекословия не делайте душами вашими ослабяюще •Не вже бо противистеся греху, до кръве подвизающеся •И забысте утешения еже к вамъ, яко ко сыном глаголеть: сыну мой не заметай наказания Господьня, ниж ослабевай обличаемъ от Него •Егоже бо любить Господь наказуеть, биет же всякого сына егож приемлеть •Аще наказание терпите, яко сыномъ вамъ покажется Бог • Который убо естъ сынъ, егожъ не наказуеть отець?Такожъ и вы несте ли в наказаніи, егоже вси сынове причасници суть • Тогда любодейчата есте, а не сынове •Аще убо еже по плоти отца имехом, наказующа насъ доброму, и послушахом их • Не многым ли болей поддадимъ ся Отцу духомъ, и живи будемъ?Оніи бо во мало дней, яко любо имъ бе такъ научаху нас • Сей же ко лепшему нашему учить, да причастни будемъ светыни Его •Всякое бо карание, в настоящее время • Не мнится радость быти, но печаль • Последы же воздаеть плодъ мирен правды, тым ониже искушени будуть в нем •Протож ленивыя рукы, и ослабленыя колена воздвигните •И стезя правы чините ногам вашим, да не храмлюще заблудите от путя правды, но более да исцелеете •Миръ имейте со всеми, и чистоту сердечную • Без нея бо никтоже узрит Господа •Смотряще да никтож лишается от благодати Божия • А ни корень горести къ горе ростяй пакость чинить, таковым бо оскверняются мнози •И да не пребудеть в васъ блудникъ, а ни объжарца • Яко Ісавъ, онже за едину ядь прода первороженство свое •Весте бо яко и потом хотяй наследовати благославение • Отвержен бысть, покаянию бо места не обрете, ачей исъ плачемъ възыскалъ его •Понеже не пріидосте къ горе неприступной, зазъженой огнемъ • И къ вихру, и къ мраку, и бури,и трубному звуку, и гласу глаголемому, егоже услышавше, отрекошеся да не приложить к нимъ слова,не терпяху бо глаголющего: но аще и скотина доткнется горы сее, камениемъ побиена будеть •И тако страшно бе видимое • Моисей убо самъ рече: престрашенъ есмъ, и трепетенъ •Но приидосте къ горе Сиону, и граду Бога жива, Иерусалиму небесному, и ко тмам Анъгел святыхъ •И ко церкви первороженныхъ, написаных на небесехъ • И къ Богу Судіи всех людей • И къ духом праведныхъ и совершеныхъ •И ко завета новаго Ходатаю Ісусу • И к Крови кропления лепей глаголющей, нежели Авелове •Блюдите жъ да не отрецаетеся Господа глаголющего • Аще бо они не вбегоша помсты, еже отрецевахуся на земли бывающего • Многымъ болей мы естъ ли же отрецаемся небеснаго •Егоже гласъ тогда землю поколеба, но и ныне возвещая глаголеть: еще единова Азъ поколеблю не толико землю, но и небо •А иже еще единова рече, сказуеть колебленымъ вещемъ пременение • Якож то от Него сотворенымъ • Да пребудут в целости, яже суть непоколебими •Темже Царство непоколебимое приемлющи, имамы благодат еяже ради служмо добре угожающе Богові со стыдениемъ, и благоговениемъ •Ибо Богъ нашъ огнь попаляй ест •

Chapter 13

Isolated verses only: this chapter page was not archived; the verses come from archived verse-comparison pages of the same site.

Имамы жертовникъ, от негоже не имуть области ясти, сени телесной служащие •

Chapter 1

КНИГИ ДЕАНИЯ СВЕТЫХЪ АПОСТОЛЪ, ЕЖЕ ПОПИСАЛЪ СВЕТЫЙ ЛУКА, ВВАНЪГЕЛИСТЪ ГОСПОДЕНЬ, КО ФЕОФІЛУ, К НЕМУЖЕ ПЕРЪВЕЕ И ХРИСТОВО ЕВАНГЕЛИЕ ПИСАЛЪ.

А замыкають в собе глав 28, зачаловъ же 51.

Повелеваеть Христосъ апостоломъ не отхожати от Ерусалима. О воступленіи на небеса Господьнем, о собраніи единнадесяти апостолъ и о выбраніи Матфея на место Июдино.(Зачало 1) Пръвое убо слово сотворих о всех, о Феофіле, о нихъже начат Ісусъ творити же и вчити,до негоже дне заповеда апостоломъ Духом Светым, ихъже изъбра, вознесеся.Пред німи ж и постави себе жива по страданіи своемъ, во мнозехъ истинных знамениих деньми четырдесятми являяся имъ и глаголя о Царствии Божіии с ними ядый. Повелеваше имъ от Ерусалима не отлучатися, но ждати обетования от Него: «Еже слышасте от мене,яко Иоаннъ убо крестилъ ест водою, вы же имате креститися Духом Светым не по мнозехъ сих днехъ».Они же убо, сошедшеся, вопрашаху Его, глаголюще: «Господи, аще в лето се устраяеши царство Ізраилево?»Рече к нимъ: «Несть ваше разумети времена и лета, яже Отець положи во области своей,но пріимете силу, нашедшу Светому Духу на вы, и будете Ми сведетели во Ерусалиме же и во всей Іудеи и Самаріи даже и до последнихъ земли».И сия рекъ зрящимъ имъ, възят ся и облакъ подъятъ Его от очию их^a.И яко возирающе бяху на небо идущу Ему, и се, мужа два стаста пред ними во одежи беле,яже и рекоста: «Мужие Галилейстіи! Что стоите, зряще на небо? Сей Ісусъ, вознесыйся от васъ на небо, такожде приидеть, имъже образом видесте Его идуща на небо».(Зачало 2) Тогда возъвратишеся во Ерусалим от горы, нарицаемыя Елионъ, яже ест близ Ерусалима, суботен имущи путь^b.И егда внидоша, возыйдоша на горницу, идеже бяху пребывающе Петръ и Іаковъ, Андрей, Філиппъ и Фома, Варфоломей и Матфей, Яковъ Алфеевъ, и Симонъ Зілотъ, и Іуда Яковлевъ.Сие вси беху единодушно тръпяще молитвою и молениемъ со женами и съ Мариею, Матерью Ісусовою, и съ братиею Его.Во дни тые воставъ Петръ посреди ученикъ, рече(бе же народъ имены вкупе яко сто и двадесеть): «Мужи, братия! Подобаше сконъчатися писанию сему, еже предрече Духъ Светый усты Давыдовы о Іуде, бывъшемъ вожди, емъшимъ Ісуса,яко причтен былъ с нами и дошелъ бе ему рядъ службы сея.И сей убо стежа поле от мьзды неправедныя, и повесивъся, розсядеся посредъ, излияся вся утроба его.А разумно бысть всем живущим во Ерусалиме, яко нарещися полю тому их языкомъ Акелдама, еже ест “поле крови”^c.Писано бо естъ во книгахъ Псаломских: “Да будеть дворъ его пустъ и да не будеть живяй в немъ”^d и епископство его пріимет инъ.Подобаеть убо живущимъ с нами мужемъ по вся времена, в неже въниде и изыде в насъ Господь Ісусъ,наченши от крещения Іоаннова, до негож дне вознесеся на небо от насъ, сведетелю восъкресению Его быти с нами единому от сих».И поставиша два, Іосифа, нарицаемаго Вар саву, онже называшеся Праведный, и Матфея.И помолившися, рекоша: «Ты, Господи, серцевидче всехъ, яви, егоже изъбра от сею обою единогоприяти причет служения сего и апостолства, з негоже испаде Іуда, ити во место свое».И даша жребие има, и паде жребій на Матфею, и причтен быс ко единомунадесят апостолу.

1. a (1:9) Лукі, 24[:51].
2. b (1:12) Ad marginem: Верста 1.
3. c (1:19) Мацвея, 27[:7-8].
4. d (1:20) Псалом 68[:26], 108[:8-15]

Chapter 4

Isolated verses only: this chapter page was not archived; the verses come from archived verse-comparison pages of the same site.

Сей естъ камень, укореный от васъ, зижущих, бывый во главу углу^a. И несть о ином ни о единомъ спасения,

Chapter 6

Isolated verses only: this chapter page was not archived; the verses come from archived verse-comparison pages of the same site.

И слово Божие растяше, и множашеся число ученикъ во Ерусалиме велми. Многъ теже народъ свещенник послухаша веры.

Chapter 7

Isolated verses only: this chapter page was not archived; the verses come from archived verse-comparison pages of the same site.

Глагола к нему сице Богъ, яко будеть семя его пришелци в земли чуждей, и поработають ими, и озлобять е летъ четыреста.

Chapter 9

Isolated verses only: this chapter page was not archived; the verses come from archived verse-comparison pages of the same site.

(Зача[ло] 23) І бысть, внегда Петръ прейде, посещая всехъ, сниде ко светымъ, живущим въ Лидде.

Chapter 13

Isolated verses only: this chapter page was not archived; the verses come from archived verse-comparison pages of the same site.

рече: «О исполнене всякия ильсти и всякия зло сти, сыне диаволовъ, враже всякия правды! Не престаеши развращати путіи Господьня правыя.

Chapter 16

Isolated verses only: this chapter page was not archived; the verses come from archived verse-comparison pages of the same site.

И видение в нощи явися Павлу, якобы неякій мужъ Макидонянинъ стоялъ и моли[л] его, глаголя: «Пришедъ во Макидонию, помози намъ».

Chapter 19

Isolated verses only: this chapter page was not archived; the verses come from archived verse-comparison pages of the same site.

Внегда же книжникъ укротил народъ, рече: «Мужие Ефестіи! и кто ест человекъ той, онже бы не ведалъ, иже градъ Ефескій чьтить великую Артемиду Діова роду?

Chapter 20

Isolated verses only: this chapter page was not archived; the verses come from archived verse-comparison pages of the same site.

От Милита пакъ послалъ во Ефесъ призвати старейшины церковныя,Того для бдите, поминающе, яко за три лета нощъ и день не престаахъ, уча со слезами единого каждого з васъ.

Chapter 27

Isolated verses only: this chapter page was not archived; the verses come from archived verse-comparison pages of the same site.

тогда въшедше в корабль Адрамитскій, восхотевше плыти во места асійская, отпустихомся сущу с нами Аристаръху, Макидонянину от Селуня.Ныне же упоминаю васъ, будте доброе мысли, понеже не будеть гыбели ни единои души от вас, разве корабля^d.