L0 — Францискъ Скорина, «Предъсловие въ ѱалтирь» (Прага, 6 августа 1517)

¶1

V. 325Предъсловие въ ѱалтирь

¶2

Всѧко писание бг҃мъ водъхненое полѣзно е^ст коꙋчению икообличению исправлѣнию иконаказанию правды; дасовѣршенъ будеть Человѣкъ бж҃ий Инавсѧко дѣло добро оуготованъ.ꙗко ст҃ый ап҃лъ Павелъ пишеть Исегоради ст҃ые писма ꙋставлѣна сꙋть кнашемꙋ навчению исправлѣнию духовномꙋ ителесномꙋ различными обычай.Едины закономъ, ветхымъ иновымъ другые ст҃ыми пр҃рки даны сꙋть намъ.Иные деꙗниемъ ст҃ыхъ отець, Анекые притъчами премꙋдры^х ꙋчителей; некоторые теже песнѧми Иѱалмы ѿцр҃ѧ дв҃да иѿиныхъ божий певцевъ сложеными, ꙗко е^ст Псальтырь.

¶3

Тыеже вси первоменовеные писма, Кажьное снихъ токмо единꙋ речь всобѣ замыкаеть.Ꙗко Законъ живота вечного людей достꙋпити ꙋчить, Пр҃рци приидущее доброе добрымъ Азлое злым’ проповѣдують, Деꙗниѧже иживоты светыхъ отець, жити насъ насвете в’ богазни божией ивтерпений навчають, Прит’чи пак’ иприповѣсти премꙋдрыхъ Ꙋчителевъ добры^х обычаевъ младыхъ истарыхъV. 326 настав’лѧють.ѱал’тырь же сама едина вси тые речи всобѣ замыкаеть, ивсехъ тыхъ ꙋчить и все проповедꙋеть.Сꙋть бо вней ѱалмы ꙗкобы сокровище всихъ драгыхъ скарбовъ Всѧкий немощи духовный ителесный оуз’дравлѧють, Дꙋшу исмыслы освѣщають, Гневъ и ꙗрость оусмирѧють миръ ипокой чинѧть, смꙋтокъ и печаль ѿгонѧют, чюв’ствие вмолитвахъ дають Людей вприꙗзнь зводѧть ласкꙋ имл҃ть ꙋкреплѧють.Бесы изгонѧють, Ан’гелы напомощь призывають.ѱаломъ е^ст Щитъ противъ бесовскымъ нощънымъ мечтаниемъ Истрахомъ, Покой ден’нымъ сꙋетамъ ироботамъ.Защититель младыхъ ирадость старымъ потеха ипеснѧ, Женам’ набожьнаѧ молитва ипокраса Детемъ малымъ початокъ всѧкое доброе наꙋкы дорослымъ помножение внаꙋце мужемъ моцное ꙋтверьжение.ѱаломъ е^ст всеѧ цѣрькви единый гласъ свѧта ꙋкрашаеть ѱаломъ всѧкую противность еже е^ст бога ради ꙋсмирѧеть.ѱаломъ жестокое ср҃це макчить, Ислезы снего ꙗкобы соисточника изводить.ѱаломъ е^ст Ан’гельскаѧ песнь духовный темъѧнъ, вкꙋпе телопѣнием’ Веселить адушꙋ ꙋчить.И ч’то е^ст чего в’ псалмохъ ненайдешь, Нестли тамъ вѣличества бж҃иѧ ихвалы его, тамъ е^ст справедливость тамъ е^ст чистота душевнаѧ Ителеснаѧ, тамъ е^ст наꙋка всѧкое правды тамъ мꙋдрость иразумъ досконалый та^м е^ст милость идруголюб’^ство без’льсти, Ивси иншии добрые нравы ꙗкобы соисточника ѿтолѣ походѧть.

¶4

Тамъ е^ст великаѧ тайна обозѣ в’ троици единомъ, Иовоплощений гд҃а нашего Іс҃ Хр҃та, Иовмучений его невин’номъ, Иовоскресений измер’твыхъ тамъ е^ст надежа востаниѧ измер’твых’V. 327 ивеч’ного живота богазнь страшного сꙋду ивечьного ог’нѧ.Тамъ е^ст многыхъ скрытыхъ тайнъ зъꙗвление.Вси тый речи ꙗкобы ꙋвеликомъ сокровищи в’сей малой псалтыри найдешь.

¶5

Ивидечи таковые пожит’кы в’такъ малой книзе, ꙗ фран’цишек’ скорининъ сынъ сполоцька, Влекарскыхъ наꙋкахъ Докторъ Повѣлелъ есми Псал’тырю тиснути рꙋскыми словами асловен’скы^м ꙗзыкомъ.Напре^д кочти икпохвалѣ бг҃ꙋ вътр^оци единомꙋ, Ипрч҃той его матери Марий, Ивсемъ нб҃нымъ чиномъ ист҃ым’ бж҃ьимъ, Апотомъ кпожиткꙋ посполитого доброго, Наболей стое причины ижемѧ мл҃тивый бг҃ъ стого ꙗзыка насвет’ пꙋстил’

¶6

Азовѣтсѧ ѱалтырь гꙋдба едина подобна кгꙋслѧмъ.ꙗко самъ цр҃ь ипр҃ркъ поет’ гл҃ѧ хвалите гд҃а вопсалтыри ивгꙋслѣхъ Исегодлѧ поставилъ е^ст цр҃ь Дв҃дъ четыре^х вѣликихъ ереовъ Ихъже избралъ ѿвсех’ людей.Азафа и Емана и Еѳана и Идиѳума, Абы гꙋдли напсалтыри предъ Киотомъ завета гд҃на, Ипсалмы абы припевали повсѧ часы, ꙗко пишеть отомъ в’пер’выхъ книгахъ паралипоменона.Естъже той розделъ Псалтыри ѿгꙋслей, Гꙋслѣ имеють много струнъ, Псалтырьже толико имать десеть стрꙋнъ ꙗко пишеть ото хвалите гд҃а вопсалтыри десѧтострꙋннѣй Абыла сиѧ гꙋдьба оуставлѣна, Духомъ св҃тмъ назнамѧ десѧтерого бж҃ьего приказаньѧ Еже далъ гд҃ь Мойсеови нагоре синай ато кнашему наꙋчению.Абымы Псалтырю поючи чтꙋчи иговорѧчи всегда имели, Десѧтеро бж҃ье приказаниеV. 328 пред’очима.

¶7

Такжебудь ведомо положилъ есми некоторые настороницахъ в’сей псалътыри главы з’розныхъ книгъ, Ато длѧ того абы знакомито было иже в’си иные светые писма згожаютьсѧ съпсалтырею иодно надругое свет’чить, Ато чтꙋчи втых’ книгахъ иже сꙋть главы набоцехъ пописаны знайдете.Также положилъ есми набоцехъ некоторый слова Длѧ людей простыхъ, нерушаючи самое ѱалътыри нивчемъже ꙗко сꙋть онагри игеродеево жилище Ихлѧбие Ииные слова который сꙋть впсалтыри неразумный простымъ людемъ, найдуть е набоцехъ рꙋскимъ ꙗзыкомъ что которое слово знаменꙋеть.Теже розделилъ есми вси псалмы настихи потомꙋ ꙗкосѧ выныхъ ꙗзыцехъ делить:— Атакъ е^ст конець предъсловиѧ ѱалтыри:

Facsimile · Псалтирь, Прага 1517 (pp. 3–8 of the scan; fol. 2r–4v, inferred)