L0 · Four Books of Kings · Четыре книги Царств — Skaryna full text

Chapter 1

ПОЧИНАЕТЬСЯ ПЕРЪВАЯ ЧАСТЬ КНИГЪ САМУИЛА-ПРОРОКА, зовемыхъ от Евреи Самуилъ, по-рускии же нарецаются Первые книги Царствъ. А имають в собе главъ 31.

О Гелькане, онже имеаше две жене, едину именем Анну: сия бе неплодна и молися Господу, и дал ей сына, Самуила, егоже млада дали суть до храму Божия.^a Человекъ бе единъ от места Рамафаима Зофийска, от горы Ефремли, имя ему Гелькана, сынъ Еровоамль, сына Гелиина, сына Фауня, сына Зуфова, Ефратеанинъ,и сей имеаше две жене: имя единой Анна, а второй — Фененна; и беша Фененне дети, Анне же не бе отрочате.И ходилъ естъ той человекъ Гелкана из града своего во урченыи дни поклонятися и приносити жертвы Господу, Богу Саваофу,^b въ Силомъ; и были суть ту Гелиины два сыны, Офний и Финиесъ, жерци Господьни.И прииде день, и принесе жертву Гелкана, и далъ естъ Фененне и всемъ сыномъ ея и дщерамъ ея части;Анне же далъ часть едину, скорбенъ сый, занеже Анну любляше Гелкана более Фененны, Господь же затвори ложесна ея и не далъ ей чада.И оскорбляше ю ненависница^c ея, и великие ей прикоры чиняше, и срамотяше ю, глаголюще: «Се, Господь затворилъ естъ утробу твою и неплодна есь».И тако чиняше ей по вся лета, внегда входяху до храму Божия, смутящи ю; Анна же плакаше и не ядяше.Тогда рече к ней Гелкана, мужъ ея: «Анно, чему плачешь и прочто не яси? И чему смутиши серце свое? Еда ли азъ не лепший есмъ тобе, нежели десеть сыновъ?»И въста Анна по ядении и по питии, еже чиняху в Силоме, и ста предъ Господемъ. Гелий же, жрець, седяше на кресле своемъ при дверяхъ храму Божия.И помолися Анна Господу Богу в горкости серца своего с плачемъ великимъ,и слюбъ учинила предъ Господемъ, глаголющи: «Господи, Боже силъ! Аще призряй и возриши на смирение рабы Своея, и воспомянеши мя, и даси рабе Своей семя мужеско, дамъ и в даръ Тобе, Господи, Боже мой,^d по вся дни живота его, и бритва не взыйдеть на главу его».И бысть, внегда она умножала молитвы предъ Господемь Богом, Гелий-жрець гледяше на уста еяАнна же воистинну моляшеся в серци своем, толико уста ея двизахуся и гласа никтоже слышаху. И творяше ю Гелий пияну быти,и рече к ней: «Доколе пияна будеши? Иди и выспися первей, и от[ъ]ими вино твое от тебе, имже упилася есь».Отвеща к нему Анна и рече: «Ни, господине мой; жена воистинну нещасливая есмъ азъ, вина и пития пияного не пихъ, но излиахъ душу свою предъ лицемъ Господьнимъ.Не мни жъ быти мене, рабы твоея, яко едину от дщерей Велиаловыхъ^e, понеже во множестве уныния и въ горкости души моея молихся даже и до днесь».Тогда рече к ней Гелий: «Иди с миром^f, Богъ Ізраилев дай жъ тобе прошение твое, чего же просила еси от Него».И рече она: «О да обрящет раба твоя благодат предъ очима твоима!» И иде Анна путемъ своимъ, и вниде въ обитель, и яде и пие с мужемъ своимъ, и лице ея не изменися к тому.Тогда, въставши рано, помолившеся Господу Богу, навратилися суть до дому своего, въ Рамафаим-градъ. И позна Гелкана жену свою Анну, и воспомянулъ естъ на нея Господь Бог, и зача.И бысть по времени дней, и роди Анна сына, и нарече ему имя Самуилъ, прото иже от Господа Бога выпроси его.И иде Гелкана и весь домъ его принести жертву славную и наполнити молитвы своя въ Силомъ.Анна же не иде с нимъ, и рече мужу своему: «Не пойду, дондеже откормлю отроча и поведу его с собою, да явится лицу Господьню и пребудеть тамъ всегда».Тогда рече к ней Гелкана, мужъ ея: «Уделай, якоже добро ся мнить быти пред очима твоима, и остани дома, дондеже откормиши и. И помолися Господу, да исполнить слово Свое». И остала естъ жена дома, и кормила отроча, даже и откормила его.И егда оставила его, вела и с собою до храму Божия въ Силом со треми тельци, и съ треми мерами муки пшеничное, и з збаномъ вина.И привела его до храму Божия въ Силомъ; отрокъ же Самуилъ еще былъ младъ велми.И принесе Гелкана жертву Господу — тельца единого, и привели отроча, и дали и Гелии-жерцу.И рече Анна: «Молю ти ся, господине мой, жива ест душа твоя! Се азъ есми жена тая, иже стоях пред тобою, молячися Господу, абы ми дал сына сего.Помолихся Ему, и дал ми ест Господь прошение мое, егоже просих у Него;протожъ и азъ даю и Господу по вся дни его, абы служил Ему». И поклонишеся тамо Господеви.

1. a (1:1) 1 Параліпаменан, 6[:34-35].
2. b (1:3) Аd marginem: силам.
3. c (1:6) Аd marginem: Фененна.
4. d (1:11) Выхад, 13[:2].
5. e (1:16) Аd marginem: безаконныхъ.
6. f (1:17) Аd marginem: Ниже, 20[:42].

Chapter 4

О войне Филистымлянъ, ониже поразиша Ізраиля и Кивотъ Завета Господьня узяша. О убитии сынов Гелииных и о смерти Гелиине, о смерти невестки его, жены Финиисовы, и о нарожении Іхавофа.По словеси Господьню бысть слово Самуилово всему Ізраилю.^a И бысть во днехъ тыхъ, собрашеся Филистымляне на брань, и сынове Ізраилевы вышли суть противу Филистымляномъ къ бою и ополъчишеся на месте, игдеже бе Камень Помощи. Филистымляне же приидоша на место Афетъи устрояху ту полки на сыны Ізраилевы, и внегда почали ся бити, побежа Ізраиль предъ Филистымляны. И збито естъ мужовъ в той битве на розно, ту и вонде по полю, яко четыри тысещи.И навратишеся людие до становъ своих, и рекоша старци Ізраилевы: «Прочто поразилъ насъ днесь Господь предъ Филистымляны? Принесмо к собе Кивот Завета Господьня от Силома, да приидет посреди насъ и спасеть насъ от руку враговъ наших».Тогда послаша людие в Силомъ и взяша оттуду Кивотъ Завета Господа силамъ, седящего на херувиме. И беста оба сына Гелиина съ Кивотомъ Завета Господьня, Ефни и Финиисъ.Внегда же принесенъ ест Кивотъ Завета Господьня до войска, возопиша вси сынове Ізраилеви гласом велиимъ, и возшуме земля.И услышаша Филистымляне крикъ той, и реша: «Что се крикъ великий стался естъ въ полцехъ Еврейскыхъ?» И познаша, яко Кивотъ Господень принесоша до войска.И убояшеся Филистымляне, глаголюще: «Богъ пришолъ ест въ полки их». И ламали собе руце, вопиюще: «Горе намъ! понеже не было таково веселие въ полцехъ вчера, ани предъ вчерашнимъ.Горе нам! кто насъ избавить з руку богъ превышнихъ техъ? Сии суть бози, иже погубиша Египетъ язвами многыми въ пустыни.Укрепитеся и будьте мужни, Филистымляне, да не поработаем Евреомъ, яко они поработали суть намъ; мужайтеся и воюйте».И бишеся Филистымляне, и поразиша людей Ізраилевыхъ, и бежа кождый на село свое. И бысть побитие велие зело, тако, иже паде от людей Ізраилевыхъ тридесеть тысещей пеших,и Кивотъ Божий взятъ естъ, два сына Гелиины убиты суть, Ефний і Финиисъ.Тогда мужъ единъ от племеня Вениаминова, онже убежаше з бою, прибегъ въ Силомъ въ той день, растерзавъ на собе ризы, и прахомъ посыпалъ главу свою.^bИ внегда онъ прииде, се, Гелий седяше на кресле прямо пути, ожидая, бе бо сердце его во ужасе велиемъ о Кивоте Божиемъ. Той же мужъ внегда вшолъ во градъ, возвести вся бывшая, и возпи весь градъ.Услышавъ же Гелий крикъ и рече: «Який сее естъ гласъ крику сего?» Тогда посолъ той прибегъ и возвести Гелии;а был Гелий деветьдесятъ и осмъ летъ, и очи его были пошли, и не можаше зрети.^cИ рече къ Гелии: «Азъ есмъ днесь убежавый з бою и азъ есмъ пришедый днесь от полка». Ему же рече Гелий: «Яко ся стало, сыну мой?»Отвеща ему посолъ и рече: «Бежаша мужи Ізраилевы предъ Филистымляны, и людей много избито, и сынове твои оба убиты суть^d, Ефний и Финеисъ, и Кивотъ Божий взятъ естъ».И бысть, яко помянулъ онъ о Кивоте Божием, спаде Гелий съ кресла възнакъ ко дверемъ, и зломивъ шию, умре, старъ убо бе мужъ и долговеченъ. І той судилъ людей Ізраилевыхъ четыредесятъ летъ.Невестка же его, жена Финеисова, бременна была и близу породу; услышавши, яко взятъ бысть Кивотъ Божий и умре свекоръ ея и мужъ ея, склонилася и породила, понеже нападоша на ню нагле болезни ея.И во время то, внегда умирала, рекоша к ней предъстоящие жены:^e «Не бойся, яко сына родила еси». И не отвеща им, и не поразуме тому,и прозва отроча Іхавоф, глаголюще: «Пренесена ест слава Господьня от Ізраиля», понеже взят ест Кивот Божий.И о свекру и о мужи своем рече: «Пренесеся слава Господьня от Ізраиля, яко взят ест Кивот Божій».

1. a (4:1) У ЦСБ гэты верш з’яўляецца пачаткам наступнай, 4-й главы, у Вульгаце — завяршэннем папярэдняй.
2. b (4:12) 2 Царстваў, 1[:2].
3. c (4:15) Ad marginem: Выше, 3[:2].
4. d (4:17) Ad marginem: Выше, 2[:34].
5. e (4:20) Быцця, 35[:17].

Chapter 14

Isolated verses only: this chapter page was not archived; the verses come from archived verse-comparison pages of the same site.

Саулъ же лежаше с людми своими на конци Гаваа-града подъ яблонью зернатою, еже была на поли Гаваа, и было естъ людей с нимъ якобы шестьсотъ мужей.

Chapter 1

ПОЧИНАЕТЬСЯ ВТОРАЯ ЧАСТЬ КНИГЪ, САМУИЛА-ПРОРОКА рекомая от евреи, по-рускии же называются Вторыи книги Царствъ. А имають в собе главъ 24.

О убитии мужа того, онже возвести Давыду смерть Саулову. О плакании Давыдове по Сауле и по Енафе, сыну его, и по всехъ сынех Ізраилевых.І бысть, внегда умерлъ естъ царь Саул,^a Давыдъ же в то время, поразивъши Амалехитянъ, пребываше во граде Сицелеху два дни.Въ третий пакъ день прииде мужъ з войска Саулова, растерзавый ризы своя и посыпавый прахом главу свою.^b И внегда вниде къ Давыду, паде на лице свое, кланяючися ему.И рече к нему Давыдъ: «Отколе идеши?» Он же рече: «З войска Ізраильскаго убежалъ есмъ».То паки рече к нему Давыдъ: «Яко ся стало тамъ, споведай ми». Он же отвеща и рече: «Побежаша люди Ізраилевы з бою, и мнози з нихъ падоша и умроша, но и Саулъ, и Енафа, сынъ его, убиты суть».И рече Давыдъ къ человеку тому, онже поведал ему новину сию: «Како веси тое, иже убитъ ест Саулъ и Енафа, сынъ его?»Отвеща к нему отрокъ той: «Утекаючи, и приидохъ на гору Ельвое, и се, Саулъ наляжаше на оружии своем; возы же и ездци приближахуся к нему.И озревшися за собою, увиделъ мя и возвал мя,емуже рекохъ: “Се азъ”. И глагола ко мне: “Кто еси ты?” Отвещахъ к нему: “Аз есмъ мужъ Амалехитянин”.Тогда ми рече: “Приступи ко мне и добий мя, понеже скорби одержат мя и еще вся душа моя во мне ест”.И я, стоя над нимъ, добих его, видехъ бо, яко не будеть живъ, тако велми зранен сый. И взяхъ венець царский, иже бе на главе его, и запону съ рамени его, и принесохъ е к тобе, господину моему».Взявъ же Давыдъ ризы своя, раздра е на собе, и вси мужи, иже беша с нимъ;^cи плакашеся, и рыдашася, и постишеся до вечера, жалуючи Саула и Енафы, сына его, и людей Господьних, и дому Ізраилева, яко побиены быша оружиемъ.Рече же Давыдъ ко отроку, возвестившему ему новину сию: «Откуду еси ты?» Онъ же отвеща к нему и рече: «Сынъ человека Амалехитянина, пришельца, есмъ азъ».И рече к нему Давыдъ: «Како не боялся еси воздвигнути руки своея и убити помазанника Божия?»Тогда позвалъ Давыдъ единаго от слугъ своихъ и рече ему: «Приступи к нему и убий и».И уби его, и умре; и рече Давыдъ: «Кровь твоя да будеть на главу твою, уста бо твоя поведили суть на тя, глаголюще: “Азъ убихъ помазанника Господьня”».И плакалъ^d ест Давыдъ Саула и Енафы, сына его,и повелел сыном Іюдинымъ учитися стрельбе, яко же писано естъ во «Книгахъ справедливыхъ». И рече Давыдъ:«Знаменай, Ізраилю, и погледи на горы, яко славнии твои и сильнии ранены суть и побиты на горахъ! И како падоша крепции въ бои?Не поведайте сего въ Еффе и ни на путехъ Аскалонских, да не возрадуются о том дщеры Филистымъския и да не возвеселятся тому дочки необрезанныхъ.Горы Ельвое! ани роса, ани дождь да не исходить на васъ, и да не будуть на васъ поля первыхъ плодовъ, понеже ту пали суть щитове силныхъ. Щитъ Сауловъ якобы не былъ помазанъ елеомъ,поскверненъ ест от крови убитыхъ и от туку силныхъ.^e Стрела Енафова никогда не возвратилася воспять, мечь Сауловъ николи жъ не естъ дармо извлеченъ.Саулъ и Енафа, милы и красни в животе своем, и при смерти не суть розделены; были суть скорейшии, нежели орли, и сильнейшии, нежели львы.Дщеры Ізраилевы! плачте Саула, онъ убо облачаше вас в ризы червцевые, и чиняше на васъ пиры, и давалъ запоны златыи на окрашение ваше.Яко падоша сильнии в бои, Енафа на горахъ твоихъ убитъ естъ?Жаль ми тебе, брате мой Енафо, хороший вельми и милый паче всехъ женъ; яко матка любить сына своего единаго, тако и я возлюбихъ тебе.Яко поражени суть силныи и вдатныи и погибе зброя ихъ, къ бою приправленая?»

1. a (1:1) 1 Параліпаменан, 10.
2. b (1:2) 1 Царстваў, 4[:12].
3. c (1:11) Ad marginem: Ниже, 13[:31].
4. d (1:17) Быцця, 50[:1]; Міхея, 1[:8].
5. e (1:22) Ераміі, 50.

Chapter 3

Сынове Давыдовы, нароженыи въ Хевроне, воспоминаются, и яко Авенеръ разгневался на Есвозефа и обратися къ Давыду. Іоавъ же льстиве проболъ его, мстя брата своего, и Давыдъ плакася по нем.А была естъ брань за долгый часъ межи домомъ Сауловымъ и домом Давыдовым. Давыдови же идяше к горе и всегда крепъляшеся, Сауловъ же домъ идяше низу день от дня.И зродишеся Давыду сыновъ шесть въ Хевроне.^a И былъ естъ сынъ первороженный Давыдовъ, именемъ Аммонъ, от Ахиномы Езъраильтянины,по немъ же — Хелеавъ от Авигаилы, жены Наваля Кармелскаго; третий сынъ был Авесолонъ от Маахи, дщеры Толомая, царя Есурска;четвертый былъ Адония, сынъ Аггифы, пятый — Сафацеасъ, сынъ Авитаилинь,шестый — Етранъ от Ельгы, жены Давыдовы. Сии сынове Давыдови зродишеся въ граде Хевроне.Того пакъ часу, внегда былъ естъ бой межи домомъ Давыдовым и домом Сауловым, Авенеръ, сынъ Нировъ, справовалъ естъ людей Сауловыхъ.И была ест у Саула меншица, именемъ Ресфа, дщера Ахайова, с неюже пребываше Авенеръ. Тогда рече Езвозеф къ Авенерови: «Почто пребываеши съ менъшицею отца моего?»Он же разгневался естъ вельми на Езвозефа для словъ тыхъ и рече: «Еда ли я есмъ песья глава противу колену Іюдину днесь? Азъ учиних милосеръдие над домом Сауловым, отца твоего, и над братиею твоею, и надъ ближними твоими и не дахъ тебе в руце Давыдовы; ты же пакъ знашол вину на мя, абы каралъ мя днесь о жену.Сия да учи[ни]ть Господь Авенерови и сия да приложить ему, естъли же не уделаю тако. Якоже слюбилъ ест Господь Давыдови, тако и учиню с нимъ:да пренесется царство от дому Саулова и да вознесется престолъ Давыдовъ надъ Ізраилем и надъ Іюдою, от Дана даже и до Вирсавии».И не можаше отвещати ему ничтоже, яко боялся ест его.И посла Авенеръ послы къ Давыду въ Хевронъ, о немъ глаголюще: «Не твоя ли естъ земля? Прото учини со мною приязнь, и будеть рука моя с тобою, и привращу всего Ізраиля к тобе».Отвеща же ему Давыдъ: «Радъ я учиню с тобою приязнь, но единое речи жадаю от тебе: не увидишъ лица моего, не приведеши ли ми первей Михоли, дщеры Сауловы, и тако с нею пришедъ, узриши мя».Тогда послалъ Давыдъ послы ко Езвозефови, сыну Саулову, глаголя: «Веръни ми жену мою, Михолю, иже бехъ собе слюбилъ стом обрезъковъ Филистымъских».^bИ послал естъ Езвозеф по Михолю, и взялъ ю мужу ея, Фальтиеви, сыну Лаисову.И шолъ естъ за нею мужъ ея, плача, даже до Ваурима; и рече к нему Авенеръ: «Иди и навратися домовъ». И навратился ест.И почалъ молъвити Авенеръ къ старейшинамъ Ізраилевымъ, глаголя: «Вчера и предъ вчерашнимъ^c днемъ искасте Давыда, абы царствовал над вами.Протожъ се ныне учините то, понеже Господь молвилъ естъ къ Давыдови, глаголя: “Рукою раба Моего Давыда избавлю людей моихъ, Ізраиля, от руку Филистымских и от всехъ враговъ ихъ”».Молвилъ есть теже Авенеръ сия жь слова поколенью Веньаминову; и иде, абы глаголал о том съ Давыдомъ въ Хевроне и поведилъ ему вси слова, еже любилися всему Ізраилю и всему поколенью Вениаминову.И внегда пришолъ естъ Авенеръ съ двадцети мужми къ Давыду въ Хеврон, учинил естъ Давыдъ на них пиръ.И рече Авенеръ къ Давыду: «Въстану, и пойду, и съберу к тобе, господину моему, царю всего Ізраиля, и учиню с тобою заветъ, и будешъ царствовати всемъ, якоже жадаеть душа твоя». Тогда Давыдъ, выслухавши Авенера, выпустилъ его почтиве, и от[ъ]иде с миромъ от него.И скоро по томъ пришли суть слузи Давыдовы и Іоавъ, поразивши користовники з великою користию вельми; Авенеръ пакъ вже не былъ естъ съ Давыдомъ в Хевроне, яко отпустил былъ его от себе с миром и иде в путь свой.Іоавъ же и мужи его пришли были потом. Тогда возвестиша Іоавови, иже былъ ест Авенеръ, сынъ Нировъ, у царя Давыда, и пустил его от себе, и от[ъ]иде с миром.И внииде Іоавъ къ царю и рече: «Что еси то уделалъ? Се Авенеръ пришелъ естъ к тобе, и ты отпустил его с миромъ.Не знаеши ты Авенера, сына Нирова, яко для того приходилъ естъ к тобе, абы тебе подвел, и абы зведал входъ твой и исходъ твой, и абы поразумелъ вся, яже ты чиниши».И вышедши тогда Іоавъ от Давыда, послалъ скоро послы по Авенера, и приведе его въспять от кладезя Сирска; Давыдъ же не ведяше о томъ.И внегда навратился естъ Авенеръ^d въ Хевронъ, ведеся с нимъ Іоавъ единъ-самъ до средины вратъ, абы молвилъ ту к нему лестию, и прободе и на томъ месте у чресла, и уби на отомщение крови брата своего Азаеля.Сия егда слышалъ ест Давыд, ано ся уже было зле стало, рече: «Чистъ есм я и царство мое пред Господемъ Богомъ во веки от крови^e Авенера сего, сына Нирова.Но да снидеть кровь сия на главу Іоавову и на весь домъ отца его, да будет всегда в роде Іоавове мужъ, терпяй точение семени, и прокаженный, и подпираяся посохом, и падающий от меча, и требующий хлеба».И тако Іоавъ и Авизай, братъ его, убили Авенера, прото иже имъ убилъ былъ Азаеля, брата ихъ, въ Гаваоне въ бои.Тогда рече Давыдъ Іоаву и всемъ мужемъ, иже быша с нимъ: «Расторгните ризы ваша, и облецитеся во вретища, и плачтеся первей, нежели будеть погребенъ Авенеръ». Давыдъ же самъ идяше за марами.И внегда погребоша Авенера въ Хевроне, возъдвиже царь Давыдъ гласъ свой и плакася надъ гробомъ Авенеровымъ; и людие вси плакали суть по немъ.Плача же и ридая царь Авенера, рече: «Не умерлъ еси тако, Авенере мой, якоже умирают несмелыи,руце бо твои не суть связаны и нозе твои не суть окованы, но яко падають предъ мужми льстивыми, тако палъ еси». И вкупе плакашеся и ридашеся вси людие съ Давыдомъ надъ нимъ.И егда навратися все множество ясти хлеба съ Давыдомъ, еще же было дня много до вечера; и клялся естъ Давыдъ, глаголя: «Сия ми да учинить Богъ и сия да приложит над то, естъли же укушу хлеба предъ заходомъ солнца или чего иного».И слышаша сее вси людие, и полюбися имъ все, еже чинилъ ест царь предо всеми ими.И познаша вси людие Ізраилевы в той день, иже не бысть от царя убийство Авенерово, сына Нирова.Тогда рече царь къ слугамъ своимъ: «Не весте ли того, яко властелин великий паде днесь в людехъ Ізраилевых?Азъ же еще есмъ роскошный и младопомазанный цар, сии же сынове Сарвиины тяжци суть мне. И да воздасть Господь Богъ чинящему злое по деломъ его!»

1. a (3:2) 1 Параліпаменан, 3[:1-4].
2. b (3:14) 1 Царстваў, 18[:27].
3. c (3:17) Erratum: врерашнимъ.
4. d (3:27) 3 Царстваў, 2[:5, 32].
5. e (3:28) Данііла, 13[:46]; Дзеі Апосталаў, 20[:26] (зачын 44).

Chapter 11

Isolated verses only: this chapter page was not archived; the verses come from archived verse-comparison pages of the same site.

И внегда сия быша, пригодилося естъ единого дня, иже въстал Давыдъ с ложа своего, на немже спаше ополудни, и прохожевашеся по полате дому царского, и узрел жену противу полаты, а она умыветь собе нозе на сеняхъ своих; и была естъ жена красна вельми.

Chapter 16

Isolated verses only: this chapter page was not archived; the verses come from archived verse-comparison pages of the same site.

И шолъ естъ Давыдъ, и мужи его с нимъ, путемъ. Семей же идяше по верху горы, противу имъ злореча, и камение меча, и персть сыпая на Давыда.

Chapter 21

Гладъ былъ три лета на земли во днехъ Давыдовыхъ для дому Саулова. О седми мужехъ, з роду его распятых. О Ресфе, меншици Саулове, о погребении костей его и о войнах четырех Давыдовыхъ.И бысть гладъ на земли во днехъ Давыдовых три лета без престани. И възыскалъ ест Давыдъ молитвою лица Господьня. Отвеща же к нему Господь: «Для Саула сее естъ и для крови пролития дому его, понеже пролил естъ кровъ и погубилъ Гаваонитян».Тогда позвал ест царь Гаваонитян и глагола к нимъ. Гаваонитяне же не были суть з роду сынов Ізраилевых, но останци от племеня Аморейска; сынове же Ізраилевы были присягали имъ, яко не выкоренити их,^a Саул же хотел е выгубити, якобы мстяся людей Ізраилевых а Іюдиных.И молвилъ ест къ Гаваонитяном Давыдъ, глаголя: «Что учиню вамъ? И яково имать быти очищение за кривду тую, еже ся вам стала, да благославите достояние Господьне?»Отвещаша к нему Гаваонитяне: «Несть намъ сее пытание ни о злато ани о сребро, но о Сауле и о доме его; и ниж хотимъ того, абы кто убитъ был от людей Ізраилевыхъ». Имъ же рече царь: «И что жъ пакъ хощете, да учиню вамъ».А они рекли сут: «Мужа того, онже насъ мучилъ и губилъ безвинне, тако имамы сказити, абы ни единый з роду его не остал во всех кончинах Ізраилевых,и ныне да выдадуть намъ седмъ мужевъ с сыновъ его, да распнемы их пред Господемъ въ Гаваоне Саулове, онже былъ ест изъбранный Господень». И рече царь: «Азъ выдам е вам».И отпустил ест царь Мифивозефови, сыну Енафову, сына Саулова, для клятвы, еюже ся был заклял пред Господемъ Богом и предъ Енафою, сыном Сауловым.Взем же Давыдъ оба сына Расфы, дщеры Ахиасовы, онаже породила была их Саулови — Армоню и Мемфиозию, и пят сынов Михолиныхъ, дщеры Сауловы, еже породила была Адриелови, сыну Верзеляеву, онже был ест от Моляхи,и предал е в руце Гаваонитяном, ониже распяли их^b на горе пред Господем. И побиты сут сии седмъ сынов з роду Саулова вкупе, во дни, егда найпервей почали жати ечмень.Тогда Ресфа, дщера Ахиасова, вземши гуню, послала собе на скале от зачала жатвы, дондеже снииде дождь с небеси, и не дала ест птицам ясти ихъ во дни и ни зверем в нощи.И возвестиша сее Давыдови, еже учинила Ресфа, дщера Ахиасова, онаже была естъ меншица Саулова.Тогда шолъ естъ Давыдъ и побралъ кости Сауловы и кости Енафы, сына его, от мужей Ависъ-Галаадских, ониже крадьмо взяли были е изъ града Веф-Зама, где повесили их Филистымове, внегда забили были Саула и Енафу на горе Ельвое.И принесе оттуду Давыдъ кости Сауловы и Енафы, сына его. И собравши теже кости тых, ониже были распяты на крестех,похоронили суть е вкупе с костьми Сауловыми и Енафиными, сына его, в земли Веньаминове, на стране горы, во гробе Цисове, отца Саулова. И учинили суть вси речи, якоже повелелъ былъ имъ царь; и се, слютовался естъ Богъ надъ землею потомъ.Того часу сталася естъ брань Филистымляномъ со Ізраильтяны. Изыйде Давыдъ и люди его с нимъ, и билися съ Филистымляны. И внегда утомился в бою Давыдъ,Есвиденобъ, мужъ филистымский, онже былъ естъ з роду Арафа-волота и в него гротъ на конци копия железный важилъ естъ триста лотовъ, и припоясалъ былъ к собе мечь новый, и устроися на то, абы моглъ забити Давыда.Имелъ же ест Давыд на помощъ Ависая, сына Сарвиина, и ранил Филистымлянина, и убилъ его. Тогда кляшеся мужи, иже беша съ Давыдом, глаголюще: «Се, потомъ не изыйдеши с нами на войну, аще бо убиють тебе, то угаснеть светилникъ во Израили».^cБысть теже и другая битва въ Говеи съ Филистымляны, и в той битве забитъ естъ Совохай от Усаха, Зефая от племеня Арафова, з роду волотовъ.Еще и третия война была въ Говеи съ Филистымляны, в нейже человекъ, от Бога даный з леса^d, сынъ вышивачевъ от Вефлиома, убилъ естъ Голиафа Еффейскаго, егоже копие такъ толсто было, якобы навивало ткачево.К тому и четвертая битва была въ Еффе.^e В той битве былъ естъ мужъ высокий, онже на кождой руце и на нозе имеаше шесть перстовъ, то ест всехъ четыри и двадцеть, а былъ з роду Арафы-волота;сей ругался естъ людемъ Ізраилевымъ,и забилъ того Енафанъ, сынъ Семмеевъ, брата Давыдова.Сии четыри Филистымляне, мужи сильнии от племеня Арафова, зродишеся въ Еффе, побиты суть от Давыда и от слугъ его.

1. a (21:2) Ісуса, сына Нава, 9[:15].
2. b (21:9) Эсфіры, 5[:14].
3. c (21:17) Ad marginem: Выше, 18[:3].
4. d (21:19) от Бога даный з леса, сынъ вышивачевъ (Вульгата: Adeodatus filius Saltus polymitarius, ‘Адэадат, сын Сальта, ткач’; ЦСБ: Елеананъ, сынъ Аріоргима). Лацінскае Adeodatus расчытана як a Deo datus, ‘дадзены ад Бога’.
5. e (21:20) 1 Параліпаменан, 20[:6].

Chapter 22

Isolated verses only: this chapter page was not archived; the verses come from archived verse-comparison pages of the same site.

от блистания пред Нимъ облаци возгорешася, яко углие огняно.

Chapter 1

ПОЧИНАЕТСЯ ПЕРВАЯ ЧАСТЬ КНИГЪ, РЕКОМЫХЪ ОТ ЕВРЕИ МАЛЯХИМЪ, по-руски же называются Третии книги Царьствъ. А имають в собе главъ 22.

О старости Давыдове. О Адонии, онже хотел царствовати. О раде Нафана-пророка съ Версавиею. Повелел ест Давыдъ помазати Саломона на царство.А царь Давыдъ вже былъ состарелся а имелъ веку своего летъ много. И егда лежалъ ест на ложи своемъ, одеваху его ризами многими, и не можаше согретися;тогда рекоша к нему слузи его, глаголюще: «Да согледаем господину нашему царю девици младое, онаже бы стояла предъ царемъ и кормила и, и согревала и, спящи подле его».И согледали девице красное во всех коньцехъ Ізраилевыхъ, и знашли суть Ависаю Сунамитскую и привели ю къ царю Давыду.И была естъ девица красна вельми, и послуговала естъ царю, и сыпяла с нимъ; царь же Давыдъ не позналъ естъ ея.Адония пакъ, сынъ Агефинъ, тогда возношашеся, гла го ля: «Азъ буду царствовати». И наделал собе возовъ и ездцевъ, и справилъ собе пятьдесятъ мужей, ониже хождяху предъ нимъ.И не каралъ ест и Давыдъ, отець его за тое, глаголя: «Чему тако чинишъ?» Былъ бо естъ и той вельми красный, вторый сын по Авесаломе.И вже ся былъ смолвилъ со Іоавомъ, сыномъ Сарвиинымъ, воеводою Давыдовымъ, и со Авиафаромъ-жерцемъ, ониже были суть на руку Адоние ву.Садох пак ерей, и Ваания, сынъ Іоадов, и Нафанъ-пророкъ, и Семей, и стрельци, и щитници, и вси дворяне Давыдовы не были съ Адониею.Тогда приношаше Адония жертвы Господу — овце, и телци, и вси речи тучныя у каменя, рекомаго Золехъ, иже былъ естъ близко кладезя Роель. И позвалъ Адония всю братию свою, сыновъ царевыхъ, и всех мужей Іюдиныхъ, слугъ царя Давыдовых;Нафана же пророка, и Ваанию, и иныхъ дворяновъ силъныхъ царевыхъ, и Саломона, брата своего, не позвалъ естъ.Тогда рече Нафанъ къ Версавии, матери Саломонове: «Слышала ли еси тое, иже царьствовати хощеть Адония, сынъ Агефинъ? И господин нашъ, царь Давыдъ, не весть о томъ.Протожъ пойди ныне и послухай рады моея, и соблюди животъ свой и живот сына своего Саломона.Иди и внииди къ царю Давыду, и глаголи ему: “Не си ли ты, господине мой царю, клялся мне, рабе твоей, глаголя, яко “Саломонъ, сынъ твой, царствовати будеть по мне и той седети будеть опосле мене на престоле моемъ”? И почто жь пакъ ныне возносится на царство Адония?”И еще тобе глаголющей сия слова къ царю, азъ прииду тамъ и доконаю речи твоея».И внииде Версавия къ царю, до ложници его; царь же был ест вельми старъ, и Ависайа Сунамитская послуговала ему;и поклонися Версавия царю, и рече к ней царь: «Чего хощеши?»Она же отвеща и рече: «Господине мой царю! ты еси клялъся рабе твоей Господемъ, Богомъ твоимъ, глаголя, иже “Саломонъ, сынъ твой, царствовати будеть по мне и онъ сядеть на престоле моемъ”.И се, ныне царствуеть Адония, а ты о том, господине мой царю, не веси;набил бо овець, и тельцевъ, и иныхъ речей тучных и позвалъ всехъ сыновъ царевыхъ, и Авиафара-жерца, и Іоава-воеводу, Саломона же, раба твоего, не позвалъ.Но, господине мой царю, на тя зрять очи всехъ людей Ізраилевых, абы поведелъ имъ, кто имать седети на престоле твоемъ по тобе;и внегда уснеть господинъ мой царь со отци своими, буду я и сынъ мой Саломонъ грешници».И еще ей глаголющей съ царемъ, се, Нафанъ-пророкъ прииде;и поведили суть царю, иже Нафанъ-пророкъ пришолъ естъ. И внегда внииде предъ царя, поклонися царю до землии рече Нафанъ: «Господи мой царю, ты ли еси реклъ: “Адония да царствуеть по мне и той да седить на престоле моемъ”?Яко се ныне набилъ естъ овець, и тельцевъ, и всего тучнаго и позвал всехъ сыновъ царевыхъ, и князей людьскыхъ, и Авиафара-жерца, и егда суть пировали, ядяще и пиюще пред ним и глаголюще: “Да будеть здравъ царь Адония!”Мене же, раба твоего, и Садоха, ереа, и Ваании, сына Іоадова, и Саломона, отрока твоего, не позвалъ.Еда ли бысть слово сее с повелениемъ господина моего царя и мне, рабу своему, не возвестилъ еси того, кто седети имать по смерти твоей на престоле твоемъ».Тогда отвеща царь Давыдъ и рече: «Позовите ко мне Версавию». Она же внегда пришла ест предъ царя и стояла пред нимъ,присягнулъ ей царь и рече: «Живъ естъ Господь Богъ, Онже избавилъ душу мою от всея печали!Яко клялся есми тобе Господемъ, Богомъ Ізраилевымъ, глаголя: “Саломон, сынъ твой, той царствовати будеть по мне и онъ седети будеть на престоле моемъ вместо мене”, тако и учиню днесь».Склонивши же Версавиа лице свое к земли и поклонилася царю, глаголющи: «Да живеть господинъ мой, царь Давыдъ, во веки!»И рече паки царь Давыдъ: «Позовите ко мне Садоха-ереа, и Нафана-пророка, и Ваанию, сына Іоадова». Они же внегда пришли суть предъ царя,рече к нимъ царь: «Поимите с собою слуги господина вашего, и въсадите Саломона, сына моего, на мулицю мою, и ведите и въ Гионъ;и да помажеть его тамъ Садох-ерей и Нафанъ-пророкъ на царство надъ людми Ізраилевыми; и затрубите в трубу, и ирците: “Да живет царь Саломонъ!”И идите за нимъ, и приведите его въ Ерусалимъ, и посадите и на престоле моемъ; и той будеть царствовати по мне,^a и ему азъ повелю, абы былъ вожъ всемъ людемъ Ізраилевымъ и Іюдинымъ».И отвеща Ваания, сынъ Іоадовъ, къ царю, и рече: «Буди тако! Да наполнить Господь Богъ слова господина моего царя.И якоже былъ ест Господь Богъ съ господиномъ моимъ царемъ, тако да будеть съ Саломономъ, сыномъ его, и да розмножит царство его более, нежели было царство господина моего Давыда!»Тогда шли суть Садохъ-ерей и Нафанъ-пророкъ, и Ваания, сынъ Іоадовъ, и стрельци, и щитници, и въсадили Саломона на мулицу Давыдову, и привезли его до Гиона.И взялъ естъ Садохъ-ерей в рогъ елея с храму Божия и помазал Саломона на царство. И за трубили суть в трубу, и возпиша вси людие: «Живъ да будеть царь Саломон!»И шло естъ все множество людей за нимъ, трубяще и радующеся, з веселиемъ великимъ, и возгриме земля от великаго гуку их.Услышал же сее Адония и вси тии, ониже были позвани на пир к нему, и вже ся было скончало пирование; но и Іоавъ-воевода рече: «Что сее естъ, иже такъ велми гучать во граде?»И еще ему сия глаголющу, се, прииде Енафанъ, сынъ Авиафара-жерца; и рече к нему Адония: «Пойди к намъ, понеже мужъ силный еси ты и добрую новину возвестиши намъ».К нему же отвеща Енафанъ: «Никако, господинъ убо нашъ, царь Давыдъ, посадилъ Саломона на царстве;и послалъ естъ с нимъ Садоха-ерея, и Нафана-пророка, и Ваанию, сына Іоадова, и стрельци, и щитники, и въсадили его на мулицу царя Давыдову;и помазали его на царство въ Гионе Садохъ-ерей и Нафанъ-пророкъ, и шли суть оттуду з веселиемъ, и гукъ великий розширился по граде, и то естъ той гукъ, еже вы ныне слышасте.Но и Саломон вже седить на престоле цареве.И слузи царевы, приступивши къ господину нашему, царю Давыду, подяковали ему, глаголюще: “Да розмножить Господь Богъ имя Саломоново надъ имя твое и да возвеличить престолъ царъства его паче престола твоего!” И похвалил естъ с того Господа Бога царь Давыдъ, седяй на постели своей,и рече: “Благославенъ Господь, Бог Ізраилевъ, онже далъ естъ днесь седети сыну моему на престоле моемъ пред очима моима!”»Тогда возбояшеся и въсташа вси пирующие, иже были позвани къ Адонии, и розошлися суть единый кажьдый путемъ своимъ.Адония пакъ, боячися Саломона, внииде въ храмъ Господа Бога и яся за рогъ требника Господня.^bИ возвестиша сее царю Саломону, глаголюще: «Се, Адония, боячися царя Саломона, держится рогу требника Господня, глаголя: “Да клинеть ми ся царь Саломонъ днесь Господемъ Богомъ, иже не убиеть мене, раба своего, мечемъ”».Рече Саломон: «Будет ли мужъ добрый, не спадеть ни влас з главы его на землю; пакли же неякая злость знайдена будет в нем, то умреть».И послал ест царь Саломон, и приведоша его от требника, и, вшедъ, поклонися царю Саломону; и рече ему Саломон: «Иди в дом свой».

1. a (1:35) Прытчы, 1[:5]; 1 Параліпаменан, 29[:23-24].
2. b (1:50) Ad marginem: Ниже, 2[:28].

Chapter 7

Isolated verses only: this chapter page was not archived; the verses come from archived verse-comparison pages of the same site.

Поставил теже домъ иный с древа горы Ливанское: сто локотъ в должиню, и пятьдесятъ локотъ в шириню, и тридцеть локотъ въ вышиню, и четыри проходища межи столпы кедровыми, древа убо кедрова стесалъ былъ на столпы.

Chapter 22

Isolated verses only: this chapter page was not archived; the verses come from archived verse-comparison pages of the same site.

И вымывали возъ его въ рибнице самарийскомъ, и стребали суть пси кровь его и шлеи и узды кривавые лизали суть, по словеси Господьню, еже глаголал естъ рукою Илии, пророка своего.